A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mudulèa , nf Definizione su abbarrare citios po carragiare o cuare cosa male fata chi puru si connoschet Sinonimi e contrari ammudatzone, mudímine, mudine, mudulesa Frasi sa mudulea de sa zente chi ischit e no narat Etimo srd. Traduzioni Francese loi du silence Inglese omertà Spagnolo ley del silencio, complicidad Italiano omertà Tedesco stillschweigende Teilnahme.

mudulèsa , nf Sinonimi e contrari mudulea Etimo srd.

muduléu , agt, nm: muruleu Definizione chi o chie foedhat pagu e nudha, chi dhi praghet a istare citiu Sinonimi e contrari mudigone, mudurcu, mutzurru | ctr. ciaciareri, paraletadore, tzarrantinu Frasi fit conchibesudu, ojimaduru e sempre muduleu 2. fateit fàghere una mata de risu fentra a cussu muduleu de ghiadore ◊ cudhu muduleu no riiat mancu in die de Pasca Terminologia scientifica ntl Etimo srd. Traduzioni Francese taciturne Inglese reserved Spagnolo taciturno Italiano taciturno Tedesco schweigsam, wortkarger Mensch.

mudulòne , agt, nm: mutullone, mutulone Definizione chi o chie est de pagos foedhos, chi foedhat pagu fintzes candho bollet foedhau (e po cussu, fintzes tontorrone, pagu abbistu) Sinonimi e contrari mudigone, muduleu, muduncu, mudurcu, mutruche, mutzurru | ctr. ciaciareri, paraletadore, tzarrantinu Frasi isse fit unu cuenteri e arrejonatore abbistu, geo mutulone ma ascurtatore vonu Etimo srd. Traduzioni Francese taciturne, muet Inglese uncommunicative, mute Spagnolo taciturno, callado Italiano taciturno, mùtolo Tedesco schweigsam, wortkarger Mensch, stumm, Stumme.

múdulu , agt: múrulu, mútulu Definizione nau prus che àteru de craba (o fintzes de mascu, de becu), chi no at fatu corros, chi est o est abbarrada a conca nida Sinonimi e contrari cóciu 1, morcudu, múticu, pabadi | ctr. corrudu Frasi fiadu anzenu, múdulu o corrudu, romasu o rassu, fit totu sou ◊ deo apo a èssere múdulu, ma tue ses corrudu! ◊ una craba est cúncula de corra e una múdula a sonalla ◊ is bacas nostas funt múdulas Cognomi e Proverbi smb: Mudulu Etimo ltn. mutilus Traduzioni Francese sans cornes (bête) Inglese unhorned Spagnolo sin cuernos Italiano sènza còrna, privo di còrna Tedesco hörnerlos.

múdulu 1 , agt Definizione chi no foedhat, siat po abbitúdine e siat po neghe de natura Sinonimi e contrari citiu, mudu Frasi restesit che àinu imbastadu a conca a terra, múdulu e isfaltadu Etimo srd. Traduzioni Francese muet, sourd-muet Inglese mute (deaf-) Spagnolo mudo, sordomudo Italiano muto, sordomuto Tedesco stumm, taubstumm.

mudúmi, mudúmine mudímine

mudúncu , agt: muturru Definizione nau de ccn., chi est de pagas paràulas, chi foedhat tropu pagu Sinonimi e contrari mudigone, muduleu, mudurcu, mudurru, mutricone | ctr. paraleta Etimo srd.

mudúrcu , agt Definizione chi foedhat tropu pagu, chi est de pagos foedhos, mútziga surda Sinonimi e contrari abengau, mudigone, muduleu, muduncu, mutricone, mutruche, mutzucrone | ctr. paraletadore, tzarrantinu Frasi ma est mudurcu, mih: benit a inoghe, petzi abbàidat, si setzit, si che andhat, ma no est beru chi li essit una peràula! Terminologia scientifica ntl Etimo srd.

mudúrdu , agt, nm Sinonimi e contrari mudurcu.

mudurròne , agt Sinonimi e contrari mudulone, scimpri, tontassu, tontorrone Etimo srd.

mudúrru , agt: muturru Definizione chi est de pagos foedhos, chi foedhat tropu pagu Sinonimi e contrari mudigone, muduleu, muduncu, mutricone | ctr. paraleta.

muedhósu , agt Definizione chi portat meudhu bonu, meda, nau de ossos e de linnas Etimo srd.

muédhu maódhu

muènti mobènti

múere , vrb: mui Definizione piulai, fàere sonu o moida sighia, coment'e a súrbiu, a zúmiu / ger. muindhe Sinonimi e contrari afruschiare, ammuinai 1, fruscidare, frusiai, moidare, mojire*, muizare, zumiai Frasi est Pasca: sas campanas muant allegras! ◊ e cantas bajanedhas, mue mue che abes in giardinu, disizadu ant d'èssere che tue! ◊ già fist duas dies mue mue, rodiendhe che tzíntzula! ◊ mue, rizolu, mue piús forte! ◊ muet su bentu ◊ sa gatu est torrendi a mui po nci portai is gatixedhus a un'atru logu ◊ che sunt essidos muindhe che balla!

múfa , nf Definizione genia de lanedha prus che àteru birde chi creschet in cosa isciusta o úmida; in cobertantza si narat fintzes de bufóngiu meda, de su bufóngiu de is imbriagones e fintzes coment'e agt. de un'imbriagone / àere o andhare fragu de m. = fragu de cosa lanida, de mucore Sinonimi e contrari afungori, afungu, annarbamentu, imbucore, morighinu, mucore, mugheru, nabra Etimo itl.

mufàche , nm Definizione genia de pane grussu (cogone, cótzula, covatza) Frasi custu fit unu chi teniat unu furru chi bi coghiat zente meda e donzunu li daiat unu mufache Terminologia scientifica pne.

mufàda mofàda

mufài , vrb: ammufai* Definizione pònnere sa narba, s'ammucoru a sa cosa isciusta o úmida Sinonimi e contrari afungorai, allanire, ammucorai, annabrai, atufai, mufire.