A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pubusòne , nm Sinonimi e contrari aligalzagàmpina, fostinàcia, nughedha 1, pastinaca, pestianga Terminologia scientifica rba, Daucus carota.

pubusòne 1, pubusòni , nm: pupusoni Definizione chirrione de pilos, de lana, de erba (fintzes naschindho de sèmene cracu cracu a muntonedhu); nue de pruine chi pesat su bentu, fintzes cosa coment'e a muntone / min. pubusonedhu = apisiledhu, trintzilleri de frutuàriu (es. de cheréssia) Sinonimi e contrari brocu 1, cherrione, cirru, ciufu, cucuredhu, pubusa, tipisone, tupada / cdh. pumasoni Frasi custu pubusone de pilos, inoghe: ispizadas bos sezis? ◊ de sèminis ndi ponit unus cantu totus impari, po fai a pubusoni 2. sa vida est unu pubusone de bentu, unu sulu 3. pubusone de abes Etimo srd. Traduzioni Francese mèche Inglese lock, cluster Spagnolo mechón, mecha Italiano ciòcca Tedesco Büschel.

pubúsulu , nm Definizione matzu de ispigas de moriscu; a logos est unu frochighedhu de cotone, fintzes perrada o púngiu de cosa, su tanti chi si pigat cun is pódhighes de una manu Sinonimi e contrari apasibi, carràmbalu Etimo srd.

pubútza, pubútzu , nf, nm Definizione tretu a bica, a punta, atza de orroca, in logu artu Sinonimi e contrari bica, punta / tzúmburu Frasi nci seus artziaus a sa pubutza prus arta ◊ est orbescendi e cumentzant a s'apubai is coloris de is tupas in is pubutzus de is montis.

pubúza pupúsa 1

púci! , iscl: putzi! Definizione foedhu chi narant candho ccn. cosa est lègia, faet ischifu, faet a dha crisare, no praghet / pucindhelu!, pucimindhelu! = fuliancedhu, pucidha!; fiore pucibuci = gerània Sinonimi e contrari pucidha Frasi ite fea chi ses, putzi, perdeu! ◊ prima Puci custu, puci cudhu!, pariant seberendhe in sa fiera, ma como sunt currindhe che canina fatu a totugantos!◊ putzi, putzi, no dh’emu a tocai nimmancu a pitz’e canna! Cognomi e Proverbi smb: Pucci Etimo srd. Traduzioni Francese pouah! Inglese ugh! Spagnolo ¡bah! Italiano puh! Tedesco pfui!

pucídha! , iscl: putzidha! Definizione foedhu chi narant candho ccn. cosa est lègia, faet ischifu, faet a dha crisare, no praghet, o fintzes solu po nàrrere chi no est cosa de fàere, ca andhat male, est bregúngia, no deghet / tantu za est gai a putzidha sa domo sua!… = est bella meda Sinonimi e contrari fúcina!, puci! Frasi sas arracadas chi ti apo comporadu ti las apo cambiadas in chirca de ti cuntentare, ma tue ses sempre "Pucidha! Pucidha!"◊ putzidha! putzidha! chissai sa zente ite at a nàrrere!…◊ putzidha, ite befe, a li faedhare male a su babbu! Etimo srd. Traduzioni Francese pouah! Inglese ugh! Spagnolo ¡bah! Italiano puh! Tedesco pfui!

púcus , nm pl Definizione maladia a bentre chi faet a prentos e a iscurrentziadura, fintzes de sàmbene Sinonimi e contrari càmbaras, laíngiu Terminologia scientifica mld Etimo ltn. fluxus.

púda , nf: puta 1 Definizione s'orrughedhu curtzu chi abbarrat de sa pértiga de sa bide candho est pudada (e fintzes de àtera cosa pudada a bisura de bide); est fintzes sa pudadura / s'ogru prus in artu in sa puda, su chi cun prus seguresa bogat frutu = ogulestru; ogubbragheri = s'ogu prus in bàsciu, in sa puda Sinonimi e contrari pudone Frasi su primu ogu de sa puda est s'ogu bragheri, is àterus duus, prus in artu, si narant ogus lestus Etimo srd.

pudàcia pruàcia

pudàda , nf Definizione su pudare Sinonimi e contrari pudadura Frasi cun sas últimas pudadas, sos budrones che fint in pubulea e si podiant solu abbaidare Etimo srd.

pudadòre, pudadòri , nm Definizione chie pudat, chie ischit a pudare Traduzioni Francese émondeur Inglese pruner Spagnolo podador Italiano potatóre Tedesco Baumbeschneider.

pudadúra , nf: putatura Definizione su pudare, nau fintzes de sa manera; sa linna segada pudandho Sinonimi e contrari pudera, pudóngiu Frasi isse at manuza segura in sa pudadura 2. sa pudadura collidendhela a su fogu! Traduzioni Francese émondage Inglese pruning Spagnolo poda Italiano potatura Tedesco Baumschnitt, Beschneidung.

pudagiòla, pudagiólu , nf, nm: pudajola, pudajolu, pudijola, putajola Definizione aina pitica, a bisura de càvana, de pigare a una manu, a màniga curtza, nada deosi ca faet a pudare / p. cun sa istrazona = chi portat sa chighirista in su tolu Sinonimi e contrari fudatza, pruàcia, pudatone, pudatzola / ttrs. pudajora Frasi est intradu a su giardinu cun sa pudajola a ndhe segare su rú Terminologia scientifica ans Etimo srd. Traduzioni Francese émondoir Inglese prining hook Spagnolo podadera, podón Italiano potatóio Tedesco Hippe.

pudài , vrb: pudare, putare Definizione segare is cambos de su matedu a manera de dhu fàere crèschere comente si bolet, e mescamente a manera de dhi fàere bogare prus frutu, de dhi fàere bogare linna noa; nau in cobertantza, segare / a./c. Su ger. pudendhe est oguale a su ger. de pudire (in cantu custu, a prus de pudindhe, tenet pudendhe comente benit de ltn. putere) Sinonimi e contrari pullai Modi di dire csn: pudai in béciu = in sa linna russa, in sas cambas begras; pudai a longu su sermentu = lassare puda longa, a frutu Frasi puda a fitzionu, chi sas piantas produant unu frutu saboridu ◊ custa mata bollit pudada in béciu ◊ si putates vene vinnennates! Etimo ltn. putare Traduzioni Francese émonder Inglese to prune Spagnolo podar Italiano potare Tedesco beschneiden, stutzen.

pudajòla, pudajólu pudagiòla

pudaméntu , nm Definizione su pudare Sinonimi e contrari pudadura, pudóngiu, spitzamentu Frasi cussu est sarmentu chi bolit un'àteru pudamentu, ca assinuncas no fait àxina Etimo srd.

pudàre pudài

pudàssa, pudàta pruàcia

pudatòne , nm Definizione aina pitica, a bisura de càvana, de pigare a una manu, a màniga curtza, impreada fintzes po pudare Sinonimi e contrari fudatza, pruàcia, pudagiola Terminologia scientifica ans Etimo srd.