A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

apibiàre , vrb: apibinai, pibiare* Definitzione pigare a unu a pibios, coment'e tenendhondhe làstima Sinònimos e contràrios achigulare, ammischinai, annischissai, arrosci, cascaviare, lastimai, memulare, pibincai, spibiai Tradutziones Frantzesu plaindre Ingresu to mourn, to pity Ispagnolu compadecer Italianu lamentare, commiserare Tedescu beklagen, bemitleiden.

apibidedhàre , vrb: apibiredhare Definitzione su si pònnere o istare coment'e cicios in carrones, abbasciaos Sinònimos e contràrios abbibbirinai, abribidhai, apatai, aperperinare, apimpirinare.

apibinài apibiàre

apibionài , vrb Definitzione fàere a pibiones Sinònimos e contràrios apupujonare 2. custu gorfu est totu apibionau ◊ lana apibionada Ètimu srd.

apibiredhàre apibidedhàre

apibisinàu , agt Definitzione chi est totu a pibisias, a essiduras, fruschedhas in sa pedhe Frases fiat unu piciochedhu totu apibisinau Ètimu srd.

àpica , nf: àpoca Definitzione elencu de is pannos e de s'arredamentu de un'isposa; fintzes genia de iscritura coment'e arrecia o documentu Sinònimos e contràrios arrecia 2. si no mi faghes s'àpoca no bi as a leare nudha! Ètimu ctl., spn. àpoca.

apicadíllu , nm Definitzione apicàlliu, cosa chi unu si apicat in pitzu po bellesa Sinònimos e contràrios apicàglia, pendéntili.

apicadòlza, apicadólzu, apicadórgiu , nf, nm: apicadorzu, apicadroxu Definitzione obbilu o palu po apicare cosa, css. cosa inue si dhue podet apicare (es. pértiga) Sinònimos e contràrios impicadórgiu, obbibi, rocu Frases àghina, mela e pira apo in s'apicadolza… Ètimu srd. Tradutziones Frantzesu crochet, piton Ingresu hook Ispagnolu percha, colgadero Italianu appiccatóio Tedescu Haken.

apicadòrza , nf Definitzione àghina de apicare po dha chistire Sinònimos e contràrios apesòrgia Ètimu srd.

apicadórzu, apicadróxu apicadòlza

apicadúllas , nm Definitzione logu adatu, mobbiledhu po dhue apicare o chistire terudhas, turras.

apicadúra , nf Definitzione su apicare, su pònnere cosa apicada Ètimu srd.

apicàglia, apicàgliu , nf, nm: apicalla, apicàlliu Definitzione cosa chi istat apicada, fintzes cosighedha de oro o prata de pònnere in dossu po bellesa Sinònimos e contràrios apasibi, apendhuzu, apicarrone, pendhúliche, pubusone / apicognu, lallanu 2. a ndhe zughes de apicàllios, oritzinas e collanas!…◊ remonichelos totu cussos apicàllios, putzidha! Ètimu srd. Tradutziones Frantzesu pendant, breloque Ingresu pendant Ispagnolu colgante Italianu pendàglio, cióndolo Tedescu Anhänger.

apicài , vrb: apicare, picai 2, apicari Definitzione pònnere cosa arréschia in calecunu logu, in calecuna punta o àteru (es. crau, puncione) a manera chi abbarret pendhendho in artu; artzare a pitzu de calecunu logu / apicai sonajolus a unu = bogàreli fogu, nàrrere in ziru cosas chi no sunt Sinònimos e contràrios acadhai, apichedhai, apilicare, impicare | ctr. ispicai Frases a pitzu de cuss'orroca no apo tentu ocasione de apicare ◊ commo sas coronas sunt apicandhedhas in sos muros ◊ in bellu logu as apicau is crais!… 2. unu belosu aiat mortu sa muzere e si fit apicadu isse puru 3. su serbidori ndi at pigau in sa bértula sa cosa chi furiat apicada ◊ bi aiat colves e canistedhas apicadas Ètimu itl. appiccare Tradutziones Frantzesu accrocher Ingresu to hang Ispagnolu colgar Italianu appèndere Tedescu aufhängen.

apicajólu , nm Definitzione cosighedha de pònnere apicada prus che àteru po giogare Sinònimos e contràrios abbrédhulu, apicàglia, giogu Frases su bratzolu est infrochitau e portat un'apicajolu po istentai su pipiu Ètimu srd.

apicajòni abbicajòni

apicàlla, apicàlliu apicàglia

apicallódhu , nm Definitzione pendhúliche, prus che àteru prendha de apicare in dossu po bellesa Sinònimos e contràrios apicàglia.

apicamantéllu , nm Sinònimos e contràrios portamantedhu.