A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mudulèa , nf Definitzione su abbarrare citios po carragiare o cuare cosa male fata chi puru si connoschet Sinònimos e contràrios ammudatzone, mudímine, mudine, mudulesa Frases sa mudulea de sa zente chi ischit e no narat Ètimu srd. Tradutziones Frantzesu loi du silence Ingresu omertà Ispagnolu ley del silencio, complicidad Italianu omertà Tedescu stillschweigende Teilnahme.

mudulèsa , nf Sinònimos e contràrios mudulea Ètimu srd.

muduléu , agt, nm: muruleu Definitzione chi o chie foedhat pagu e nudha, chi dhi praghet a istare citiu Sinònimos e contràrios mudigone, mudurcu, mutzurru | ctr. ciaciareri, paraletadore, tzarrantinu Frases fit conchibesudu, ojimaduru e sempre muduleu 2. fateit fàghere una mata de risu fentra a cussu muduleu de ghiadore ◊ cudhu muduleu no riiat mancu in die de Pasca Terminologia iscientìfica ntl Ètimu srd. Tradutziones Frantzesu taciturne Ingresu reserved Ispagnolu taciturno Italianu taciturno Tedescu schweigsam, wortkarger Mensch.

mudulòne , agt, nm: mutullone, mutulone Definitzione chi o chie est de pagos foedhos, chi foedhat pagu fintzes candho bollet foedhau (e po cussu, fintzes tontorrone, pagu abbistu) Sinònimos e contràrios mudigone, muduleu, muduncu, mudurcu, mutruche, mutzurru | ctr. ciaciareri, paraletadore, tzarrantinu Frases isse fit unu cuenteri e arrejonatore abbistu, geo mutulone ma ascurtatore vonu Ètimu srd. Tradutziones Frantzesu taciturne, muet Ingresu uncommunicative, mute Ispagnolu taciturno, callado Italianu taciturno, mùtolo Tedescu schweigsam, wortkarger Mensch, stumm, Stumme.

múdulu , agt: múrulu, mútulu Definitzione nau prus che àteru de craba (o fintzes de mascu, de becu), chi no at fatu corros, chi est o est abbarrada a conca nida Sinònimos e contràrios cóciu 1, morcudu, múticu, pabadi | ctr. corrudu Frases fiadu anzenu, múdulu o corrudu, romasu o rassu, fit totu sou ◊ deo apo a èssere múdulu, ma tue ses corrudu! ◊ una craba est cúncula de corra e una múdula a sonalla ◊ is bacas nostas funt múdulas Sambenados e Provèrbios smb: Mudulu Ètimu ltn. mutilus Tradutziones Frantzesu sans cornes (bête) Ingresu unhorned Ispagnolu sin cuernos Italianu sènza còrna, privo di còrna Tedescu hörnerlos.

múdulu 1 , agt Definitzione chi no foedhat, siat po abbitúdine e siat po neghe de natura Sinònimos e contràrios citiu, mudu Frases restesit che àinu imbastadu a conca a terra, múdulu e isfaltadu Ètimu srd. Tradutziones Frantzesu muet, sourd-muet Ingresu mute (deaf-) Ispagnolu mudo, sordomudo Italianu muto, sordomuto Tedescu stumm, taubstumm.

mudúmi, mudúmine mudímine

mudúncu , agt: muturru Definitzione nau de ccn., chi est de pagas paràulas, chi foedhat tropu pagu Sinònimos e contràrios mudigone, muduleu, mudurcu, mudurru, mutricone | ctr. paraleta Ètimu srd.

mudúrcu , agt Definitzione chi foedhat tropu pagu, chi est de pagos foedhos, mútziga surda Sinònimos e contràrios abengau, mudigone, muduleu, muduncu, mutricone, mutruche, mutzucrone | ctr. paraletadore, tzarrantinu Frases ma est mudurcu, mih: benit a inoghe, petzi abbàidat, si setzit, si che andhat, ma no est beru chi li essit una peràula! Terminologia iscientìfica ntl Ètimu srd.

mudúrdu , agt, nm Sinònimos e contràrios mudurcu.

mudurròne , agt Sinònimos e contràrios mudulone, scimpri, tontassu, tontorrone Ètimu srd.

mudúrru , agt: muturru Definitzione chi est de pagos foedhos, chi foedhat tropu pagu Sinònimos e contràrios mudigone, muduleu, muduncu, mutricone | ctr. paraleta.

muedhósu , agt Definitzione chi portat meudhu bonu, meda, nau de ossos e de linnas Ètimu srd.

muédhu maódhu

muènti mobènti

múere , vrb: mui Definitzione piulai, fàere sonu o moida sighia, coment'e a súrbiu, a zúmiu / ger. muindhe Sinònimos e contràrios afruschiare, ammuinai 1, fruscidare, frusiai, moidare, mojire*, muizare, zumiai Frases est Pasca: sas campanas muant allegras! ◊ e cantas bajanedhas, mue mue che abes in giardinu, disizadu ant d'èssere che tue! ◊ già fist duas dies mue mue, rodiendhe che tzíntzula! ◊ mue, rizolu, mue piús forte! ◊ muet su bentu ◊ sa gatu est torrendi a mui po nci portai is gatixedhus a un'atru logu ◊ che sunt essidos muindhe che balla!

múfa , nf Definitzione genia de lanedha prus che àteru birde chi creschet in cosa isciusta o úmida; in cobertantza si narat fintzes de bufóngiu meda, de su bufóngiu de is imbriagones e fintzes coment'e agt. de un'imbriagone / àere o andhare fragu de m. = fragu de cosa lanida, de mucore Sinònimos e contràrios afungori, afungu, annarbamentu, imbucore, morighinu, mucore, mugheru, nabra Ètimu itl.

mufàche , nm Definitzione genia de pane grussu (cogone, cótzula, covatza) Frases custu fit unu chi teniat unu furru chi bi coghiat zente meda e donzunu li daiat unu mufache Terminologia iscientìfica pne.

mufàda mofàda

mufài , vrb: ammufai* Definitzione pònnere sa narba, s'ammucoru a sa cosa isciusta o úmida Sinònimos e contràrios afungorai, allanire, ammucorai, annabrai, atufai, mufire.