A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ordíxi , avb Definizione iscroxai a o. = a s'aurdixi, ma nau po ispuligare unos cantu frutuàrios a ungas, chentza lepedha.

ordoliàre , vrb Definizione ordire, cuncodrare una trassa, una trampa, ispedientare calecuna cosa Sinonimi e contrari archimingiai, ordimignare Frasi aus cumentzau a pentzare ite deviaus ordoliare po nosi fàere crere!

orechína , nf: orentzina, orichina, oricina, oritzina, uricina Definizione lorinchinu, prendha chi is féminas apicant a is origas po bellesa / oricinas de cariasa = cerésias allobadas in su nasedhu chi is piciochedhus a giogu si apicant in is origas Sinonimi e contrari aricina, arra, arracada, loritzina, pendhulica, pitoriga Terminologia scientifica prd Etimo itl. orecchino. Traduzioni Francese boucle d'oreilles, pendant d'oreilles Inglese earring Spagnolo pendiente Italiano orecchino Tedesco Ohrring.

orèdha , nf Definizione min. de ora, pag'ora Sinonimi e contrari orighedha.

oréfitze , nm: orífici, orífitze Definizione artista chi trebballat s'oro e faet is prendhas, fintzes chie dhas bendhet Sinonimi e contrari giojeri, lallaneri Terminologia scientifica prf.

orefitzería , nf Definizione logu chi faent o bendhent oraria Sinonimi e contrari lallaneria.

orellózu , nm: arrellógiu, orolozu, orrollozu, rellozu* Frasi s'antigu orellozu de su campanile fit sonendhe sas ses de sero.

orémus , nm Definizione foedhu latinu chi bolet nàrrere pregaus! e parte de sa missa: in sa nada cantai is oremus a unu, foedhare male, fàere a bregúngia Frasi est aspetendi a dhu biri, a su dotori de guvernu, po dhi cantai is oremus! ◊ bolis chi ti canti is oremus, oi?! Etimo ltn.

orentzína orechína

oréri , nm Definizione chie costumat a istare chentza fàere, chi istat contandho is oras, prus che àteru po sa mandronia Sinonimi e contrari codialzu, filísigu, ilvioladu, mandronàciu, praitzosu | ctr. marasadore, trabagliante Terminologia scientifica ntl Etimo srd. Traduzioni Francese fainéant Inglese idler Spagnolo holgazán, gandul Italiano scansafatiche, perdigiórno Tedesco Taugenichts.

orería oraría

oréssi , nm: urese Definizione furesu, pannu de lana, grussu, téssiu de lana sarda brebeghina Sinonimi e contrari arbaci, foresi* Frasi mesascartzas puru apo cussidu, zanchetas de oress'e solopados e bértulas chi mai si ndh'at bidu!

oretàre , vrb: orietare Definizione istare a iscoca, fàere sa posta a ccn. cosa o a ccn. po bíere ite faet, a ue andhat, cricare de ischire o leare oru de su chi faet, fintzes po dhu cassare Sinonimi e contrari aorutai, iscocai, obretare*, punterare, selentare, selvare, tenteare Frasi dogni istratagemma ti est onore, cun cudhu tuju tortu che astore oretendhe s'amante fissa ebbia! (M.Murenu)◊ catzadore mi conto e isco proite andho a oretare ◊ su pistighinzu pro Istèvene no dha faet lisiare ne sétzia ne crocada: sèmpere est orietandhe de su portellitu! Traduzioni Francese épier Inglese to spy Spagnolo acechar, espiar Italiano spiare Tedesco ausspionieren.

oretàrju , nm Definizione in cassa, logu inue si ponent is postas po cassare sa fera Sinonimi e contrari oretiba Etimo srd.

oretíba , nf: oritiba Definizione logu inue si ponent is postas po cassare sa fera Sinonimi e contrari oretarju Etimo srd.

orétu , nm: orietu Definizione su istare a iscoca, abbaidandho a bíere, leandho oru de ccn. o de calecuna cosa (si narat mescamente de is cassadores chi ibertant sa fera, apostaos), de chie ibertat a ccn. Sinonimi e contrari abbalestra, obretu*, scoca, serva Modi di dire csn: istare o èssere a o. = oretendhe, abbaidendhe; pònnere s'oretu a unu = zúgherelu a ogru; pònnere a ccn. in orietu = avertire chi istet atentu, a oretu; cassa de oretu = sa chi si faghet apostados isetendhe chi essat o colet sa fera, chi benzat a s'abba, a sa pastura Frasi astore malaitu, t'isto a oretu finas chi inoghe che lassas pumas e bicu! ◊ est istadu a oretu tota die, ma neune che li at furadu nudha Traduzioni Francese guet Inglese emplacement, secret watching Spagnolo acecho Italiano appostaménto, spiaménto Tedesco Aufstellung, Ansitz

orfanàre , vrb Definizione fàere a òrfanu, essire òrfanu; lassare chentza, brivare Sinonimi e contrari isofranare* Frasi est orfanada de sendhe pitia 2. amus a pàrrere zente orfanada, ca in sa domo chi fizos no b'ada est coment'e chi manchet donzi cosa (I.Porcheddu) 3. si sont totucantos fughidos sos puzones orfananne de cantos e bolos custa cussorja.

orfanèsa , nf Sinonimi e contrari orfania Etimo srd.

orfanía , nf Definizione su èssere òrfanos, su tempus chi unu si podet cunsiderare òrfanu; is òrfanos Sinonimi e contrari orfanidade / orfunalla Frasi s'orfania sua est una pena chi l'acumpagnat fin'a sepoltura (Màsala)◊ peus cosa no b'at che s'orfania! 2. assegura sa vida a s'orfania, a sos brivos de babbos e de mamas! (Cubeddu) Etimo srd. Traduzioni Francese orphelinat Inglese orphan condition Spagnolo orfandad Italiano orfanézza Tedesco Verwaistsein.

orfanidàde, orfanidàdi , nf Sinonimi e contrari orfania.