A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

apedhigàre , vrb Definitzione istare sèmpere apedhandho, a s'apedha apedha Ètimu srd.

apedhigonàre , vrb Definitzione su camminare lébiu de is pedrighes [o fadhina po apedigonare?] Frases apo bidu unu bolu de pudhas de mata apedhigonandhe dae una tumba a s'àtera in campusantu (A.Satta).

apedhigonàre 1 , vrb Definitzione fàere a pedhe, prus che àteru nau de trastu téssiu chi intrat, essit prus tibbu Sinònimos e contràrios abbatilai, apedhare 1, apedhitzare.

apedhigotàu , agt Definitzione nau de unu, chi est de malintesa, de naturale tostorrudu Sinònimos e contràrios aperradu, coteu, impedhigotau, perrónchinu, redossu, testarrudu, turrau Ètimu srd.

apédhigu , nm Definitzione su apedhare de is canes Sinònimos e contràrios apedha, apédhida, atóchida, bàulu, tzàulu Frases s'intendhiat s'apédhigu de unu cane Ètimu srd.

apedhiósu , agt Definitzione chi si apédhiat, chi istat sèmpere disigiandho, disigiosu meda Sinònimos e contràrios abbramidu, afrodhiosu, apichionadu, apilliadu, aulidu, pistichinzosu, schinitzosu, spedhiosu Ètimu srd. Tradutziones Frantzesu désireux (de) Ingresu desirous Ispagnolu codicioso, deseoso Italianu voglióso Tedescu begierig.

apedhitzadúra , nf Definitzione su si apedhitzare o abbatilare de sa cosa, mescamente nau de lana o àteru deasi, su si fàere prus tibba de s’orrobba téssia Sinònimos e contràrios apedhonzu 1, incrispiadura, intipidura Ètimu srd. Tradutziones Frantzesu feutrage Ingresu felting Ispagnolu apelmazamiento Italianu infeltriménto Tedescu Filzen.

apedhitzàre , vrb Definitzione coment'e fàere a una pedhe, nau de pilos, chi no dhis intrat pètene, o orrobba téssia chi intrat, essit prus tibba, si abbàtilat (faet coment’e a pígiu tostau de orrobba) Sinònimos e contràrios abbatilai Ètimu srd.

apedhitzonài , vrb Definitzione essire o bènnere pedhitzone, fàere a pòberu meda Sinònimos e contràrios acuculiare 1, aframicare, aframicosare, arremitanare, impoberai, impoburitai | ctr. arricai Ètimu srd.

apédhiu , nm Definitzione disígiu mannu, forte, de calecuna cosa, su disigiare o bòllere meda una cosa Sinònimos e contràrios agodíssia, agudéntzia, arràngulu, asuréntzia, asuria, asurímini, aulimentu, codícia, furighedha, pestighíngiu, punnia, spédhiu Ètimu srd. Tradutziones Frantzesu convoitise Ingresu desire Ispagnolu codicia, deseo Italianu brama Tedescu Begierde.

apedhónzu , nm Definitzione su apedhare Sinònimos e contràrios abbaulonzu, apédhida, tzaulonzu Frases in campu s'intendhiat un'apedhonzu orrorosu de canes Ètimu srd.

apedhónzu 1 , nm Sinònimos e contràrios apedhitzadura Ètimu srd.

apedhósu , agt Definitzione nau de cane, chi apedhat, chi istat a gúgulos Ètimu srd.

apédhu apèdha

apedhuncàre , vrb Definitzione nau de ccn. o de un'animale, torrare a unu pedhuncu, torrare a sa pedhe, totu ossos Sinònimos e contràrios illangiare, irromasire, isminunchire, scalaxiri, slangiri | ctr. abboniare, ingrassai Ètimu srd. Tradutziones Frantzesu amaigrir Ingresu to make thin (ner) Ispagnolu adelgazar Italianu smagrire Tedescu abmagern.

apedhuncàu , pps, agt Definitzione de apedhuncare; nau de ccn., chi portat sa pedhe imbodhigada a s'ossu de cantu est làngiu, chi est totu pedhe e ossos Sinònimos e contràrios marriu, scalarxiu, scarritzinu | ctr. grassu Tradutziones Frantzesu décharné Ingresu skinny Ispagnolu descarnado Italianu scarno Tedescu hager.

apedhútzu , nm Definitzione min. de apedhu.

apedicadòre , agt, nm: apeigadore, apetigadori Definitzione chi o chie apédicat, chi o chie càtzigat sa cosa, sa gente Sinònimos e contràrios abbatigadore Ètimu srd. Tradutziones Frantzesu oppresseur Ingresu trampler Ispagnolu quien pisotea Italianu calpestatóre Tedescu wer zertritt.

apedicadórju , nm Definitzione cosa o logu de catzigare Frases si l'ant picau pro apedicadorju, su locu nostru Ètimu srd.

apedicadúra , nf: apetzicadura Definitzione su apedicare Sinònimos e contràrios apeicu Ètimu srd.