A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

incaíciu , nm Definitzione su incaiciare, cosa incaiciada Sinònimos e contràrios trepoju Ètimu srd.

incainàdu , agt Definitzione chi est malu che Cainu / manu incainada = manu de unu mortore.

incalài , vrb Definitzione calare, abbasciare, in su sensu de fàere coment’e giaendhosi pagu importu, menguandho sa dignidade o s’importu chi unu tenet Sinònimos e contràrios abasciai, imbasciai, incrunai Frases po abbisóngiu mi seu dépiu incalai a genti peus de mimi.

incalamàre , vrb Definitzione pigare acalamamentu po calecuna cosa Sinònimos e contràrios abborborare, ascalamare Tradutziones Frantzesu enflammer Ingresu to impassion Ispagnolu enfervorizar Italianu infervorire, accalorarsi Tedescu sich ereifern.

incalamidàe , vrb Definitzione carrigare de magnetismu Sinònimos e contràrios calamidare Tradutziones Frantzesu aimanter Ingresu to magnetize Ispagnolu imanar, magnetizar Italianu calamitare, magnetizzare Tedescu magnetisieren.

incalamistràre , vrb Definitzione fàere improdhos Sinònimos e contràrios abbaunzare, aciarollai, aciorobedhare, afioncai, allarodhai, improdhai, inciapugliare, indrovigare Ètimu srd.

incalamistréri , agt Definitzione chi faet improdhos, cosas fatas male Sinònimos e contràrios aciapinadori, aciorodhosu, ciaputzeri, coredheri, impiasteri, improdheri, indrovigosu Ètimu srd.

incalamístru, incalamístu , nm Definitzione cosa betada apare, fata a improdhu; acapióngiu chi si faet a sa manada de su trigu messandho a manu (inghíriu de calecuna canna de trigu etotu) Sinònimos e contràrios abbunzu, calamistru, trepógliu / acàpiu, allióngiu, muciullamentu 2. a su tanti de trigu chi podit abarrai in sa manu, o mannugu, si dhi fait s'incalamistu Ètimu srd.

incalancàre , vrb Definitzione pònnere in calecuna calanca; foedhandho de animales (sórighes, margianes, bobbois), cuare in sa cala, in sa calanca Sinònimos e contràrios impelciare, imprecolare, incalare, incolonconare, ingarghilare, intergare / abbuare, atanai | ctr. essire, bocare 2. in catza at bidu pegos incalancados Ètimu srd. Tradutziones Frantzesu mettre quelque chose dans une fissure Ingresu to slip in Ispagnolu meter algo en un agujero, encavarse Italianu métter qlcs. déntro una fessura Tedescu etw. in einen Spalt stecken.

incalàre , vrb Definitzione intrare in is calas Sinònimos e contràrios incalancare, intanae Frases so istracu de istare che in presone, incaladu in su cuzone che iscoba ◊ su pische s'incalat in su poju de su riu Ètimu srd.

incalcadúra , nf Definitzione su incracare; giúmburu fatu incracandho forte Sinònimos e contràrios abbaticada, arricracada, incracada / abbugnadura, abburrutonada, ammaciugadura, buglione, burrugnone, ciumbone, tzulumbone / cdh. incalcatura Ètimu srd. Tradutziones Frantzesu compression, bosse Ingresu compression, dent Ispagnolu compresión, abolladura Italianu compressióne, ammaccatura Tedescu Druck, Beule.

