A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tilchiatílchia , avb: atrichiatríchia, tilciatílcia, tirchiatírchia, trichiatríchia, tzerchiatzérchia Definizione chi est totu a tílcias, tilciulone, isciustu meda, che betau a mare, po abba chi proet o fintzes de suore: èssere colagola, istidhigandho Sinonimi e contrari atriciatrícia, batíssia, cobagoba, conacona, telcitelci, tiritiri / larilari Frasi no bi aiat logu de mi apozare e s'abba mi at fatu trichiatríchia (G.Ruju)◊ tzapendhe mi so fatu tirchiatírchia de suore: no zughia unu pizu assutu ◊ gighet sa bestimenta tilciatílcia de suore Etimo srd. Traduzioni Francese trempé Inglese drenched Spagnolo empapado Italiano zuppo Tedesco durchnäßt.

tílcia , nf, nm: tírchiu Definizione istídhigu mannu, cora de suore, de iciustura Sinonimi e contrari tílciulu Frasi su suore mi falat a tílcias ◊ so a tírchios de suore.

tilciatílcia tilchiatílchia

tilciulàre , vrb Definizione istidhigare suore, abba Sinonimi e contrari atriciare, tirchiare Frasi li at bénnidu unu dolore chi si trofijaiat che telpe e finas si est ammustélchidu tilciulendhe suore ◊ fia tota tílciula tílciula de suore che ruta in d-unu poju Traduzioni Francese couler, ruisseler Inglese to drip Spagnolo chorrear Italiano grondare Tedesco triefen.

tilciulòne , agt Definizione chi est isciustu tirchiatírchia, colagola, istidhigandho Frasi pioendhe a trechetu, s'abba falendhe a trainu in sas coras, fit arrividu a domo tilciulone.

tílciulu , nm Definizione corighedha de suore, de abba Sinonimi e contrari tílcia.

tilíbba , nf: silibba*, tilimba, tilipa, tzilimba Definizione genia de mata manna chi faet coment'e frutu una tega longa; àtera genia de mata (ma abbarrat prus a tupa), sa silícua cràbina, púdida, chi faet una tega puru; tega de fae / tilimba furistera = silícua a frori arrúbiu o àrburi de Giudas Sinonimi e contrari carrubba 1, silícua / fazorba, giolba / teca Terminologia scientifica mtm, Ceratonia siliqua, mt, Anagyris foetida Traduzioni Francese caroubier Inglese carob Spagnolo algarrobo, hediondo Italiano carrubo Tedesco Johannisbrotbaum.

tilibbríu , nm: (su t. = nr. sutilibbríu) atalibbriu tilibricu, tilibriu, tzilibbriu Definizione genia de pigione mannu, papadore de petza (papat sórighes, tzilighetas, bobbois) Sinonimi e contrari arcidedhu, curreventu, futibbentu, serpedheri, spadheri, storílliu Frasi pensamentos, pasu no mi dades un'iscuta, a rodeu che bolu de tilibbrios ◊ su tilibbriu est carrandhe tzilighertas a intro de unu carancolu Terminologia scientifica pzn, falco tinnunculus Traduzioni Francese crécerelle Inglese kestrel Spagnolo cernícalo Italiano ghéppio Tedesco Turmfalke.

tilíbbu , nm Definizione ispogiadedhu, genia de animaledhu che una tzilighetedha, ma cun is ogos prus matucos, sa pedhe picada totu a pintirighinos e puntighedhas: essit in istade mescamente a denote, istat in logos de imbaratzos, istrepos bècios, fintzes aintru de domo in is muros: paret un'animaledhu ischifosu, nanca iat a abbruxare sa pedhe tocandhodhu ma no faet própriu nudha Sinonimi e contrari pistigioni, prantuledha Frasi sas iscarpas las apico po non fàchere a brotzolu a tilibbos e praenostres a sóriches e sisajas Terminologia scientifica crp, hemidactylus turcicus.

tilibílche , nm: (su t. = nr. sutilibílche) ateribilche silipirche, tilibirche, tilibische, tilipilche, tilipirche, tilipircu, tiliprighe, tilipische, tiribricu, tzilibiche Definizione genia de bobboi (upm) de tantas calidades, longhitu, a bortas mannu cantu unu pódhighe, cun duas cambas longas longas a serronedhu e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'istade Sinonimi e contrari mammagràida, pibiciri, pibisiu, pirigòlgia, telaporca, tziabróssima, tzilibrínchidi, tzimpilighe Frasi piús che in Roma cristianu, tilibilche in Sardigna mi cheria (S.Baldino)◊ sartiabant su muru coment'e tilipirches ◊ su tilipirche a totu dat aggheju, arroinat su póberu massaju: no si salvat nemmancu su mudeju! ◊ tilipirche maltzosu, totu distrues peus de su fogu! (P.Masia)◊ su tilibirche s’annu beniat a nues, in tempus de messonzu Terminologia scientifica crp, dociostaurus maroccanus, calliptamus italicus Traduzioni Francese sauterelle Inglese grasshopper Spagnolo saltamontes Italiano cavallétta Tedesco Heuschrecke.

tilibircàre , vrb: tilibiscare Definizione cassare, papare pibitziri, tilibirche Frasi sa corríncia est corríncia, sissegnore: cun issa andhedas a tilibircare! Etimo srd.

tilibírche tilibílche

tilibiscàda , nf Definizione cassa de tilibirche (in tempos de pibitziri meda) Etimo srd.

tilibiscàre tilibircàre

tilibísche tilibílche

tilibítzu , nm Definizione aina, cosighedha de nudha, de pagu contu, ispediente Frasi a feura no balet tilibitzu e ne a topine bàculu de canna.

tilibrícu, tilibríu tilibbríu

tilíca teríca

tilichèrta, tilichèta , nf: (sa t. = nr. satilichèrta) cilighelta tilighelta, tiligherta, tiligheta, tiligreta, tirigheta, tziligherta Definizione genia de animaledhu, de diferentes colores e mannària, chi camminat illascinandho cun sa bentre, ma portat bàtoro farrancas puru, coa longa: che a s'àtera arresia, faet is oos chi lassat a frochire asuta de terra; assimbígiat de bisura a su lassinavenu Sinonimi e contrari agilestru, alighelta, atalighelte, angiuleta, cabexeta, caixedha, cargileta, colovredha, coxueta, gilestra, lucesti, saligherta, satzagula, talaerta, tzorompis Frasi tilicherta, tilicherta, mamma tua est in cherta, babbu tuo est morindhe, tilicherta baetindhe! ◊ de una muridina at essidu una tiligreta birde coi mutza Terminologia scientifica anar, podarcis sicula cettii, podarcis tiliguerta tiliguerta, p. t.ranzii, archaeolacerta bedriagae sardoa, a.b.paessleri, a.b.ferrerae, algyroides fitzingeri Etimo srdn. Traduzioni Francese lézard Inglese lizard Spagnolo lagartija, lagarto Italiano lucèrtola Tedesco Eidechse.

tilichíta , nf Sinonimi e contrari ciucullita, súcuru 1, taculida*, tzaculitata, tzitzilicu.