A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tíbbu , agt Definizione chi est a meda in pagu tretu, chi est prenu, cracu / tèssere a t. = afissu Sinonimi e contrari calcu, tibbiu Frasi andhaiant a sos padentes tibbos ◊ sa badhe est tibba de suèrgios e crecos (R.Sardella).

tíbe, tíbi , prn: tie, tive, tivi Definizione prn. de 2ˆ pers. sing. impreau a cmpl. cun sa prep. a / pro a tie = pro te, po tui; abbàida a tie! = fai acomenti creis tui! Sinonimi e contrari tene, tia 2, tighi, tui Frasi guai a tibe chi torres a nàrrere paràgulas gai! ◊ nos torras totu ca sinono est peus pro a tie! ◊ a tie piàghitu ti est? ◊ imbio unu rellotzu a tie puru ◊ a tibi s'aperta de su libbru! ◊ ite ti depo nàrrere? abbàida a tie! 2. catzatu a tie puru ti nche ant? ◊ a tie ti connosco ◊ est pranghenne a tie e sa malasorte ◊ già ti connoschent, a tibi! 3. nisciunu mi cumprendhet che a tive ◊ est un'ómine de riguardu prus de a tie ◊ si fipo istada che a tibe mi aia fitatu sa cara pro sa birgonza! 4. faghes bènnere sos trabagliadores acurtzu a tie Etimo ltn. tibi.

tibidíbi tebidébi

tíbidu tébidu

tíca , nf Definizione genia de sentidu malu contr'a ccn. Sinonimi e contrari tírria Modi di dire csn: pònniri o tènniri t. a unu = leàrelu a mal'ogru, ficàreli ódiu; ghetai t. a ccn cosa = arripítiri unu cumportamentu, una manera de nàrriri o de fai; giàiri t. a unu = adduire a su chi cheret unu, mustràresi de acordu 2. immoi dhi at ghetau tica a narri cussu fuedhu e no dh'acabbat prus! Cognomi e Proverbi smb: Ticca Traduzioni Francese ennui, antipathie Inglese dislike Spagnolo antipatia Italiano ùggia, antipatia Tedesco Abneigung.

tíca! , iscl: tichi 1 Definizione foedhu po tzerriare is pudhas, ma fintzes pudha etotu Sinonimi e contrari pia! / pudha Frasi dae candho s'est fuidu su pudhu no intendhent che a mie giuilendhe "Tica! Tica!" Etimo srd.

ticàda , nf Definizione su bufare; pagu pagu, un'apenas de cosa de bufare Sinonimi e contrari acirrada, bucada, gropu, ingullida, intullada, tasada, tirone, tumata 1 Etimo srd.

ticadúra , nf Definizione pérdia de colore Sinonimi e contrari irbiaridura, iscoloridura Etimo srd.

ticài , vrb Definizione nau de frutuàriu, fàere marcu, manciare, guastare, nau de gente ingòllere maladia; a logos nau de s'orrobba, pèrdere colore Sinonimi e contrari demare, inticae, maciare | ctr. sanai / ilbiadire 2. s'olia ocannu si est totu ticada ◊ si pigais una mata bona, fintzas su frutu suu at a èssi bonu: si pigais una mata ticada fintzas su frutu suu at a èssi ticau (Ev.)◊ cussu apustis de annus emigrau ndi fut torrau a bidha cun cara mala e mesu ticau Traduzioni Francese se remplir de vers Inglese to rot Spagnolo agusanarse Italiano bacare Tedesco anbohren.

ticajólu , agt Definizione chi dhi praghet su ticu (de su binu), chi costumat a bufare Sinonimi e contrari imbreacone, mufosu Etimo srd. Traduzioni Francese gros buveur Inglese drunkard Spagnolo aficionado al vino Italiano beóne Tedesco Trinker.

ticàre , vrb Definizione tastare, bufare unu tzicu, a tzicos (ma fintzes papare a orrughedhos); mòlere, betare trigu a su majolu e fintzes pagare su molíngiu Sinonimi e contrari assagiai, atastare, gustai, inciuciare / bicai / mòlere Frasi chie est innanti ticat innanti 2. tica, tica, pudhighina: a ti betare su ranu sa teraca de su prebanu est a dulore de ischina! 3. su trigu in sa mola est tichendhe Etimo srd. Traduzioni Francese boire à petits coups, picorer Inglese to sip, to nibble Spagnolo paladear Italiano sorseggiare, spilluzzicare Tedesco in kleinen Schlucken trinken, picken an.

ticàu , pps, agt Definizione de ticai; chi est mantzadu, tenet neghe a sa salude / denti ticada, pira ticada Sinonimi e contrari incimiau, temadu, tunconidu.

tichédhu , nm: (su t. = sutichédhu) atzichedhu tzichedhu Definizione un'apenas de calecuna cosa de bufare Sinonimi e contrari atzicu, bucada, súrbia, tichichedhu Frasi unu tichedhu de binu manighendhe bi cheret Traduzioni Francese petite gorgée Inglese tiny bit Spagnolo sorbito Italiano sorsettino, zinzino Tedesco Schlückchen.

tíchi , nm Definizione genia de tzàcurru, nau prus che àteru de su sonu o cropighedhu; genia de maladia chi pigat a is cuadhos, chi morint a cropu, totinduna, a s'ingrundha Sinonimi e contrari toc Frasi pioet istasera: su tichi tichi est bruscu in su balcone.

tíchi 1 tíca!

tichiadòre , agt, nm Definizione chi o chie achicat, foedhat arrepitindho síllabbas coment'e chi no arrennèsciat a nàrrere su foedhu totu intreu Etimo srd.

tichichédhu , nm: tichighedhu Definizione min. de ticu, pagu pagu, tzichighedhu Sinonimi e contrari atzichedhu, atzicu, tichirighedhu Frasi a tichighedhu a tichighedhu si che l'at bufadu totu.

tíchidhi! , iscl Definizione e dílliri!, e bi torrat!: foedhu chi si narat coment'e po ifadu candho s'àteru torrat sèmpere a sa matessi cosa, foedhandho Sinonimi e contrari drínchidhi! Frasi tíchidhi, issa!… citudidha! Etimo srd.

tichighédhu tichichédhu

tichíngiu, tichínzu , nm: tiíngiu Definizione istichinzu masetu, genia de linna chi faet a cambos longos coment'e funes Sinonimi e contrari atzara, auciada, bentzígliu, bidichinzu*, elighinzu, firighinzu, inteltzu, pilighinzu Terminologia scientifica mt, Clematis vitalba.