A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

corriammusàda , avb Definitzione trobiri a c. = cun sa corria acapiada a unu pei de ananti e a conca, a is corros, de s'animale Ètimu srd.

corriamúsa , avb Definitzione trobiri a c. = a corriammusada Ètimu srd.

corriàndhali , agt Definitzione nau de boe, chi portat is duos corros diferentes de posidura, chi andhant unu de unu betu e s'àteru de un'àteru Ètimu srd.

corriàre , vrb Definitzione orrúere, furriare a terra, orrumbulare; fintzes andhare in giru Sinònimos e contràrios arrembulai, arrodulare, boltulare, cadhinare, furriai, istrodhulare, lodhurare, lumburare, rodhulare, torrulare, trodhulare Frases sa càssia si che est corriada fachendhe unu sonu mannu ◊ carchi cosa córriat cara a zosso ◊ si che est corriada sa cuculia de s'abba ◊ córriat fintzas s'orroda ◊ mi fuo irvastulau corriandhe dae unu cadhu chi cherio ammasedare (M.Ladu) Ètimu srd.

corriàrgiu, corriàrju, corriàrxu, corriàrzu corriàlzu

corriàssu, corriàtu, corriàtzu , agt: curriatzu Definitzione chi est che corria: chi trochet bene chentza si segare, chi est lentu e forte, nau fintzes de gente; nau de su naturale de unu, chi no si lassat bínchere deasi fàcile fàcile, chi aguantat a ideas contràrias / pani, pasta, linnàmini, ferru corriatzu = chi tenit corria, chi no est tzacadinu Sinònimos e contràrios corjatu, lentu, pertiassu, tétinu / abbetiosu, aputajolu, pistilosu, testarrudu | ctr. chídrinu, tzacadinu Frases sa petza corriatza bolit ammodhiada in su serenu 2. fémina làngia, corriatza ◊ apetigau de crapita grai de meri a iscraxu mannu, seu crésciu corriatzu che tiria (S.Mossa)◊ óminis corriatzus no morint allestru ◊ su giuale si faet de úmbulu ca est linnàmene corriatzu Ètimu srd. Tradutziones Frantzesu coriace, flexible Ingresu tough, flexible Ispagnolu coriáceo Italianu coriàceo, flessìbile Tedescu lederartig, biegsam.

corriàxu corriàlzu

corriazólu , agt Definitzione chi córriat, orrúmbulat, no abbarrat bene firmu, chi andhat a cadhinadura, chi girat Sinònimos e contràrios arrumbulanu, arrumbulutzu, lumburutzu, rodhulanu Ètimu srd.

corribbàsciu , agt Sinònimos e contràrios bajocu, liuscu Ètimu srd. Tradutziones Frantzesu torve Ingresu grim Ispagnolu torvo Italianu tórvo Tedescu finster.

corrichédhu , nm: corrixedhu Definitzione corru piticu / c. de coradhu = genia de animaledhu croxiu, de mari Sinònimos e contràrios corritedhu.

corrichinatòglia , nf Definitzione sedatzu de sgrangiai o de chèrrere, chiliru po su trigu Ètimu srd.

corriciólu , nm: corrintolu, corrintzolu, corrinzolu, corritolu, corrunciolu, curretolu, currintzolu Definitzione tega pitica, modhe, de fae, de pisu e cosas deasi, candho portat su granu piticu e si podet fintzes còere cun corgiolu e granu totu impare (es. fava a olla) Sinònimos e contràrios basoledhu, corra, corrincione, corrischedhu, corrónciulu, faixedha Frases sa fae che l'at sica in fiore e de corrintolu mancu ndhe at signaladu ◊ essis che fae frisca in corrintolu ma si bidet chi ses nasiniedha Ètimu srd. Tradutziones Frantzesu cosse de certaines légumineuses Ingresu tender pod Ispagnolu legumbre tierna Italianu baccèllo tènero delle leguminóse Tedescu weiche Hülse.

corricótu , agt Definitzione nau de su mascu de ghia, chi portat is corros cotos po èssere puntaresu Ètimu srd.

