A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tichirighédhu , nm: tzichirighedhu Definition min. de ticu, pagu pagu / no poder bídere t. a unu = tènniri tírria, tènniri in tica a unu Synonyms e antonyms tichichedhu 2. no lu podet bídere tichirighedhu, a isse.

tichirriàre , vrb: sirrichiai, tzichirriai* Definition su sonare chi faet su linnàmene po isfortzu; nau de gente, de animales, betare tzérrios coment'e sonu indistintu, lamentu Synonyms e antonyms abbochinare, tirriare 1, tzacarrai, tzacazare 2. s'isprammat tichirriendhe ◊ ite tenet cussu porcu tichirriendhe? Translations French grincer, striduler English to creak Spanish chirriar Italian strìdere German kreischen.

tichirriaxólu , agt Definition chi costumat a si pesare a tzérrios (es. su porcu) Synonyms e antonyms tzirriajolu, tzichirriosu, tzirriosu Etymon srd.

tichirriósu , agt: tzichirriosu Definition chi tzichírriat, chi istat a tzérrios Synonyms e antonyms tzichirriaditu, tzirriosu Etymon srd.

tichírriu , nm: tzichírriu* Definition genia de sonu de linnàmene, de cosas de ferru; fintzes tzérriu forte de animales e de gente prus che àteru a lamentu Synonyms e antonyms cérriu, ischéliu, tírriu Sentences fritas atitadoras a pilu isoltu lampant a su chelu sos insoro tichírrios de istrias (Sechi).

tíchis , nm Synonyms e antonyms cagaita, chighirighitus, corigori.

tichitàca , nm Definition tichi taca: genia de sonu chi si faet a cropighedhos, fintzes faghevaghe chentza profetu Sentences lassa istare, aite istas a su tichitaca?! Etymon srd.

tichitèra , nf Synonyms e antonyms ignagnaria Sentences chi naras, po dogni tichitera poniant sa cantone.

tícu , nm: (su t. = suticu) atzicu cicu, tzicu Definition apenas, pagu pagu, un'ingúrtia de cosa de bufare o àteru de cosas deasi; pagu pagu de css. cosa (ma podet èssere fintzes meda a paragone de su tanti chi si bufat a un'ingúrtia)/ min. tichighedhu, tichirighedhu Synonyms e antonyms atzichedhu, atzítzigu, bucada, súrbia / apenas, pachitzedhu / cichete Idioms csn: faedhare o nàrrere sa cosa a ticu ticu = a pagu pagu, una parti una borta, una parti un'àtera; èssere o istare a ticu = istare a tzínchinu, cun pagu cosa, a dilléziu, a mindigu; no poder bídere ticu o tichirighedhu a unu = pigaisí feli isceti a biri a ccn. chi no praxit própiu, no dhu bolli biri mancu pagu pagu Sentences làmpana, cun calchi ticu apena ti apo allutu ◊ de abba no ndhe assazo ticu ◊ zughiat unu bículu de casu, pane e unu ticu de binu 2. bellu ticu de binu apo fatu, ocannu: duas cubedhas ma bellu! 3. no lu poto bídere ticu, a cuss'arga de muntonarzu! ◊ Pilatu, mancari no potat bídere ticu sas autoridades de Gerusalemme, no las cheret contrariare Etymon srd. Translations French gorgée English sip Spanish sorbo, trago Italian sórso German Schluck.

ticulíta taculída

ticulítu , nm: ciucullitu, tzaculitu* Synonyms e antonyms taculida, tzaculitata, tzicorrida, tzitzilicu, tzucu.

ticulítu 1 , nm Synonyms e antonyms cagaitas, chilighili, chitirighítili, corigori, sintzirigu, tzilighitu, tzintzirighilli Sentences in sa manu, sos pugionedhos, mofèndhesi intro de su nidu, mi fachiant sos ticulitos.

ticullída taculída

tidàle , nm: deidale, titale Definition genia de cugudhedhu de làuna chi si ponet a sa punta de su pódhighe po cosire cun s'agu Synonyms e antonyms bidale, dighidale* Sentences cudhas tramas secatas cosis a pacu a pacu chin titale, filu e acu (G.Farris).

tidàrzu , nm: sedarzu Definition logu ue si assentat sa linna po su fogu, sa linna assentada Synonyms e antonyms babizone, balluardu, biga 1, linnàgliu, cidraxi.

tídha , nf: tilla, tille, tíllia, tzilla 1 Definition genia de mància pitichedha, istídhigu de ógiu in su brodu, ma fintzes de css. cosa; orrughedhu, parte pitica, un'apenas de css. cosa / no mi at fatu mancu tilla = própiu nudha Synonyms e antonyms luneta, pintilla / botiu, ghema 1, gutiu, istídhigu, làmbria, lútiu, paspia, silla, stídhia / incuedhu, pitzuedhu, tanchedhu Sentences custu no est si no una tilla, unu puntu ◊ si custu est una tilla, ite det èssere su riu! ◊ si los aiant puntos no lis aiat essidu tilla de sàmbene!◊ no bi mancat una tíllia!◊ nessunu at tocadu unu tille ca chie bi aiat proadu fit mortu! Surnames and Proverbs smb: Tidda Etymon ltn. *stillia Translations French macule, tache English macula, drop Spanish mancha, pizca Italian téccola, màcula German Fleckchen.

tidhàre , vrb: atidhai* Synonyms e antonyms brincae, sadhiare, saltai, tidhidai.

tidhía , nf Definition su serenu astradu, in terra, in notes craras de fritu meda Synonyms e antonyms bedhia, celexia, ghidhighia* Surnames and Proverbs smb: Tiddia Scientific Terminology tpm.

tidhidài, tidhidàri , vrb: tidhitai Definition mòvere, andhare o fàere a tídhidus, a sàdhidos Synonyms e antonyms brincae, sadhiare, sadhie, saltai, tidhiricare Sentences dèu giogu cun su pensamentu contendi is brebeis de sa noti chi tidhitat in is pipias lagrimosas (G.Manconi)◊ tidhidai de prexu poita, labai, sa paga est manna! Etymon srd.

tídhidu , nm Definition móvia, brínchidu, trémia Synonyms e antonyms bótiu, brínchidu, brínchili, sàltidu, sédhida Etymon srd.