A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

incaldatzàdu , pps, agt Definitzione chi tenet caente meda, chi at pigau basca Sinònimos e contràrios acaldanadu, imbaschidu, impatiu, incalentoriu, incardurau | ctr. friscu, fritu, ifritadu Tradutziones Frantzesu échauffé Ingresu hot, become hot Ispagnolu acalorado Italianu accaldato Tedescu erhitzt.

incaldatzàre , vrb Definitzione caentare meda trebballandho, cun ccn. carda o a fogu, pigandho arrebbentu o sole meda, fintzes foedhandho cun airu Sinònimos e contràrios acardare, imbaschiri, incalentorire | ctr. sfridai Ètimu srd.

incaldigài , vrb Sinònimos e contràrios abbrigai, cardigiai, ingrujare Ètimu srd.

incalentoríre , vrb Sinònimos e contràrios acardare, imbaschiri, incaldatzare, incalurzire | ctr. sfridai Ètimu srd.

incalentoríu , pps, agt Definitzione de incalentorire Sinònimos e contràrios acaldanadu, imbaschidu, incardurau.

incalèschere , vrb Definitzione nau de unu male, impeorare, tirare a tempus longu chentza sanare Sinònimos e contràrios incruai, incrudèschere Ètimu ltn. incalescere Tradutziones Frantzesu aggraver, devenir chronique Ingresu to aggravate Ispagnolu volverse crónica una enfermedad Italianu rincrudire, diventar crònico Tedescu sich verschärfen.

incalighète , nm Sinònimos e contràrios ciarolu.

incallài , vrb Definitzione coment'e cagiare; nau de fémina, essire príngia e sighire s'ingraidéntzia Frases cun cussu pani dèu incallu sa minestra 2. sa fémina est incallendi (G.Pili) Ètimu srd.

incallàu , pps, agt: incaxadu, incaxau Definitzione de incallai; chi est coment'e cagiau, incracau, tibbiu, prenu: nau de sa terra, chi est a pomentu, calada e tostada 2. sa terra fut abarrada incallada de totu s'àcua chi iat fatu e sa crescimónia de s’ebra fut a pagu.

incallenturài , agt Definitzione intrare sa callentura; nau de fémina, disigiare ómine (e de ómine po disigiare fémina) Sinònimos e contràrios afebbrare / imbirtiolau, suadu 2. depu èssiri incallenturau: no pigu sabori a nudha! 3. ma castiai ita faint po fai incallenturai s'ómini!… 4. fillas de su dimóniu, tanti chi no sunt incallenturadas cussas féminas!… Ètimu srd.

incallenturíre , vrb Sinònimos e contràrios afrebbare, incallenturai | ctr. irfrebbare Frases su ragunu a su pegus dh'incallenturiat e sa petza canno s'iscorgiaiat si faiat de colore tanau (L.Mameli).

incallíre, incallíri , vrb: ingallire Definitzione essire tostau, a càgiu, nau de sa carre (es. in is manos po comente si trebballat); nau de gente, abbetiare, perricare Sinònimos e contràrios abbadhare / abbetiae, aperrare, ostinai, tostai Ètimu srd. Tradutziones Frantzesu rendre calleux, durcir Ingresu to make horny Ispagnolu encallecer, curtir, empedernir Italianu incallire Tedescu verhärten.

incalogliàtu , agt Definitzione nau de ccn., iscaentau, nau fintzes in su sensu chi est provandho unu sentidu forte Sinònimos e contràrios acaldanadu, imbaschidu / borborosu Frases sa carapigna vatuat friscura e cossolaiat s'ànima incalogliata in dies de calore a pore Ètimu srd.

incalorídu , pps, agt Definitzione de incalorire Sinònimos e contràrios incalogliatu 2. allegra e pasulana, sa porchedha incalorida si fit drommida in sa friscura.

incaloríre , vrb Definitzione fàere caente, fintzes bènnere in calore Sinònimos e contràrios incalurzire Ètimu srd.

incaloritzíre , vrb Definitzione iscaentare, pigare una chistione cun apentu forte e a s'airada foedhandho o faendho cosa o po calecuna cosa Sinònimos e contràrios afodogai, imberborare, iscajentare Ètimu srd. Tradutziones Frantzesu s'échauffer Ingresu to grow fervent Ispagnolu acalorarse Italianu accaldarsi, infervorarsi Tedescu sich ereifern.

incaltzonàre , vrb Definitzione pònnere o bestire is pantalones Sinònimos e contràrios acaltzonare | ctr. iscaltzonare Ètimu srd.

incàlu , nm Definitzione su buidu de sos putzos Frases su fortinu aundi si cuamus po is bombardamentus portàt una ventana a s'incalu de sa funtana po pigai s'ària.

incalurzídu , pps, agt Definitzione de incalurzire Sinònimos e contràrios acalogliatu, afoghigiau, imbaschidu.

incalurzíre , vrb Definitzione iscaentare, fàere caente meda, tènnere basca Sinònimos e contràrios acardare, imbaschiri, incaldatzare, incalorire | ctr. sfridai Ètimu srd.