còrra 1 , nf Definitzione sa corroga / pane de c. = una creze de antunna Sinònimos e contràrios carroga, corbanca, corraga Terminologia iscientìfica pzn Ètimu srd.
corràda , nf Definitzione su gatzile, sa parte de asegus de sa conca Sinònimos e contràrios batile, chelfija, pistidhu, tidíngia Ètimu srd.
corradúra , nf Definitzione is corros de is boes Sinònimos e contràrios corra, corramenta Ètimu srd.
corràga , nf: corranca,
corrancra Definitzione
corroga braxa, genia de pigione mannu, de petza metzana: assimbígiat a unu crobu, ma est prus pitica, in colore de chinisu e solu in parte de is alas est niedha
Sinònimos e contràrios
carroga*,
corbanca
Frases
Noè aiat imbiadu innantis una corranca e apustis una columba ◊ comente faent custas corragas a mi connòschere?
Terminologia iscientìfica
pzn, corvus corone sardonius
Tradutziones
Frantzesu
corneille
Ingresu
carrion-crow
Ispagnolu
corneja
Italianu
cornàcchia
Tedescu
Krähe.
corràgliu , nm Definitzione istúgiu de ortigu po dhue chistire is cogàrgios o àteru de corru Terminologia iscientìfica stz Ètimu ltn. *cornarium.
corràju , nm Definitzione màscara de carrasegare, comente si bestint a logos Frases sos corrajos, cun sa cara intzintziedhada e bestios cun pedhes, funt ancora brinchetandhe e sonandhe sos sonazos in palas (C.Frau).
corràle, corràli , nm Definitzione
tretu largu, a una parte, mescamente tra duas alas de muru o àteru, cugigone; tretu largu serrau ananti o a costau de sa domo, o fintzes po acorrare bestiàmene / min. corraledhu
Sinònimos e contràrios
angrone,
chizone,
corroncone
/
coltíglia,
corratzu,
iscorratu
/
cdh. currali
Frases
s'acucaiat in d-unu corrale de sa cochina
2.
in su corrali teniat caboniscus e cunillus ◊ tenit corrali po acorrai bestiàmini arrui ◊ de tui ndi fàciu contu che s'àliga de corrali
Terminologia iscientìfica
srr
Ètimu
ctl., spn.
Tradutziones
Frantzesu
cour
Ingresu
courtyard
Ispagnolu
corral
Italianu
cortile della casa
Tedescu
Hof.
corralòni , nm Definitzione corrale mannu.
corramènta , nf: corrimenta Definitzione
is corros, mescamente de is boes / genias de corramenta: corramenta a tanalla (a punta a aintru), bàdua (a punta a denanti, conca a bàsciu), arta (a corros deretos, a punta in artu), trotoxada (a corros atrotigaos), isprata (a puntas a fora), múntzia (a corros piticos e male fatos)
Sinònimos e contràrios
armamenta,
corra,
corradura,
corraza
Frases
custos boes zughent una corramenta bella ◊ de candho no ti ant giuntu pro arare ses diventadu de corramenta forte ◊ custu murone giughet corramenta che trau!
2.
a issu gei dh'ia a bolli biri carriau de corramenta!…
Ètimu
srd.
Tradutziones
Frantzesu
cornes
Ingresu
horns
Ispagnolu
cuernos
Italianu
le còrna (soprattutto del bue)
Tedescu
Hörner.
corramúsa , nf Definitzione una genia de martzigusa Sinònimos e contràrios marsicrusa Terminologia iscientìfica mt, Cytisus villosus Ètimu itl.l cornamügia.
corrànca, corràncra corràga
corrangiàe carrongiài
corrapeàre , vrb Definitzione troboire unu pegus de bulu betandhodhi sa fune a corros e a unu pei Sinònimos e contràrios abbilandrare Ètimu srd.
corràrbu , agt Definitzione pegus (boe, baca) cun is corros biancos in fundhu Ètimu srd.
corràrju , nm Definitzione logu ue che fúliant o betant is corros, ue bochint bestiàmene.
corràrzu , nm, agt Definitzione logu serrau po dhue pònnere bestiàmene; chi portat corros? / màsciu c., c. furone Sinònimos e contràrios corrale, corratzu, corroncone, iscorratu Frases allegaint de porcos de corrarzu e de crapedhas mannalitas ◊ su corrarzu po su porcu mannale ch'est a s'àtera bandha de sa domo Ètimu srd.
corràtza , nf Definitzione muntone de corros Sinònimos e contràrios corratzina Ètimu srd.
corratzéri , agt, nm Definitzione chi o chie istat de unu corratzu a s'àteru, in giru Sinònimos e contràrios bandhuleri, corruntoneri, crusieri, garroneri, peldulàriu, rundhellu Ètimu srd.
corratzína , nf Definitzione muntone de corros Sinònimos e contràrios corratza Ètimu srd.
corràtzu , nm: acorratzu Definitzione tretu serrau ananti o a costau de sa domo / c. de mari = ischeadura de s'oru de mare ue custu intrat prus a mesu in sa terra Sinònimos e contràrios corrale, corrarzu, iscorratu / angrone, chizone, corroncone Frases medas si arràngiant cun s’àcua de funtana chi tenint in corratzu 2. pràngiu cun tui in d-unu corratzu de sa capella ◊ funt in d-unu corratzu ananti de su fogu ◊ no teneus mancu unu corratzu de terra! Ètimu srd.