schíchera , nf: schíchiera Definizione giogu a birillas, a pículas, o fintzes sa manera de tirare sa birilla (candho si depet tirare atesu e tocat a pònnere sa manu in benugos) Frasi po giogai a schíchera tocat a èssi assumancus in dus: si fait su fossedhu in terra e serbint is biríglias Terminologia scientifica ggs.
schicherài , vrb Definizione giogandho a birillas, tirare a cropu sa birilla posta tra s'unga de su pódhighe mannu e sa matza de s'inditziali e bochíere (fèrrere) cussa de su cumpàngiu (chi segundhu de ite est fata si podet fintzes segare, schicherai) Frasi a schicherai est a ferri sa ballina firma de un'àteru giogadori candu unu fait spondi sa sua cun d-unu pistincu.
schícheru , nm Definizione bínchida, tanti de puntos giogandho a birillas.
schichiàda , nf Definizione su schichiai, su chi si narat (prus che àteru in cobertantza) o chi si faet po fàere a cumprèndhere calecuna cosa Sinonimi e contrari acínnidu Frasi abarrit seguru, su meri, apu cumpréndiu sa schichiada! (F.Carlini) Etimo srd.
schichiài , vrb Definizione acinnare a ccn. cosa (prus che àteru cun foedhos naos in cobertantza, ma no solu) Frasi de custa cosa nd'ant schichiau a su preidi puru e gei est de acórdiu (I.Pillosu)◊ fait s'ogu a su pastori e dhi schíchiat a boxi bàscia: Toca, torrancedhi a ghetai sa pedra asuba!◊ ti dh’emu schichiau ca Francisca mi est pràxia!◊ mamma, fui in s'abbramu de ndi dhi schichiai e immoi si dhu nau.
schíchiera schíchera
schidài , vrb: ischidare*, scidai, scirai Definizione acabbare de dormire; fàere passare su sonnu; cricare de èssere prus abbistos o prus atentos Sinonimi e contrari abbeltudare, abbitzare, irvertudare, sciambullai, seguzare / allutae | ctr. dormire Frasi mi scidai fatuvatu, notesta, a tussi fintzas chi mi ndi seu pesada ◊ a una filla fémina depit andai sa mama a ndi dha scidai ◊ po si ndi scidai su sonnu s'isciàcuat sa cara 2. scida, Bidhanoa, scida!
schidonàda , nf Definizione sa cosa chi cabet totu a una borta infrissia in s'ischidone Sinonimi e contrari ispidada, spidonada Frasi fui totu sa noti a fúrriu a fúrriu cument'e una schidonada de petza Etimo srd.
schidonài , vrb: inschidonai*, schironai Definizione infrissire, púnghere sa petza in s'ischidone po dh'orrostire Sinonimi e contrari iferchire, ifertzire Frasi schidonai sa petza.
schidonèra , nf Definizione genia de parastàgiu a pònnere is ischidones Etimo srd.
schidòni , nm: ischidone*, schironi Sinonimi e contrari ispidu Frasi maistu ferreri, schidoni de linna.
schídu , agt: ischidu* 1,
scidu Definizione
chi o chie est a ogos apertos, faendho atentzione, chi no tenet sonnu
Sinonimi e contrari
ischidadu,
izadu
/
abbillu,
abbistu,
speltu
| ctr.
dormiu
Modi di dire
csn:
sonniai a sa scida = bisare a ogros abbertos; donai, fai scidu = fàghere carchi cosa pro serbire de abbizu, de avisu, pro chi àtere intendhat, itl. dare l'allarme
Frasi
cussu est scidu che marxani in mesu de is angionis!
Traduzioni
Francese
éveillé
Inglese
awake
Spagnolo
despierto
Italiano
désto
Tedesco
wach,
munter.
schifítu , nm Definizione its, ischifu? Frasi sa prima crapa si fit pesada a bebbéchinos, sa de duas su matessi schifitu.
schífu , agt, nm: ischifu*, schivu Definizione chi faet coment'e a gana lègia, genia de gana lègia chi si sentit po cosa chi no praghet, chi est cosa de arrefudare: in cobertantza, su margiane Sinonimi e contrari afàstiu, àscamu, ascu, gheléstia, grisu, irgrísiu, ischefa, ischifera, schivori / abborrésciu, ascamile, ischifosu Frasi bandulleri schivu, passa a innòi! ◊ fac'e coga schiva! 2. fut unu logu acantu su schivu apretàt, no fiat a fidai mancu a dedí chi dhu'iat robba minuda e si betàt finas a su mardiedu
schífu 1 , nm: ischifu* 1, schivu 1 Definizione genia de barca a fundhu ladu, ciatu, longa agiummai oto metros e larga duos; schivu est sa scifedha o tianu de linna po impastare sa farra e cumossare Sinonimi e contrari balva / conca 1, conconedhu, ischivedha, lebbreri.
schighígliu , nm Definizione genia de nígridu, chighígliu, tzérriu, chi betant is ómines ballandho comente atripant su pei a terra Sinonimi e contrari boche, bérchida, irgargu, ólchidu, tírriu Etimo srd.
schighitzí , vrb Definizione iscabbúllere de un'impíciu, èssere líbberos Sinonimi e contrari iscabbúllere.
schiliài schiài
schiligavénu , nm Sinonimi e contrari fuisèssini, lantzinavenu, liscierba, lissialissiaebra, saltiavenu, segavenu, signurica Terminologia scientifica anar, chalcides chalcides.
schíliu schéulu