A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

corriscédhu , nm Definitzione istugighedhu de corru, cun su tapu, po dhue pònnere su tebbacu Sinònimos e contràrios corredha, corredhu, corrigale Terminologia iscientìfica stz Ètimu srd. Tradutziones Frantzesu tabatière de corne de bœuf Ingresu ox-horn snuffbox Ispagnolu petaca de cuerno de buey Italianu tabacchièra di còrno di bue Tedescu Schnupftabaksdose aus Horn.

corrischèdha , nf Definitzione tega, mescamente de pisu Sinònimos e contràrios teca Terminologia iscientìfica rbr Ètimu srd. Tradutziones Frantzesu cosse de certaines légumineuses Ingresu pod Ispagnolu vaina Italianu baccèllo di legumi Tedescu Hülse.

corrischédhu , nm Definitzione sa teghighedha modhe de fae, de pisu, candho portat su granu piticu e si podet fintzes còere totu, tega e granu (es. fava a olla)/ corrischedhos!… (nadu a ccn.) = lampu a fortunadu!, iscofadu! Sinònimos e contràrios basoledhu, corra, corriciolu, corrónciulu, porrixedhu Terminologia iscientìfica rbr Ètimu srd.

corrispàrtu , agt Definitzione nau de pegus bulu, chi portat is corros ispartos meda Ètimu srd.

corrispúndiri , vrb: currispòndhere, currispòndiri Definitzione cuncordare, torrare paris o atobiare de una cosa cun calecun'àtera, de unu cumportamentu cun d-un'àteru a manera de lòmpere a unu matessi iscopu, fintzes giaendho un'arrespusta; giare cosa in càmbiu de su bene arreciu, fàere a càmbiu apare calecuna cosa, mescamente su s'iscríere Sinònimos e contràrios cunsonare / cumpessare, rispòndhere Frases nois semus faghindhe tantos sacrifítzios pro ti azuare, ma tocat chi tue puru currispondhas ◊ ge sunt sidhius… no corrispundit nemus! ◊ corrispundi candu ti nau sa cosa, ca no ti ndi arruint mancu is barras! 2. chie at amore gasi manna no currispondhet che a tie! Tradutziones Frantzesu correspondre Ingresu to correspond Ispagnolu corresponder Italianu corrispóndere Tedescu entsprechen.

corrísta , nm Definitzione chie tenet su vítziu de tebbacare e istat sèmpere a corredhu in manu leandho tebbacu Ètimu srd.

corrisverticàtu , agt Definitzione nau de pegus de bulu, chi portat is corros ispuntaos, immuciurraos.

corritédhu , nm Definitzione corru piticu; corra po sonare Sinònimos e contràrios corrichedhu / corredhu / corredha.

corritólu corriciólu

corritólu 1 carrintólu

córriu , nm Definitzione su corriare, su andhare orrumbulandho, orrumbulamentu / andhare a brínchios e a córrios, mòeresi a córrios = a tróulu, nadu in su sensu de sa lestresa Sinònimos e contràrios arrumbuladura, cadhinadura, cadhinamentu, tróulu Frases una roca est andhada a córriu Ètimu srd.

córriu 1 , agt Definitzione chi est che corria Sinònimos e contràrios corriatu Frases sas tramas mutzas o truncadas de su linu s'impreaiant pro tessire telas córrias o isfrigàtzulos (G.Addis)◊ de custu corzu córriu meda ndhe apo a fàghere unu túmbaru Ètimu srd.

corrixédhu corrichédhu

corroàre , vrb Definitzione sighire a foedhare difendhendho donniunu su pàrrere suo, fintzes abboghinare Sinònimos e contràrios abbetiae, atoliai Frases siat comente si siat, eo su chi cheres tue no lu podo fàghere, at corroadu Zuanne (Z.F.Pintore)◊ Est Pinedhu! Est Pinedhu! - corroant a cuncordu totu sos púpulos - Tradutziones Frantzesu insister pour défendre son propre opinion Ingresu to dwell on defence of his own opinion Ispagnolu obstinarse Italianu insìstere a difésa del pròprio parére Tedescu bei seiner Meinung bleiben.

corrobàca , nf: corrovaca Definitzione genia de tzintzigorru Sinònimos e contràrios babbacorra, cocoi, cocorra, croca, gioga, pissigorru 1, sicigorru, suntzorra, tabacorra Terminologia iscientìfica crp Ètimu srd.

corrocàu , nm: currucau Sinònimos e contràrios cau Frases is currucaus si allobant in sa crista de s'unda Terminologia iscientìfica pzn.

corrochinadòre , agt Definitzione chi istat a corróchinos, a boghes Ètimu srd.

corrochinadòrja , nf Definitzione logu inue s'istat a corróchinos, nau a befa o in cobertantza fintzes de sa trona Ètimu srd.

corrochinàre corrighinàre

corróchinu , nm: corrónchinu, corróghinu Definitzione boghe o tzérriu de animale, de gente, de bentu forte / prànghere a c. = a boghes, a tzérrius Sinònimos e contràrios corrinu, múghilu, órriu / boche, intzérriu, irgargu 2. arguai si sa mama no li colliat una frichinia de ite sisiat, ca ispapatabat su bichinau a corróchinos ◊ istronat in sas rocas de granitu su corróghinu mannu de terrore ◊ candho si est segherau de su chi bi fit sutzessu at cumintzau a corrónchinos ◊ cadhos de abba istant a múghidas e a corrónchinos in notes de pore 3. su bentu est a corróchinos che trabu ispojoladu e a órulos, in precas e in trocos Terminologia iscientìfica bga Ètimu srd. Tradutziones Frantzesu braiment, mugissement, hurlement Ingresu bray, moo, shout Ispagnolu rebuzno, mugido, grito Italianu ràglio, muggito, urlo Tedescu Iahen, Muhen, Schrei.