A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

inossidàbbile, inossidàbbili , agt Definitzione nau de is metallos, chi no si óssidat, no cumbinat cun s’ossígenu.

inòxe innòce

inrédu , nm Definitzione totu su chi si cuncordat po ingannare s'àteru Sinònimos e contràrios abberintu, afrascu, cumpoltura, estremagiogu, imbelecu, imbovu, intrània, mangalofu, maragna, tarasca, tràglia, tramòglia, trampa, trapassa, trebedhu, troga Frases sos inredos los faghet su dimóniu Ètimu spn. Tradutziones Frantzesu machination, embûche Ingresu plot Ispagnolu enredo, lío Italianu insìdia, macchinazióne Tedescu Hinterlist, Intrige.

inretzài , vrb Definitzione pigare o cassare cun is arretzas

inrichíre , vrb: irrichire Definitzione fàere o essire erricu, crèschere s'errichesa, sa siendha, s'interessu; giare o aciúnghere valore meda Sinònimos e contràrios arricai | ctr. impoberire Frases su chi de s'onestade est veru amigu, mancari chi tribàgliet, no irrichit ◊ niune si est mai irrichidu dai su trabàgliu sou 2. bos irricat de prendhas su diadema! ◊ sa poesia de sos mannos nostros est unu veru sidhadu chi no devimus fuliare ma impreare pro inrichire sa manera moderna de faedhare Sambenados e Provèrbios prb: chie cheret irrichire in d-un'annu morit in bator meses Tradutziones Frantzesu s'enrichir Ingresu to get rich Ispagnolu enriquecer Italianu arricchirsi Tedescu reich werden.

insabiài, insabiàre , vrb: issabiare Definitzione callai a ciorbedhu, fàere o essire sàbios, lassare de fàere machines Sinònimos e contràrios | ctr. ammachiae, dessessire Frases una cosa aici de issu no mi dha iap’èssi mai aspetada: ma ci pentzu dèu a dhu fai insabiai! ◊ a bois cust'abba bos at issabiadu Tradutziones Frantzesu devenir raisonnable Ingresu to become sensible Ispagnolu hacerse sensato Italianu métter giudìzio, rinsavire Tedescu vernünftig werden.

insabonàda inciabonàra

insabonàdu , pps, agt Definitzione de insabonare; chi portat su sabone frigau, postu 2. làssami samunare, como, ca so issabonadu! Tradutziones Frantzesu savonné Ingresu soaped Ispagnolu jabonado Italianu insaponato Tedescu eingeseift.

insabonadúra , nf: issabonadura, issaponadura Definitzione su insabonare Sinònimos e contràrios inciabonara Ètimu srd.

insabonài, insabonàre , vrb: intzabonai, issabonare, issaponare Definitzione frigare o pònnere su sabone; nau in cobertantza, pigare a ccn. a frandhigos Sinònimos e contràrios allisai, allosingai, frandhigare, improsae, lígnere Ètimu srd. Tradutziones Frantzesu savonner Ingresu to soap Ispagnolu jabonar Italianu insaponare Tedescu einseifen.

insaboriài , vrb Definitzione giare o pònnere sabore a sa cosa Sinònimos e contràrios assainetare, issaborire | ctr. isaboriare Tradutziones Frantzesu donner de la saveur Ingresu to flavour Ispagnolu sazonar Italianu insaporire Tedescu schmackhaft machen.

insacàda , nf: issacada Definitzione cropu giau a punghidura forte cun aina puntuda e segante (in cobertantza nau fintzes de àteru) Sinònimos e contràrios abbudhada, apugnalada, ispuntorzada, istocada Frases issacadas de puntorzu, de lepa Ètimu srd.

insacadínu , agt Definitzione chi si tzacat, si segat; nau de persona, chi si ofendhet luego Sinònimos e contràrios tzacadinu Ètimu srd.

insacàdu , pps, agt: issacau Definitzione de insacare; prenu a su sacu; prenu a intibbu, bene incracau Sinònimos e contràrios istibbidu Tradutziones Frantzesu ensaché Ingresu sacked Ispagnolu ensacado, entalegado Italianu insaccato Tedescu eingesackt.

insacadúra , nf: issacadura Definitzione su insacare Ètimu srd.

insacài, insacàre , vrb: isciacare, issacare Definitzione pònnere cosa in sacos; pònnere sa cosa a issacu, a càtigu, a istibbidura po ndhe fàere càbere de prus in s'istrégiu; in cobertantza, abbudhare, púnghere (a lepa, a puntorzu)/ i. feli = pigare arrennegu, tzacu Sinònimos e contràrios assacai / abbaticare, istibbire / istichire, pònnere, tzacare Frases amus issacadu s'olia pro la zúghere a maghinare ◊ su trigu netu in s'arzola s'issacat pro che lu giúghere a bidha ◊ no as àteru impreu, petzi issachendhe néula!… 2. nche lu cheriant issacare in prejone Ètimu srd. Tradutziones Frantzesu ensacher Ingresu to sack Ispagnolu ensacar Italianu insaccare Tedescu in Säcke füllen.

insacàtu insacàdu

insachedhàre , vrb Definitzione pònnere in sachedhos Sinònimos e contràrios insacai Ètimu srd.

insaconàre , vrb Definitzione prènnere su sacone; essire che unu sacone, grassu Sinònimos e contràrios assaconare 1 Ètimu srd.

insaculàre , vrb: issaculare Definitzione su iscutulare de su carru andhandho in camminos chi dhue at pedra, fossos, chentza apagiare Sinònimos e contràrios assachitai, assaconare, irghinitare, iscutuai, nannigare, sachedhare, saidare, saigare, tzantziare Ètimu srd. Tradutziones Frantzesu ballotter, rebondir Ingresu to jolt Ispagnolu dar tumbos Italianu trabalzare Tedescu springen.