A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cascaxína cacasína

cascéri , nm, agt: cassieri Definitzione chie contivígiat su dinare e duncas tenet contu sa càscia; nau de unu maistu fusteri, chi faet càscias: maistu casceri Terminologia iscientìfica prf Ètimu srd. Tradutziones Frantzesu caissier Ingresu cashier Ispagnolu cajero Italianu cassière Tedescu Kassierer.

cascèta , nf: casseta, cascita Definitzione genia de istrégiu de linna, prus che àteru fatu a forma de parallelepípedu: podet èssere pitichedhedha puru Frases apenas chi che leat su lentore leade cuinzolos e cascetas chi li atacamus, a binnennare ◊ labai aràngiu bellu a deximila sa cascita! Sambenados e Provèrbios smb: Cascetta, Cassetta, Cassita, Cassitta Terminologia iscientìfica stz Tradutziones Frantzesu caisse Ingresu small box Ispagnolu cajita Italianu cassétta, cassettina Tedescu Kästchen.

caschèta , nf Definitzione druche fatu cun méndhula, saba e corgiolu de aràngiu impastaos impare e postos in d-una tira de pasta tesa a fine, fata a canaledhu, prena e serrada a bisura de lóriga 2. est una caschetedha bella druci, cussa pipia, ma arguai a dh'iscontroriai! Terminologia iscientìfica drc Ètimu ctl. casqueta Tradutziones Frantzesu petit gâteau en forme de couronne Ingresu ring-shaped cake Ispagnolu rosquilla Italianu ciambèlla Tedescu Kringel.

caschète , nm Definitzione tilica de saba, una genia de druche cun saba Sinònimos e contràrios cocollitu, terica Terminologia iscientìfica drc.

caschiàre cascài 1

caschidàe, caschidàre , vrb Sinònimos e contràrios cascai 1 Frases candho s'intendhiant sonnios, càschida càschida si che crocaiant Ètimu srd.

caschidàre 1 calchidàre

caschidónzu , nm Definitzione su èssere o istare a càschidos, cascandho.

càschidu, càschiru , nm Definitzione aperta manna de sa buca, ma coment'e ingurtindho, chi si faet chentza dhu bòllere po fàmene, po sonnu, múngia o orroschimentu / su càschidu de coa = su cascu de sa morte, s'úrtimu Sinònimos e contràrios càsciu Frases tengu un'afinamentu de ànima… seu totu s'ora a càschirus! ◊ su càschiru de tziu Andriolu, chi nci at ingúrtiu sa mola, su bestiolu e seti domus de su bixinau! ◊ fait càschidus longus chi is corrus de sa buca dhi arribbant a is origas…◊ seu a càschidus de fàmini! ◊ sos pitzochedhos sunt a càschiros Ètimu srd. Tradutziones Frantzesu bâillement Ingresu yawn Ispagnolu bostezo Italianu sbadìglio Tedescu Gähnen.

caschizàre , vrb Definitzione istare a càschidos, a su casca casca comente faet unu chi tenet fàmene, o chi est sonniu, orróschiu Sinònimos e contràrios cascai 1, caschidae Ètimu srd. Tradutziones Frantzesu bâiller plusieurs fois Ingresu to yawn again and again Ispagnolu bostezar Italianu sbadigliare ripetutaménte Tedescu wiederholt gähnen.

caschizólu , nm Definitzione caschighedhu, cascu piticu Ètimu srd.

