A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tidhíre , vrb: tudhire, tzudhire Definizione nau de sèmenes, cumenciare a naschire, bogare sa tzeurra: si narat de matas puru in su sensu de ogrire, isparare, bogare linna noa; si narat fintzes in su sensu de si ndhe bocare, de foedhare, nàrrere / ger. tudhendhe, tudhindhe Sinonimi e contrari abbrabai, abbrossare, chimire, frunzire 1, inceurrare, ingrilliri, rampudhire, sannire, serire, serionire, tzirriotire, tzirulire, tzorulare / ocire Frasi su sèmene est totu tudhindhe ◊ su trigu no at tudhidu ◊ sa patata chi si tudhit cheret prantada ◊ sa semenaza tudhidu bi at? 2. sa méndhula est tudhendhe e fiorida ◊ sa chibudha est tudhida 3. a issa li fit piàghitu de non tidhire a pessamentu perunu ◊ est imbreacu e no tidhit e no sapit ◊ lis aiat natu chi nche aiat furatu erveches ma nessune tidhiat ◊ billassànnesi sa chistione, nessune aiat prus tidhitu Etimo srd. Traduzioni Francese taller, germer Inglese to germinate Spagnolo entallecer, brotar Italiano tallire, germinare Tedesco keimen.

tidhiricàre , vrb Definizione mòvere, trèmere, fàere calecuna móvia fintzes in crica de fàere una cosa / mih no ti tidhíriches!… = gai chi ti movas (a fàghere carchi cosa)! = no ses fendi nudha! Sinonimi e contrari fritire, sadhie, tidhidai, trinicare Frasi no si est mancu tidhiricatu! (G.M.Cabras) Etimo srd.

tidhiríre , vrb Definizione mòvere unu pagu Sinonimi e contrari tidhiricare, tziricare Frasi no at arcadas mancu de si tidhirire (G.Brocca).

tidhitài tidhidài

tídhu , agt Definizione cracu, tibbu, chi dhue ndh'at meda Sinonimi e contrari calcu Frasi est drummidu subra de unu letu d'erba tidha ◊ si bident is muvras in sa roca tidha (G.Floris).

tídhu 1 , nm Definizione donniunu de is peis de su telàrgiu ue funt prantadas is antas; trunchedhu de linna ue si segat o pistat petza Frasi sa castedhaja tessiat in su trelaxu chi teniat is tidhus de òru Etimo ltn. tigillum.

tídhu 2 , nm Definizione móvia a cropu, brínchidu / iscúdere unu t. = fàghere unu brincu Sinonimi e contrari bótiu, brínchidu, brínchili, sàltidu, tídhidu Etimo srd.

tidíbi tadíbi

tidignólu , nm: tidingiolu Definizione ispétzia de greme piludu e niedhu chi creschet in sa petza salia e sicada, in su casu béciu Sinonimi e contrari tanzolu* Terminologia scientifica crp, dermestes lardarius Traduzioni Francese dermeste du lard Inglese hairyworm Spagnolo larva del escarabajo del tocino Italiano marméggia Tedesco Speckkäfer.

tidíle , nm Definizione persona metzana de fortzas e de calidades Sinonimi e contrari casticau, terditza Frasi cussu grustu de tidiles l'apo muntesu in sa manu che musca ◊ tanti za est pessandhe a sa famíllia, cussu…: mi at lassau solu a triulare cun cussas tidiles de arbeghes!

tidíle 1, tidíli tadíbi

tidilía , nf, nm: atitillia, tidiria, titilia, titiliu, titillia, titiria, titirria Definizione (sa t. = nr. "satidilía" e deasi cun totu is var.) istriori de assíchidu o de fritu, genia de trémia chi faet sa carena po assustru o fritu chi at pigau Sinonimi e contrari acrichidhada, arpilia, astriada, istriore, titifrius, tzutzunida / ispreu Frasi su bentu fora faghiat bènnere tidilias de morte (M.A.Seu Deiana)◊ mi ndhe so ischidada a titillias de fritu e arpilada ◊ leadu sempre prus dae tristuras e titirias ti atacas sempre prus a s'ispuntone (L.Castiglia)◊ po titirria sos àlvures restant frimmos e solu su riu murmutat ◊ titilios de fritu mi orpilant sa carena (D.Murru) 2. sa morte li est intrada muitza muitza che tidiria chi abbelenat in beranu sa carena Etimo srd. Traduzioni Francese frisson de froid Inglese thrill Spagnolo escalofrío Italiano brìvido Tedesco Frösteln.

tidílighe tedílighe

tidíngia , nf, nm: tidíngiu, tidinzu Definizione sa parte de apalas de sa conca, tra su tzugu e su cúcuru, fatu coment'e a fossu (nau fintzes pl.) Sinonimi e contrari assili, chelfija, cúcara, pistidhu, tubitzu Frasi at furriau is càbudus de su mucadori asuba de su tidíngiu lassendi is origas iscobertas ◊ si no naras sa beridade, oe innoghe che lassas sos tidinzos! Terminologia scientifica crn Traduzioni Francese occiput Inglese occiput Spagnolo occipucio, cogote Italiano occìpite Tedesco Hinterhaupt.

tidingiólu tidignólu

tidíngiu, tidínzu tidíngia

tidiría tidilía

tidòne , nm: tidoni, tidore, tidori, tidóriu Definizione columbu areste; bàtile o pícula a giogare e orrugu de linna, puru Sinonimi e contrari caombu, dudone, palumba, tidu Frasi dhoi funt tidórius, trudus, lèpuris, bussus e nacarredhas ◊ bròcias de tidórius ◊ ci torras a sa bia de is Lioris, is arregordos prus bonos e caros si pesant coment'e is tidoris (B.Liori) Cognomi e Proverbi smb: Tidore Terminologia scientifica pzn, columba palumbus Etimo ltn. *titone(m) Traduzioni Francese pigeon ramier Inglese ring-dove Spagnolo paloma torcaz Italiano colombàccio Tedesco Ringeltaube.

tidòngia , nf Definizione mela t. o piròngia.

tidòni, tidòre, tidòri, tidóriu tidòne