A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tichirighédhu , nm: tzichirighedhu Definizione min. de ticu, pagu pagu / no poder bídere t. a unu = tènniri tírria, tènniri in tica a unu Sinonimi e contrari tichichedhu 2. no lu podet bídere tichirighedhu, a isse.

tichirriàre , vrb: sirrichiai, tzichirriai* Definizione su sonare chi faet su linnàmene po isfortzu; nau de gente, de animales, betare tzérrios coment'e sonu indistintu, lamentu Sinonimi e contrari abbochinare, tirriare 1, tzacarrai, tzacazare 2. s'isprammat tichirriendhe ◊ ite tenet cussu porcu tichirriendhe? Traduzioni Francese grincer, striduler Inglese to creak Spagnolo chirriar Italiano strìdere Tedesco kreischen.

tichirriaxólu , agt Definizione chi costumat a si pesare a tzérrios (es. su porcu) Sinonimi e contrari tzirriajolu, tzichirriosu, tzirriosu Etimo srd.

tichirriósu , agt: tzichirriosu Definizione chi tzichírriat, chi istat a tzérrios Sinonimi e contrari tzichirriaditu, tzirriosu Etimo srd.

tichírriu , nm: tzichírriu* Definizione genia de sonu de linnàmene, de cosas de ferru; fintzes tzérriu forte de animales e de gente prus che àteru a lamentu Sinonimi e contrari cérriu, ischéliu, tírriu Frasi fritas atitadoras a pilu isoltu lampant a su chelu sos insoro tichírrios de istrias (Sechi).

tíchis , nm Sinonimi e contrari cagaita, chighirighitus, corigori.

tichitàca , nm Definizione tichi taca: genia de sonu chi si faet a cropighedhos, fintzes faghevaghe chentza profetu Frasi lassa istare, aite istas a su tichitaca?! Etimo srd.

tichitèra , nf Sinonimi e contrari ignagnaria Frasi chi naras, po dogni tichitera poniant sa cantone.

tícu , nm: (su t. = suticu) atzicu cicu, tzicu Definizione apenas, pagu pagu, un'ingúrtia de cosa de bufare o àteru de cosas deasi; pagu pagu de css. cosa (ma podet èssere fintzes meda a paragone de su tanti chi si bufat a un'ingúrtia)/ min. tichighedhu, tichirighedhu Sinonimi e contrari atzichedhu, atzítzigu, bucada, súrbia / apenas, pachitzedhu / cichete Modi di dire csn: faedhare o nàrrere sa cosa a ticu ticu = a pagu pagu, una parti una borta, una parti un'àtera; èssere o istare a ticu = istare a tzínchinu, cun pagu cosa, a dilléziu, a mindigu; no poder bídere ticu o tichirighedhu a unu = pigaisí feli isceti a biri a ccn. chi no praxit própiu, no dhu bolli biri mancu pagu pagu Frasi làmpana, cun calchi ticu apena ti apo allutu ◊ de abba no ndhe assazo ticu ◊ zughiat unu bículu de casu, pane e unu ticu de binu 2. bellu ticu de binu apo fatu, ocannu: duas cubedhas ma bellu! 3. no lu poto bídere ticu, a cuss'arga de muntonarzu! ◊ Pilatu, mancari no potat bídere ticu sas autoridades de Gerusalemme, no las cheret contrariare Etimo srd. Traduzioni Francese gorgée Inglese sip Spagnolo sorbo, trago Italiano sórso Tedesco Schluck.

ticulíta taculída

ticulítu , nm: ciucullitu, tzaculitu* Sinonimi e contrari taculida, tzaculitata, tzicorrida, tzitzilicu, tzucu.

ticulítu 1 , nm Sinonimi e contrari cagaitas, chilighili, chitirighítili, corigori, sintzirigu, tzilighitu, tzintzirighilli Frasi in sa manu, sos pugionedhos, mofèndhesi intro de su nidu, mi fachiant sos ticulitos.

ticullída taculída

tidàle , nm: deidale, titale Definizione genia de cugudhedhu de làuna chi si ponet a sa punta de su pódhighe po cosire cun s'agu Sinonimi e contrari bidale, dighidale* Frasi cudhas tramas secatas cosis a pacu a pacu chin titale, filu e acu (G.Farris).

tidàrzu , nm: sedarzu Definizione logu ue si assentat sa linna po su fogu, sa linna assentada Sinonimi e contrari babizone, balluardu, biga 1, linnàgliu, cidraxi.

tídha , nf: tilla, tille, tíllia, tzilla 1 Definizione genia de mància pitichedha, istídhigu de ógiu in su brodu, ma fintzes de css. cosa; orrughedhu, parte pitica, un'apenas de css. cosa / no mi at fatu mancu tilla = própiu nudha Sinonimi e contrari luneta, pintilla / botiu, ghema 1, gutiu, istídhigu, làmbria, lútiu, paspia, silla, stídhia / incuedhu, pitzuedhu, tanchedhu Frasi custu no est si no una tilla, unu puntu ◊ si custu est una tilla, ite det èssere su riu! ◊ si los aiant puntos no lis aiat essidu tilla de sàmbene!◊ no bi mancat una tíllia!◊ nessunu at tocadu unu tille ca chie bi aiat proadu fit mortu! Cognomi e Proverbi smb: Tidda Etimo ltn. *stillia Traduzioni Francese macule, tache Inglese macula, drop Spagnolo mancha, pizca Italiano téccola, màcula Tedesco Fleckchen.

tidhàre , vrb: atidhai* Sinonimi e contrari brincae, sadhiare, saltai, tidhidai.

tidhía , nf Definizione su serenu astradu, in terra, in notes craras de fritu meda Sinonimi e contrari bedhia, celexia, ghidhighia* Cognomi e Proverbi smb: Tiddia Terminologia scientifica tpm.

tidhidài, tidhidàri , vrb: tidhitai Definizione mòvere, andhare o fàere a tídhidus, a sàdhidos Sinonimi e contrari brincae, sadhiare, sadhie, saltai, tidhiricare Frasi dèu giogu cun su pensamentu contendi is brebeis de sa noti chi tidhitat in is pipias lagrimosas (G.Manconi)◊ tidhidai de prexu poita, labai, sa paga est manna! Etimo srd.

tídhidu , nm Definizione móvia, brínchidu, trémia Sinonimi e contrari bótiu, brínchidu, brínchili, sàltidu, sédhida Etimo srd.