A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

timbàngiu , nm Definizione timpanzu*, istintirigu, istentina prena de ària.

timbradúra , nf Definizione su timbrare Sinonimi e contrari punciadura Etimo srd.

timbrài, timbràre , vrb: trimbare Definizione pònnere, betare su timbru, fàere marcare coment'e a timbru Sinonimi e contrari punciai Frasi intrendhe a triballu, nois no amus de timbrare che àteros ch'intrant a ufíssiu o a fràbbica ◊ a un'a una sas chi canto trimba, ti servant de collana o de cadena! (Pirastru) Etimo itl. Traduzioni Francese timbrer Inglese to stamp Spagnolo sellar, timbrar Italiano bollare Tedesco abstempeln.

tímbru , nm: trimbu Definizione genia de marca chi ponendhodha unu pagu a incradura lassat in paperi o àteru s'iscritura chi portat, prus che àteru coment'e indítziu o singiale de un'ufíciu, de un'autoridade: si narat de sa síngia etotu chi lassat; foedhandho de is sonos, de sa boghe, su chi distinghet s'unu de s'àteru duos sonos oguales de fortza e artària po s'aina chi dhu faet (o po sa persona chi foedhat o cantat)/ betare su t. = lassare unu bellu sinnale, meda Sinonimi e contrari marca 1 / tinnu 1 Frasi sa mesa de iscríere fit manna e prana, pariat una tanca, chin fasches de lapis, de pinnas e de trimbos ◊ sa dimanna pro sos contribbutos fit pronta, chin marcas, trimbos e firmas 2. unu "do" sonadu a chiterra tenet unu trimbu diferente de unu "do" sonadu a trumba Etimo itl. Traduzioni Francese timbre Inglese stamp Spagnolo timbre Italiano timbro Tedesco Stempel.

tímbula , nf Definizione genia de lissa Terminologia scientifica psc.

timbússiu tambússiu

timecàca , nm, agt: timegaga, timigaghi Definizione chi o chie s'imbrutat de cantu timet, chi timet a meda po dónnia cositedha, nau deasi a disprétziu Sinonimi e contrari cacacartzones, cachete, cacoi, pisciagaltzone, timarosu, timetupas, timigiolu / bergungiosu, cocode, gavardu / gosilànimu, vile | ctr. coragiosu Frasi si no ti difendhes ses unu timegaga! ◊ sunt pretzipitendhe su pisedhu nèndheli "Timegaga!"◊ sos timegagas timent donzi cosa Etimo srd. Traduzioni Francese froussard Inglese sissy Spagnolo miedoso Italiano fifóne Tedesco Angsthase.

tímede , vrb: tímere.

timegàga timecàca

timéncia, timèntza, timéntzia , nf Definizione su tímere (est foedhu chi podet pigare una prop. dichiarativa, che a su vrb.)/ sa t. dh'intrat, a unu, ch'essit Sinonimi e contrari pagura, timória Frasi no bi at che dolore, timentza e piantos (S.Lay Deidda)◊ sa timéntzia de los fusilare fit meda ◊ sa pobidha at cambiau po timentza chi su pobidhu nci dha bogàt ◊ ischindho ca dhue iat capitau morte mi fut pigada sa timéntzia ◊ su pipiu si fut mortu de sa timentza.

tímere , vrb: tímede, timi, tímiri, tímmere, timmi Definizione sentire pauria po cosa chi no si bolet, èssere giagaraos po calecunu dannu, dolore, perígulu, male chi podet capitare; àere calecunu pentzamentu, pentzare una dificurtade coment'e tropu manna, pentzare in su malu o chi podet capitare calecuna cosa chi no est aggradéssia, pentzare chi potzat acontèssere calecuna cosa de malu / pps. tímiu, tímidu; tímere chi…, chi no…; tímiri a istrillu, tímere a bentu = a meda, chei sa frea Sinonimi e contrari timire / dudai | ctr. arriscai Frasi sa guàrdia nos ispramàt candho fimis minores e la timmiant totus ◊ la moris a isprammu, ca at sa debbilesa de tímmere! ◊ pro su giustu no ndhe timas zente! (A.Casula)◊ asegus de su muru, su pitzinnu faet s'incora incora, timindhosidha a intrae ◊ timia a istare solu in montes ◊ bidu sa cosa male parada, is discèpolos ant tímmiu 2. no timas chi za ndhe ant fatu, de benefíssiu, cussos bentos!…◊ no timas za no mi che so andhendhe a logu, apo pagu gana de essire! ◊ e it'est, ti dha timis a ti ghetai a trabballai?! ◊ so timindhe a essire a fora, cun custu fritu! ◊ est giai dexi dis sempri proendi de sighiu e timu meda chi dha sigat ancora ◊ tocat a bufai s'àcua a istídhiu a istídhiu, timendi po no ispaciai ◊ timo chi a cust'ora no apent agabbadu sa faina ◊ cussu pisedhu no timet a faedhare male a unu mannu Cognomi e Proverbi prb: chini timit, cosa depit ◊ mellus a timi chi no a provai Etimo ltn. timere Traduzioni Francese craindre Inglese to fear Spagnolo temer Italiano temére Tedesco fürchten.

timerósu timarósu

timetúpas , nm Definizione chi o chie timet a meda, a tropu e credet chi dhue at cosa mala in dónnia tupa, totue Sinonimi e contrari timarosu, timigiolu, timizosu Etimo srd.

tími tímere

timicósu , agt: timigosu Definizione chi timet tropu, chi no tenet coràgiu Sinonimi e contrari cobardu, pagurosu, timarosu, timigiolu, timizosu, tremorosu | ctr. atreviu, coragiosu Frasi gosi timicosu ses chi times duos mascaraos?!◊ àteros ses o sete pariant prus timicosos e sunt deretu fughios ◊ s'anzone est animaledhu timicosu 2. dae sa cucuzura bogat unu pede timicosu chi no cheret fuire dae su caente Terminologia scientifica ntl Etimo srd. Traduzioni Francese craintif Inglese timorous Spagnolo temeroso Italiano timoróso, pauróso Tedesco furchtsam.

timicúlus , agt, nm: timigulus Definizione si narat de persona paurosa meda, chi o chie timet totu, a meda, po dónnia cositedha Sinonimi e contrari cacacartzones, cachete, timarosu, timecaca, timetupas, timicosu, timigiolu Etimo srd.

timidèsa , nf Definizione su tímere, su èssere bregungiosu, duritosu Sinonimi e contrari timore.

timidítu , agt, nm Definizione chi o chie acostumat a tímere, istat coment'e timendho o no arrennescet a tènnere s'atza, su coràgiu Sinonimi e contrari bergungiosu, timidosu | ctr. assudu, atreviu, faciudu, prontudu Frasi tue ses driziledha e timidita Terminologia scientifica ntl Etimo srd. Traduzioni Francese timide Inglese shy Spagnolo tímido Italiano tìmido Tedesco schüchtern.

timidósu , agt Sinonimi e contrari timicosu, timiditu, timigiolu Frasi si poto, de meu lasso pagas istigas timidosas de una limba trobeida Etimo srd.

tímidu, timídu , pps, agt: timitu, tímiu, tímmiu Definizione de tímere, timire; chi dhu timent, chi dhi tenent arrespetu 2. dae canes difesu e baidau, pares in su coile unu Surtanu, in sa cussorza tímmiu e rispetau ◊ fit pessone timida de totugantos ◊ su podestade fit timitu che malandra in costas Traduzioni Francese craint Inglese feared Spagnolo temido Italiano temuto Tedesco befürchtet.