rèndha rènda
rendhàre rendài
rèndhere , vrb: rèndiri,
rènnere Definizione
giare frutu, portare badàngiu, prodúere prus de su chi s'ispendhet / pps. réndhidu, resu
Sinonimi e contrari
frutai,
produire
Frasi
si bi ponzo tantu e mi rendhet tantu, cantu bi lucuramus? ◊ istudiendhe no fit a bídere comente e proite sas olias podiant rèndhere de prus, o nessi su tantu de campare ◊ ocannu su bestiàmini at réndiu meda ◊ si no est bèni trabballada, sa terra rendit tropu pagu
Traduzioni
Francese
produire,
rapporter
Inglese
to bear
Spagnolo
rendir,
producir
Italiano
rèndere,
produrre
Tedesco
einbringen,
leisten.
rèndhere 1 , vrb: arrèndhere*, rèndiri 1 Definizione bènnere mancu is fortzas, su si lassare bínchere, su si cunsiderare bintu / pps. réndhidu, résiu, resu Sinonimi e contrari allacare 1, allaventare / ammodhiae, ammollai, cèdere, disarcare, istajire Frasi mi ammento chentu ómines chi si sunt résios, chi no bi ant vajulau s'ofesa (G.Chironi)◊ candho fit a dolore de conca, si la prendhiat pro si ilvaliare o no si rèndhere.
réndhidu , pps, agt: arréndhidu, réndhiu, réndiu Definizione de rèndhere, -ere 1; chi est coment'e chentza fortzas, cédiu Sinonimi e contrari abbrebesciau, arresu, irbalesiadu, résiu, resu, tzédidu 2. mi sapia isentu de su totu, réndhidu che fiore allizadu ◊ fit totu illaéndhidu, a bratzos falados, réndhidu, ne rutu in totu ne ritzu.
rendhidúdine , nf Definizione
su èssere o istare réndhios, cédios, coment'e in pàusu, chentza fàere fortza
Sinonimi e contrari
allacanamentu,
amotroxinamentu,
fiachesa
Etimo
srd.
Traduzioni
Francese
relâchement
Inglese
looseness
Spagnolo
relajación
Italiano
rilassatézza
Tedesco
Erschlaffung.
rendhiméntu , nm Definizione
su rèndhere, giare o batire frutu, mescamente pentzau coment'e su chi sobrat a s'ispesa, su chi est in prus de su chi costat in trebballu
Sinonimi e contrari
rénnida,
resa
Traduzioni
Francese
rendement
Inglese
yield
Spagnolo
rendimiento
Italiano
rendiménto
Tedesco
Ertrag,
Leistung.
réndhiu réndhidu
réndhua , nf Definizione su chi essit de frutu de calecuna cosa o trebballu, su chi rendhet o chi at réndhiu Sinonimi e contrari rénnida, resa.
rendhúta , nf Definizione su chi si narat arrespondhendho a una domandha Sinonimi e contrari arraspusta Frasi sa grida como est muta: neune ti daet rendhuta ◊ sont dimandhas chena rendhutas (G.Farris).
rèndiri rèndhere
rèndiri 1 rèndhere 1
réndiu réndhidu
rendúda , nf: arrenduda* Sinonimi e contrari arrenda, resa.
rène , nm: arrene Definizione s’arremu chi colat totu su sàmbene e ndhe sèberat s'orina; tretu de sa carena, a sa parte de asegus in s'ischina, a s'artària de is lumbos, ue dolet candho unu istat a meda incrubau mescamente trebballandho / ficare o arritzare de renes = essire de una cunditzione de bisóngiu a meda, istare méngius Sinonimi e contrari arrigu, orrungione, nerule Frasi sa carena sua est totu dólimas: coro, fígadu e renes non li dant pasu! 2. si no nos acumpanzat nessi su saludu no ndhe ficamus, de renes, no! ◊ so arrebbentadu a triballu, cun sos renes traza traza ◊ cudhu rutu iscudet unu colpu de renes e de ischina e ndi essit a fora! Terminologia scientifica crn Etimo ltn. renes.
renédhu , nm Definizione rene minore, errigu piticu.
renéri , nm: areneri*.
renéscia, renéscida , nf: (re-né-sci-a) arrenéscia, rennéssida Definizione su arrennèscere, su andhare o bènnere a fine de is cosas, de unu trebballu o àteru / fai bona o mala r. Sinonimi e contrari reséssida, revéntida Frasi sa renéscida de custas provas mi ànimat a arriscai ◊ si sunt cussizaos issuba de custas cosas po sa seguresa e sa rennéssida de su viazu Etimo srd.
renèsciri , vrb: arrannesci*, rennèssere Definizione arresurtare a fàere una cosa, a lòmpere a un'iscopu, andhare bene in ccn. cosa Sinonimi e contrari resèssere, resessire, revèntere Frasi sos tronos no rennessint a cuare su sonu de sa càmpana.
renghèra , nf: arrenghera, ringhera, ringhiera Definizione cosas postas totu una ifilu de s'àtera, de longu, a filera; genia de imbaru de linna, ferru o àteru, chi si ponet totu ororu de calecunu passadórgiu (es. iscala) o logu artu po badrare de no che orrúere calecunu, po si aferrare passandho e fintzes a bisura de serru po ispartzire duos tretos diferentes Sinonimi e contrari cadena, fibera, fila, filerina, giuali, lérina, órdine / barandhanu, barandíglia, linghiera Modi di dire csn: ponirisí de r. = in riga; andai de r. = unu ifatu de s'àteru Etimo spn. ringlera.