A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sumbuzàre , vrb Definizione mòvere a cropu, avolotare Sinonimi e contrari subuzare*, sciambullai, siguzare / intruai, trubulare.

sumbúzu sciumbúllu

súmene , nm: sumi, súmine, súmini Definizione su lardighedhu fine, in bentre, ue su porcu portat is titas, is tzimingiones: est su prus licante si faet cunfetau a panceta: si narat fintzes de sa matessi parte de sa tunnina, prus adata po orrostire; dhu narant po unu terrenu chi faet unu pagu a cúcuru, deasi comente cun àteros númenes de partes de sa carena si narant unas cantu formas de su terrenu (es. codhu, cúcuru) Sinonimi e contrari pantzeta Terminologia scientifica mng Etimo ltn. sumen Traduzioni Francese lard maigre Inglese bacon, potbelly Spagnolo tocino Italiano pancétta Tedesco Bauchspeck.

sumenósu , agt: suminosu Definizione chi portat súmene meda, chi est grassu Sinonimi e contrari grassu Frasi zuchiat sas nàdicas sumenosas Etimo srd.

sumentadòri , nm Definizione genia de prana, aina po sumentai is carradas Sinonimi e contrari sumentu Terminologia scientifica ans Etimo srd.

sumentài , vrb Definizione allisare sa linna cun su sumentu o sumentadori, mescamente is doas de is carradas po sidhire bene impare Etimo ctl. cimentar.

sumentósu sarmentósu

suméntu , nm Definizione prana longa po allisare is doas de is carradas Sinonimi e contrari sumentadori Terminologia scientifica ans Etimo ctl. ciment.

sumentúsu sarmentósu

súmere , vrb Definizione bogare, pèrdere, nau de un'istrégiu chi calat, istampau o no bene sidhiu, o fintzes de s'abba chi essit a umidore in muros, in terrenu o àteru Sinonimi e contrari sumire*.

sumèrghere , vrb Definizione bínchere, arrennèscere a fàere e acabbare calecuna faina, mescamente candho est meda, peleosa Sinonimi e contrari subbacare, subèrghere Frasi su fogu fuidu no l'amus pótidu sumèrghere ca fimus in pagos: bi cheriat prus zente pro lu poder bínchere!

súmi súmene

sumidólgiu, sumidórgiu, sumidórzu, sumidróxu , nm Definizione logu o tretu inue, in sa terra, sumit o essit abba, funtana Frasi s'abba in frunza de cristallu trasformada paret in sumidorzos e iscolos ◊ is peldiges annant a su sumidólgiu po si abbare Etimo srd.

sumídu , pps, agt: sumiu Definizione de sumire, de -ire 1 2. mi l'abbizo sumidu e sucutendhe.

sumídu 1 , agt Definizione nau de ccn., chi est tropu de manu istrinta, arrestigu, aggantzadu Sinonimi e contrari curustu, limidu, soridu*, susuncu.

sumidúra simidúra

súmine, súmini súmene

suminósu sumenósu

sumínzu , nm Sinonimi e contrari simidura Etimo srd.

sumíre , vrb: sumiri 1, summire, tzumire Definizione bogare, pèrdere, nau de un'istrégiu chi calat, istampau o no bene sidhiu, o fintzes de s'abba chi essit a umidore meda in muros, in terrenu o àteru / sa cuba est sumindhe = sa carrada isfait Sinonimi e contrari gessai, sfai, sarcie, súmere Frasi s'abba chi curret in sa pianura sumit dae su monte ◊ carchi tubbu est perdindhe e sumit s'abba in su muru ◊ su brochiolu fatu de terra ruja sumit, fatu de terra niedha muntenet s'abba ◊ sa vena mia sumit a butiu ◊ sa broca de terra fita meda no sumit nudha, ma s'àcua si callentat Etimo ltn. sumere Traduzioni Francese suinter Inglese to transude, to filter Spagnolo rezumar Italiano trasudare, filtrare, colare Tedesco schwitzen, filtern, durchseihen.