A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

lassinavénu lantzinavénu

lassingiàre , vrb: lassinzare, lossingiai, lussinzai Definizione andhare o mòvere chentza pòdere arrèschere, chentza pòdere agguantare su pei firmu Sinonimi e contrari allescinai, illascinare, illiscigare, iscadriare, istrissinare, lascinare*, lissiniri Frasi sa matzoca mi nc'est lossingiada de manus Traduzioni Francese glisser Inglese to slide Spagnolo resbalar Italiano scivolare Tedesco gleiten.

lassinónzu , nm Sinonimi e contrari allescinu, fuzidura, lascíngiu, liscinamentu Etimo srd.

lassinósu lascinósu

làssinu , nm Definizione logu inue si podet illascinare e orrúere illascinandho Sinonimi e contrari liscinu Etimo srd.

lassinzàda , nf Sinonimi e contrari fuzida, lascinada Etimo srd.

lassinzàre lassingiàre

lassinzósu , agt Definizione chi illascinat, chi no faet a arrèschere Sinonimi e contrari alliscinosu, illissinzosu, lascinosu, liscighinosu Etimo srd.

lassínzu lascíngiu

lassiòla , nf Definizione su cuadhu de is pantalones de su costúmene (ma si ponet in is subrecos puru de is camisas).

lassixédhu , nm Definizione min. de lassu, lobu pitichedhu.

làssu làntu

lastichédhu , nm Definizione genia de búscia chi s'imbestit a sa natura de s'ómine a manera chi de su sèmene no ndhe abbarret in cussa de sa fémina o fintzes po no si apicigare calecuna maladia Sinonimi e contrari condò, gandolu Etimo srd.

lastichète , nm Definizione genia de búscia chi s'imbestit a sa natura de s'ómine a manera chi de su sèmene no ndhe abbarret in cussa de sa fémina o fintzes po no si apicigare calecuna maladia Sinonimi e contrari condò, gandolu, lastichedhu Terminologia scientifica ssl Etimo srd. Traduzioni Francese préservatif Inglese condom Spagnolo preservativo, condón Italiano preservativo Tedesco Präservativ, Kondom.

làsticu, làstigu , agt, nm: elàsticu*, làstriche, olàsticu Definizione genia de materiale chi, si dhu istirant, torrat a su chi fut innanti; giogu fatu cun duas tiras de gomma fine acapiadas a is duos corros de una frochidhedha, e a s'àtera parte a una limbata de pedhe po iscúdere atesu pedrighina Sinonimi e contrari tiralàsticu.

làstima , nf, nm: làstimu Definizione su lastimare, genia de sentidu chi si provat po s'àteru tenendhondhe cumpassione, agiummai coment'e provandho sa matessi pena de s'àteru Sinonimi e contrari cumpascione, dolu, piaidade / lamentu Modi di dire csn: fàghere làstima = fàghere proare dolu; làstima de… (+ nm.) = genti o cosa bona meda ma andada mali, pérdia; làstima a… (+ vrb.) = (nau in suspu) mellus aici; ghetare làstimas = fai làstima, chesciaisí, tzerriai po dolori Frasi isperu chi s'atítidu agatit làstimu assumancus in su celu! ◊ mi faiat una làstima, cussu, sempri tristu che sa noti! ◊ sas dólimas l'ant reduidu a nudha: faghet finas làstima a su cane ◊ si ischiaizis sa pista, faghet làstima a bois e a mie ◊ l'acumpanzamus a s'interru cun làstimas e dolu ◊ Gesús ndi at tentu làstima biendidhu prenu de sàngia e de guronis ◊ de làstima su coro mi at segadu su lu bídere gai in tristura ◊ sos funnos comente est colatu su focu si fint fortzicatos ghetanne làstimas chi pariant de criatura ◊ che apo pérdiu su tacone de custos botinos, ma mi paret làstimu de dhos arrimare! ◊ làstima ndhe apat Deus me in su chelu! 2. me is comunus intraus a làstima, nosu, a su timi timi, parit ca is àterus funt is meris 3. e andhe làstima de zòvanu andhadu male! ◊ ita làstima de capedhu, chi dh'emu tentu dèu! ◊ làstima de pira fuliada, cue! ◊ làstima de olia, frundhida in campu pro no tènnere chie ndhe la collire! ◊ ih, ita làstima de picioca sena de bratzus! ◊ ite làstima de pilos chi bos ndhe sezis seghendhe!…(G.Raga) 4. làstima a los pèrdere cussos cumpanzos chi ti che trazant a fàghere male!… Etimo spn. Traduzioni Francese pitié, compassion, douleur, peine Inglese pity, grief Spagnolo lástima Italiano pietà, compassióne, compianto Tedesco Mitleid.

lastimàdu , pps: lastimatu Definizione de lastimare Sinonimi e contrari sentidu 1.

lastimài, lastimàre , vrb Definizione nàrrere o fàere cosa dispràxios po su male de s'àteru, àere làstima de s'àteru, de issu etotu Sinonimi e contrari ammischinai / sentire Frasi biendhe sa pitzinna si pesat a lastimare che ispiridada ◊ cussa est sempri lastimendisí ca tenit genti chi dha prapat ◊ mi deviant lastimare sas pedras si ischiant de su patimentu meu! Etimo spn. lastimar Traduzioni Francese plaindre Inglese to pity Spagnolo compadecer Italiano compiàngere, commiserare Tedesco bemitleiden.

lastimàtu lastimàdu

lastimidàde, lastimidàdi , nf Definizione sentidu de piedu po s'àteru Sinonimi e contrari làstima, piedade Frasi totus dhu prangint, sa famíglia sighit a ndi suspirai cun lastimidadi ◊ ti narat "t'istimu" casi po lastimidadi!