incalcàre , vrb: incarcare, incascare, inchircare, incracai, incracare Definitzione ispínghere de parte de pitzu una cosa, fàere pesu in pitzu, ma fintzes istrínghere, fàere fortza; fàere cracu o fintzes bufare (o papare) meda, coment'e a istichidura, faendho prus cracu, tibbiu Sinònimos e contràrios abbarrigare, abbaticare, apretigare, calcai, crichiri, istibbire, pretare Frases s'at incalcadu sa berrita in conca ◊ si abbutonat su capoto e s'incascat su bonete in conca ◊ su gatu mi pigat su didu in buca, mússiat ma no incracat 2. comente at torradu a pròere, sos cunzados, sos pasciales, sos mandriolos si sunt torrados a incarcare d'erva ◊ chijinatas umbras s'incascant subra de sos nódidos montes (G.Fiori) 3. de binu si ndh'incarcat cantu piús podet ◊ candho sunt tirendhe gàrriga manna, sos boes incascant in tuju Ètimu srd. Tradutziones Frantzesu presser, s'épaissir Ingresu to press, to thicken Ispagnolu apretar Italianu prèmere, addensarsi, infittire Tedescu drucken, sich verdichten, dichter werden.

incalchetàre , vrb: incaschetare Definitzione incasciare o pònnere un’idea firma in conca, fintzes chentza de motivu Sinònimos e contràrios incasciae Frases si che l'at incaschetadu, como, ca depet fàghere gai, e no lu fúrrias prus dae s'idea sua! Tradutziones Frantzesu se mettre en tête Ingresu to be fixed Ispagnolu obstinarse Italianu fissarsi, inculcare Tedescu eine fixe Idee haben.

incalchiàre , vrb Sinònimos e contràrios incalchire, ammalfudhare, ammorgodhare Frases sa minestra non balet prus ca s’est incalchiada.

incalchídu , pps, agt: incrachiu Definitzione de incalchire; chi est cracu, chi dhue ndh'at meda (nau de logu, chi est prenu de linna, totu cràchiri, matedu); nau de tratamentu, chi est una cosa corale: amighéntzia incalchida = forte, manna Sinònimos e contràrios calcu, cutzu, fitu, ilgiagadu, intipidu, subélciu | ctr. làschiu, slargu Frases a ojos a su mare si pesat una fumera pídiga incalchida che nue ch'iscúrigat su die (G.M.Cherchi) Tradutziones Frantzesu épais Ingresu thick Ispagnolu denso, espeso Italianu dènso, spésso Tedescu dicht, dick.

incalchinàre , vrb: incalcinai, incalcinare, incarchinare, incarcinae, incarcinai, incarcinare, incarcinari, incartzinare, incrachinare, incracinai Definitzione betare crachina, carragiare, imbrutare de crachina, fintzes ischedrare is muros cun impastu de crachina o passare su late de sa crachina (sa prima manu) a is muros ischedraos Sinònimos e contràrios albinare, arrabbussai, arraspagliai, impalitai, impilatzare, intunigare, irrustigare / imbarchinai Frases is maistus de muru s'incarcinant totu sa bistimenta 2. seu aici totu biancu ca ci seu imbàtiu in d-unu muru incracinau ◊ incrachinant sa dommo una borta a s'annu ◊ sa coghina si incalchinat donzi annu ◊ de cantu in cantu is aposentus tocat de dhus incarcinari Ètimu srd. Tradutziones Frantzesu crépir Ingresu to plaster with lime Ispagnolu encalar Italianu incalcinare Tedescu mit Kalkmörtel bewerfen.

incalchínu , nm Definitzione pígiu de impastu cun crachina chi s'impalitat a su muru po dhu finire lisu e bene in paris, de carragiare is fartas e de pòdere istare límpiu Sinònimos e contràrios arrebbussu, ingrostu, intúnigu Frases s'incalchinu de sa domo ndh'est falendhe a bículos Ètimu srd.

incalchíre , vrb Definitzione essire cracu, tibbiu Sinònimos e contràrios incalchiare Frases sas nues si sunt incalchidas ◊ si est incalchidu su ludu comente si ch'est assutada s'abba Ètimu srd. Tradutziones Frantzesu condenser Ingresu to condense Ispagnolu condensar Italianu condensare Tedescu verdichten.

incalcinài, incalcinàre incalchinàre

incaldatzàda , nf Definitzione carda, múngia de basca Frases za l'as leada s'incaldatzada cun custu sole!…