A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

lorózu lellózu

lòrra , nf Definizione brutore, malesa, cosa bruta; a logos, fintzes maladia de is crabas Sinonimi e contrari brutore, cadhossímini, cadràngia, incràstiu, limporra 2, muga, sudre Frasi benendhe dae su cubile est semper gàrrigu de lorra ◊ che ndh'at, de lorra, in custu logu chentza mai mancu mundhadu!…

lorrillórris , avb Definizione colagola, cagiagàgia, a lorros Frasi ruju che cocorosta e lorrillorris de sudore curriat a un'ala e a s'àtera Etimo srd.

lórru , nm Definizione muga, cora de suore / èssere a lorros de sudore = lorrillorris de suore, a sudore calandho.

lortziàda , nf Definizione genia de animaledhu de mare chi faet unu fragu légiu e abbruxore a dhu tocare; una de is ortziadas (ociada) si papat imbuscinada in farra e fríssia in ógiu Sinonimi e contrari orticata 1 2. apu portau unu paghedhu de lortziada, funt po babbu, est sa cosa chi dhi praxit de prus cota impanada: est lorziada apena piscada (G.Tatti).

lortzòre , nm Sinonimi e contrari brutore, cadhossímini, lorra, lurtrinia, muga.

lortzorósu , agt, nm Sinonimi e contrari cadhóciu, lurtinosu, mugosu, sodrigosu Etimo srd.

lóru , nm: lou, lovru Definizione corria longa de pedhe de bulu a una pígiu, lada unos duos o tres centímetros, po acapiare su giuale a is corros de is boes (si narat fintzes de una genia de fune ladita de pramma, téssia cun tres codriolas prus fines): lovru est a logos su chi aterue narant presorzu, lióngiu / min. loritu = corria de pedhe; tirare sos loros = pònnere in galera Sinonimi e contrari cinsòrgia, cussorza 1 Frasi milli isperas atzendhent in su coro a su massaju chi at prontu aradu, loru e redinaju e su giú e s'abba est isetendhe (F.Sechi) 2. cussa est zente de malu loru, a boche àere postu a un'ala sentza ischire mancu proite! 3. sa cresura de su tempus at brincau po istuturare lovros, po truncare su chircu de sa timória (G.Brocca) Cognomi e Proverbi smb: Loru Etimo ltn. lorum Traduzioni Francese courroie de cuir pour fixer le joug aux cornes Inglese yoke strap Spagnolo rolla Italiano giuntóia Tedesco Zugstrang.

lóru 1 , nm Sinonimi e contrari alaru, labru*, làtiu, lau Terminologia scientifica mtm, rbc, Laurus nobilis.

lorumadítu , agt Definizione chi est tundhu che lómboru, chi est sugetu a orrumbulare, a si mòvere orrumbulandho Sinonimi e contrari arrumbulanu, arrumbulúciu, lorumatu, lumburutzu, trodhulanu Etimo srd.

lorumàre , vrb Definizione orrumbulare, andhare, mòvere orrumbulandho Sinonimi e contrari arrembulai, cadhinare, codulare, lumburare, torrulare, trodhulare Frasi a bias mi biso dai artu falendhe lorumendhe (G.Ruju)◊ sas penas nostras sighint a lorumare che a sas pedras de su riu bulluzadu Etimo srd.

lorumàtu , agt Definizione chi est tundhatzu che lómboru, sugetu a orrumbulare, a si mòvere orrumbulandho Sinonimi e contrari arrumbulanu, arrumbulúciu, lorumaditu, lumburutzu, trodhulanu Frasi torra ruet a renes a terra, istírigat che pedra lorumata Etimo srd.

lorumédhu , nm Definizione min. de lórumu, lómboru piticu.

lórumu lórimu

los , prn: dhos* Definizione prn. de 3ˆ persona pl. mascu po gente o cosa manigiau sèmpere a cumplementu ogetu Frasi a issos los bido e los intendho ◊ apo pérdidu cos'e fiados: bidos mi los azis? ◊ cussos cantos de linna che los apo postos a su fogu Traduzioni Francese les Inglese them Spagnolo los Italiano li Tedesco sie.

lòsa , nf: allosa Definizione lastra de pedra po ammentu de unu mortu; pedra chi ammontat sa fossa de su mortu e fintzes sa fossa etotu, su fràigu inue si ponet su mortu Sinonimi e contrari tumbinu Frasi dh'ant postu una losa de màrmuri 2. mama est marmurada suta de una frita losa, in campusantu ◊ rendhide sos onores a custa trista losa chi ammuntat piedosa sos restos de unu de sos frades! ◊ ohi ite morte penosa… benzant a m'interrare in sa matessi losa! ◊ sa die de sos mortos sa zente andhat a pònnere frores e làntias atzesas subra de sas losas 3. si notíscia no retzis bella una losa li faghes fraigare ◊ babbu tou puru ch'est in sa losa Cognomi e Proverbi smb: Losa Etimo ctl., spn. llosa, losa Traduzioni Francese dalle, pierre tombale, tombe, tombeau Inglese slab, gravestone, tomb Spagnolo losa, tumba Italiano lastra, làpide, stèle, tómba Tedesco Steinplatte, Grabplatte, Grab.

losài , vrb: allosai* Definizione istèrrere o carragiare pomentu o orruga de losas, a pedras ladas Sinonimi e contrari allastricai, arrazolare.

losanía , nf Definizione su èssere losanu, créschiu o creschendho meda, bene, nau de erbas e matas e fintzes de gente Sinonimi e contrari gurrinzu Etimo spn. Traduzioni Francese prospérité Inglese flourishing Spagnolo lozanía Italiano floridézza Tedesco Blüte.

losànu , agt Definizione chi creschet bene, meda, nau de erbas e matas e de gente puru Sinonimi e contrari aggrighidhiu, feurràciu, imbénnidu, latucosu, vrassellu | ctr. mecianu, ortitzu Frasi rajos de sole fatendhe su cua cua in buschedos losanos, e risu a iscacàgliu de criaduras cheria ◊ l'allughet s'ispera de pòdere una die, isinnidendhe pàsculos losanos, truvare s'ama sua (G.Porcheddu)◊ est in sa prus virde e losana gioventude 2. binzas e àrvures sunis ispozas de losanu (C.Demartis) Etimo spn. Traduzioni Francese luxuriant, vigoureux Inglese prosperous Spagnolo lozano Italiano rigoglióso, flòrido Tedesco blühend.

lóscia , nf: (ló-sci-a) lóssia, lúscia (lú-sci-a) lussa, lússia Definizione genia de istoja de giuncu o de canna intéssia a preta; cadinos mannos fatos cun tiras de canna intéssias po chistire su laore incungiau; fintzes una genia de ammontu de su carretone a usu de traca / mannu cant'e una lússia = mannu meda, unfrau puru Sinonimi e contrari cadinu, órriu 1 Frasi at postu su trigu in sa lússia ◊ tenzo una tia chi de sodhos ndh'at una lúscia piena ◊ in donzi ispiga una lúscia de trigu e donzi lúscia cantu a unu castedhu! ◊ is carretonis a lóssia faiant biaxis de lori ◊ de cantu est rassa zughet su chintu che lúscia pariza Terminologia scientifica stz Etimo its, srdn?