A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ischighinàre ischichinàre

ischíglia , nf: ischíllia, iscríglia, schíllia Definitzione campanedha pitichedhedha; chígula, sonàgia pitichedhedha chi si ponet a unos cantu animales apicau a tzugu mescamente a trintzilleri, a cannaca, po is festas; cun s'initziale manna (e cun s'art.), sa nódida rivista de literadura sarda chi at fundhadu Ànghelu Dettori / macu a i. = macu sinzoladu de un'ischíglia, pro l'ischire e pro si ndhe frànghere Sinònimos e contràrios caciolu, sonagiolu, trillitu / cdh. schidha Frases S'Ischíglia noa sonat pro sos amantiosos de su sardu ◊ sona, ischíglia, sona a tocos mannos! ◊ no est piús de oe chi semus a su puntu d'essire totu chin sos sonajolos, o siant sas iscríglias Terminologia iscientìfica snl Tradutziones Frantzesu grelot Ingresu cascabel Ispagnolu esquila Italianu sonàglio Tedescu Schelle.

ischigliàda , nf: ischigliata Definitzione su ischigliare, su sonare s'ischíglia, sonu, tocu de ischíglia, de campana; fintzes imbruconada, farta, cosa de criticare / ischigliatas de risu = iscracàglios Sinònimos e contràrios sonada, tocu Frases a sas dóichi ischigliatas de sa mesunote totu sa vegliutina fit abbovata a su ponte ◊ in Bosa, si unu faghiat un'ischigliada de pè fit deretu cantonadu! 2. su tocu pro unu pitzinnu est un'ischigliatedha Ètimu srd.

ischigliàdu , pps, agt Definitzione de ischigliare 1; chi est postu de ischíglia, nau de bestiàmene Sinònimos e contràrios ferradu.

ischigliàre , vrb Definitzione lampare o fèrrere atesu sa cosa a istídhigos; fintzes imbruconare Sinònimos e contràrios abbrubudhai, frofroai, ischiglionare, ischisciare 1, sbrufare, sbrufulai, strichidhai Frases s'ozu che ischígliat fora dae sa sartàina candho tzocat ◊ faghent, a s'intra-essi, chena donu, versos topos de tréighi e de noe untos, pro ischigliare, a ozuseu (Piras) 2. si fichit su batzinu a codhu, calat impresse in s'iscala, a candho ischígliat, ruet e segat su batzinu! Ètimu srd. Tradutziones Frantzesu gicler dehors, bondir dehors Ingresu to dart out Ispagnolu salir, chorrear, abantar Italianu schizzare fuòri Tedescu springen.

ischigliàre 1 , vrb Definitzione sonare s'ischíglia Sinònimos e contràrios sonai Frases si at a averare s'intentu de intèndhere custa rivista ischigliendhe a sonu istesu in totue Ètimu itl. squillare.

ischigliàre 2 , vrb Definitzione segare a ischígliu, unu pagu a istúturu, parangau a una parte Ètimu ctl. esquitllar Tradutziones Frantzesu couper de travers Ingresu to cut awry Ispagnolu sesgar Italianu tagliare, rómpere a sghimbèscio Tedescu schräg schneiden.

ischigliàta ischigliàda

ischiglionàre , vrb Sinònimos e contràrios abbrubudhai, frofroai, ischigliare, sbrufare, sbrufulai, strichidhai.

ischigliòne , nm Definitzione ispergiada manna de abba Sinònimos e contràrios ispertzada, istidhiada, spripidhu, strichidhada.

ischigliósu , agt Definitzione nau de sonu, che paret de ischíglia.

ischiglítu , nm Definitzione genia de ischíglia pitichedhedha Frases sona sona un'ischiglitu li pendhiat de su tuju.

ischígliu , nm Definitzione segada de traessu, a istúturu, parangada a una parte, fintzes línia fata de traessu ma sèmpere a un'imboe, prus bàscia a una parte (a cabu i.) Ètimu srd. Tradutziones Frantzesu coupe de travers Ingresu oblique cut (awry) Ispagnolu corte oblicuo Italianu tàglio sghémbo, oblìquo Tedescu Schrägschnitt.

ischígnere , vrb: ischínghere, iscíngere, iscíngiri, issínghere, scíngiri Definitzione pigare e bogare su bestimentu chi si portat bestiu (e prus che àteru de una parte solu): a logos est fintzes solu a si ndhe bogare su bonete, sa cicia de conca; iscíngere/iri fintzes in su sensu de iscapiare Sinònimos e contràrios irraghilare, ispogiare, spollincai, spollitai | ctr. chígnere, beltire Frases si aiat ischintu sa berrita ◊ boliat iscíngere a Cixu ca no aiat gana de pagare su bestire 2. sos fómines pro rispetu lu salutaiant ischinghènnesi (M.Dui) 3. cudh'ómini cun d-una funigedha nos iat acapiau e noso pensiaus de nosi pòdiri iscíngiri Ètimu ltn. ex + cingere Tradutziones Frantzesu déshabiller Ingresu to undress Ispagnolu desnudar, desvestir Italianu svestire Tedescu entkleiden.

ischilciàre , vrb Definitzione crepare, segare is cricos; nau de gente, èssere a dolore forte (de conca, de bentre o àteru) Sinònimos e contràrios iddoare Frases fintzas chi no sensat de budhire no li ponzas su tapu, ca ischílciat sa cuba!◊ sa carrada fit tota ildoada e ischilciada, totu a un'acumassu Ètimu srd.

ischiliàre ischeliàre

ischiliàre 1 iscerài

ischilibbràu , agt Definitzione nau de ccn., chi est tocau a conca, pagu giustu de conca.

ischilibricàre , vrb Definitzione prnl., mòvere a sedatzadura, fàere móvias prus de su necessàriu faendho cosa.

ischilibrícu , nm Definitzione movimentu a ischilibricadura Ètimu srd.