A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

chenadórzu cenadórgiu

chenadozàre chenadórzare

chenadróxu cenadórgiu

chenadúra , nf Definitzione su chenare, nau prus che àteru pentzandho a sa manera, a sa calidade de su chenare Sinònimos e contràrios chenada Frases chenadura sa chi amus fatu, duas furchetadas de erbuzu! Ètimu srd.

chenài cenài

chenàle , nm Definitzione su late o cagiau lassau po sa chena de su pastore Frases li murghio s'ispesa, su chenale Ètimu srd.

chenàpra, chenàpura canàbara

chenàre cenài

chenàrpa canàbara

chenàrzu , nm Definitzione su pastore, mescamente su tzeracu, chi bogat su bestiàmene a chenadorzu, a pàschere addenote Sinònimos e contràrios teracu Frases aia iscapadu su cadhu candho su chenarzu nostru s'est postu a còghere pagos písaros (B.Pirisi)◊ su chenarzu de compare est bénnidu a nos informare chi bi at sutzessu dannu Ètimu ltn. cenarius.

chènas cèna 1

chenatòglia, chenatógliu, chenatòrgia cenadórgiu

chenàu , pps, agt Definitzione de chenare; chi at chenau / apustis chenadu = apustis de àere chenadu 2. chenadu ses? ◊ po mi biri cenau bèni prepara cosa bona!

chenàura canàbara

chencheriài cancarài

chencheriósu , agt Definitzione chi si dha pigat deretu, chi luego si primmat o si ofendhet Sinònimos e contràrios ammusciagiolu, assumbrosu, primmagiolu, primmósigu, tzachedhosu, ufrósigu Ètimu srd.

chène cèna 1

chenighèdha , nf Definitzione min. de chena, chena de pagu cosa o de cosa metzana.

chenína , nf: chinina Definitzione genia de droga chi si faet de su corgiolu de sa mata de sa china, impreada po meighina a curare sa malària, a passare sa callentura Sinònimos e contràrios achina Frases rànchidu chi paret chinina Ètimu spn. quinina Tradutziones Frantzesu quinine Ingresu quinine Ispagnolu quinina (f) Italianu chinino Tedescu Chinin.

chènsa , nf, nm: chènscia, chénsciu, chèscia, chésciu, chessa 1, chéssia, ghessa Definitzione totugantu su chi unu narat o giaet a bíere de dolu, de dispraxere o discuntentu de isse etotu o de un'àteru o de calecuna cosa: si narat fintzes de is animales (es. de is angiones o crabitos seberaos chi istant a iscràmios ca bolent sa mama)/ min. chescedhu Sinònimos e contràrios abbogu, crèscia, irrínghiu, lamenta, repita, tzirchinzu Maneras de nàrrere csn: dare sa chensa = abbogàresi, chensciaisí cun s'autoridadi, dare sa denúntzia; dare chensas, èssere in chessa = chesciaisí, murrungiai; chéssias pranticosas = prantu de chie si chessat Frases a sa chèscia li rispondhet a tènnere pascéscia! ◊ sa morti est s'úrtima chèscia de sa vida ◊ si tue no mi aias betadu s'ala, inoghe no che fia paradu: però una chènscia ti dia cherrer fàghere ◊ canno su pitzinnu furaiat cosa, sos meres nche giuchiant sa chessa a sa mama ◊ ti la picas una chessa!… 2. sa pobidha pranghiat s'isposu cun tzúnchios e chescedhos chi isperrànt su coro Ètimu srd. Tradutziones Frantzesu plainte Ingresu complain Ispagnolu queja, lamento Italianu lagnanza, laménto, reclamo Tedescu Klage, Beschwerde.