corridòre , agt, nm: curridore 1, curridori Definitzione chi o chie curret, o curret meda (fintzes ifatu de féminas o de ómines), ma nau mescamente de chie a bicicleta faet garas; predicadore chi tenet numenada, chi est sèmpere de una bidha a s'àtera; tretu de sa domo in mesu de is aposentos o fintzes in artu, fora, a ue essit calecuna apertura Sinònimos e contràrios fughidore / corridóriu, passadissu, passitzu / feminari Frases su tempus paret cadhu curridore ◊ no so pisedha de giúghere a drotu, ne curridora de mala pannia! ◊ cussu est su prus bellu cabadhu curridore ◊ ses bénnidu che mannu curridore, però sos Sardos ti ant firmadu in via! (S.Lay Deidda) 2. dae custu mundhu nemmos si ndhe andhat curridore! ◊ gei ndi portat de cambas po cracai, cussu curridori!…◊ is curridoris de Cabras currint iscurtzus 3. in sos curridores de sas bentanas bi aiat carchi tupichedha de frores, a bandha de fora 4. bessiminci de innòi, curridori, trancheri! ◊ che at una pudhedra curridora… bene domada e la bendhent como! (B.Serra) Sambenados e Provèrbios smb: Corridori, Curridori / prb: de festa in festa che cuadhu curridori ◊ a cadhu curridore bríglia cultza Ètimu ctl., spn. corredor Tradutziones Frantzesu coureur Ingresu runner Ispagnolu corredor Italianu corridóre, ciclista Tedescu Läufer, Radrennfahrer.

corridóriu , nm: curridoju, curridore 1, curridóriu, curriróriu Definitzione tretu de sa domo in mesu de is aposentos, po passare; fintzes tretu cun barandíglia in artu, fora, a ue essit calecuna apertura Sinònimos e contràrios corridore*, passadissu, passadora, passitzu 2. su callelledhu ndi est sartau de su curriróriu po intopai su meri ◊ serra su curridóriu e intra a fai faina! ◊ bollu chi in s'aposentu de letu nci siat unu curridóriu po mi podi afaciai (R.Frésia) Terminologia iscientìfica dmo Tradutziones Frantzesu couloir, balcon Ingresu corridor, balcony Ispagnolu pasillo Italianu corridóio, balcóne, poggiòlo Tedescu Flur, Balkon.

corrièdha , nf Definitzione cosa, aparíciu fatu po corriare, chi córriat, orrúmbulat (es. lóturu de filu) Sinònimos e contràrios arrochetu, carrúciu 2, lòtoro, rodinedhu, ródulu.

corriedhàre , vrb Definitzione mòvere a corriadura, orrumbulare, fintzes in su sensu de no istare firmu, de si che furriare cun facilidade Sinònimos e contràrios arrembulai, corriare Ètimu srd.

corriedhàtzu , agt Definitzione chi corriedhat, orrúmbulat cun facilidade, chi si che fúrriat, no istat firmu, est giogulagiógula Sinònimos e contràrios arrumbulanu, arrumbulutzu, badharinu, corriallullu, corriazolu, lumburutzu, rodhulanu Ètimu srd. Tradutziones Frantzesu instable Ingresu changeable Ispagnolu inestable Italianu instàbile Tedescu unbeständig.

corrièra , nf Definitzione mezu mannu, púbblicu, po portare gente Sinònimos e contràrios postale, purma Frases seus ibetanno sa corriera po annare a Núoro Terminologia iscientìfica trps Tradutziones Frantzesu autobus Ingresu autobus Ispagnolu autobús Italianu àutobus Tedescu Bus.

corrigàle , nm Definitzione istugighedhu de corru, cun su tapu, po dhue pònnere su tebbacu Sinònimos e contràrios corredha, corredhu, corriscedhu Frases zughiat unu corrigale de tabbacu Terminologia iscientìfica stz Ètimu srd. Tradutziones Frantzesu tabatière de corne Ingresu horn stuffbox Ispagnolu petaca, tabaquera Italianu tabacchièra di còrno Tedescu Schnupftabaksdose aus Horn.