càscia , nf: cassa 2, càssia Definitzione trastu mannu, prus che àteru de linna de castàngia, cun su covecu, po chistire cosa (trastos, orrobba, o sa provista de su pane), totu trebballau a figuras a intacadura, a istuvidura in sa parte de ananti, e cun bàtoro peis po dhu mantènnere artzau de terra; baule po pònnere su mortu; is ossos de sa carena tra palas e petorras, ue dhue funt is prumones e su coro, ma fintzes totuganta sa parte de su matzàmene; letu de un'erriu; css. cosa fata a bisura de istúgiu o istrégiu po pònnere o fàere istare calecuna cosa amparada, prus segura; fintzes una parte de su telàrgiu, de su carru (po ingòllere terra o àteru deasi); in sa tega de is laores a tiradura, su tretighedhu coment'e buidu inue ingendrat e ammànniat su granu Sinònimos e contràrios alca, baule / tuvu Maneras de nàrrere csn: càscia de su petus = petorras, itl. torace; èssere sanu de càssia = no àere pecu a sos mermos chi dissipant su mànigu, de s'istògomo a totu s'istentina; abba o abbadura a càssia = itl. idrotorace; càscia o lacu de riu = s'iscaravossu ue colat s'abba de unu riu, itl. àlveo; càscia de relógiu = zenia de istuzighedhu ue bi est su machinàriu de su rellozu; càssia de carru = tumbarella, zenia de càssia, abberta deunudotu subra, pro carrare rena, terra e gai; càscia de iscupeta, de fusile = sa parte ue s'intrant sas cartutzas Frases in sa càscia bi at cannas de fresi, lentolos e costúmenes ◊ sa càssia pro su pane fit in coghina, pro sos trastes in s'istàntzia de letu ◊ bella custa càscia fiorada!◊ ti ant afidau una càscia manna chi innòi tui no dha scis oberri!(Moi)◊ preniaus sa càscia de figu e de figumoro sicada 2. in sa butega de su mastruàscia s'intendhent pagos colpos de martedhu: unu bratzolu pro su nignighedhu, pro te, truncu immóbbile, una càscia 3. tantu so apenadu chi in sa càscia su coro m'isbolatzat ◊ su coro tzochedhat in sa càscia ◊ est sanu de càscia e mànigat de totu 4. su riu est essidu dai sa càscia Terminologia iscientìfica mbl Ètimu ltn. capsa Tradutziones Frantzesu caisse, coffre Ingresu box Ispagnolu caja Italianu cassa Tedescu Kiste.

casciàbi , nm, nf: casciai, casciale, casciali, casciara, cassale, chesciali Definitzione donniuna de is dóighi dentes de asegus, ses de sa barra de fundhu e ses de sa de pitzu, grussa e larga po matzigare Sinònimos e contràrios molare, mossidhale / cdh. massidhali Frases ti dòngiu una bussinada chi ti ndi arruint is casciabis! ◊ no at a zúghere cassale ne dente ma cheret sa fruta proibbia! ◊ soi totu sa dí a dolori de chescialis ◊ a sa bussinara ti nci fatzu ingurti is casciais! Terminologia iscientìfica crn Ètimu ctl. caixal Tradutziones Frantzesu molaire (dent) Ingresu molar Ispagnolu molar Italianu dènte molare Tedescu Mahlzahn.

casciàda , nf Definitzione genia de pecu a ogos: impannu, napa o néulas de sos ojos Sinònimos e contràrios caderata 1, innapu Terminologia iscientìfica mld.

casciafòrte , nf: cassiavorte Definitzione genia de càscia, fata in forte meda, po pònnere cosas de valore a sa segura de no che dhas furare cun facilidade Sinònimos e contràrios cofre Frases sas casciafortes bóidas mancu isfrisciadas las tocant Tradutziones Frantzesu coffre-fort Ingresu safe, strongbox Ispagnolu caja fuerte Italianu cassafòrte Tedescu Geldschrank.

casciài, casciàle, casciàli casciàbi

casciàra casciàbi

casciaròla , nf: cassalora, cassarola, cassarora Definitzione genia de istrégiu po còere cosa, prus che àteru de terra martada, de arràmene, a costaos artighinos Sinònimos e contràrios tiana Frases che apo leadu su pische pro lu fríere in sa cassalora ◊ est unu vasu a forma de casciarola ◊ dhoi tenit màrigas e iscifedhas, pingiaras, cassarolas e frascus ◊ at comporatu cassarolas e lapiolos dae sos ramanajos isilesos Terminologia iscientìfica stz Ètimu itl. Tradutziones Frantzesu casserole Ingresu saucepan Ispagnolu cacerola Italianu casseruòla, tegame Tedescu Schmortopf.

casciòla cansòla