A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ischiavísmu , nm Definitzione su fàere o tènnere iscraos, gente coment'e animales, isfrutada.

ischibbulía , nf Definitzione su èssere ischíbbulu Sinònimos e contràrios àcia, botu Ètimu srd.

ischíbbulu , agt, nm Definitzione chi o chie giughet botu, chi istat sèmpere faendho e tocandho Sinònimos e contràrios discípulu / botosu 2. in sos ballos, isse daiat su passu e su tonu a su cantu cun d-unu modu ischíbbulu de abboghinare ◊ no timo sa néula chi caratzat s'orizonte e, ischíbbulu bandhuleri, mi atraet su recreu de su sole (C.Puddu)◊ candho fia ischíbbulu, babbu mi minetaiat chin sa chintolza Ètimu srd.

ischibbusàda , nf Sinònimos e contràrios archibbusada*, fosilada, iscopetada.

ischibiài ischeliàre

ischibidhàu , agt Definitzione nau de ccn., chi est a conca nua Sinònimos e contràrios iscabidhadu, illionzadu Frases avatu de sa barrita currendi ischibidhaus frastimmant afutaus.

ischicajàre , vrb Definitzione acropare a chicaju, mescamente acropare sa linna in su fogu po fàere calare braxa Sinònimos e contràrios irbraxai, ischichinare, isfadhixare, scarrabbussonai Ètimu srd.

ischichigliàre , vrb Definitzione istidhigare a foras de s'istrégiu, nau de ógiu budhindho, friendho Sinònimos e contràrios abbrubudhai, frofroai, ischigliare, ischiglionare, sbrufulai, strichidhai Ètimu srd.

ischichinàda , nf: ischiconada Definitzione su ischichinare, iscutulada, cropu Sinònimos e contràrios addobbada, arropada, bultzonada, ischisinada, scarrabbussonada Ètimu srd.

ischichinadórju , nm Definitzione orrugu de ferru po ischichinare o aconciare su fogu Sinònimos e contràrios chicàgiu Frases custu ischichinadorju fit sa canna de su fusile de mannoi Ètimu srd.

ischichinàre , vrb: ischiconare, ischighinare, ischinchinare Definitzione aconciare su fogu arrangiandhodhi is tzitzones, iscúdere a is tzitzones po che dhis orrúere sa braxa; iscúdere, giare cropos Sinònimos e contràrios achicai, assissai, atzipare, ischicajare, ischichizonare, scarrabbussonai Frases est cun su suladore ischighinanne su fogu 2. su chi navat l'aviat acatau ischichinandhe a picu ◊ sa faedhada sua ischíchinat che a truntzu de chercu!◊ cussos ischíchinant ebbia, bastet chi si fatant a timire ◊ li at ischighinadu unu corpu de fuste Ètimu srd.

ischichinàre 1 , vrb Definitzione samunare, fàere essire biancu, càndhidu, chíchinu Sinònimos e contràrios candessi, candhizare, scandèssiri, scandixai Ètimu srd.

ischichizonàre , vrb Sinònimos e contràrios ischichinare Frases est ischichizonandhe sos titones Ètimu srd.

ischiciadítu , agt: ischitzaditu Definitzione chi est modhe e faet a dh'istrecare a pódhighes, nau pruschetotu de frutos no bene lómpios (es. mendhuledhu) Sinònimos e contràrios malissu Frases custa zenia de nughe est ischitzadita Ètimu srd. Tradutziones Frantzesu mou, tendre Ingresu frail Ispagnolu mollar Italianu prèmice Tedescu zwischen den Fingern zerquetschen.

ischiconàda ischichinàda

ischiconàre ischichinàre

ischidabbabbàu , nm: ischitzabbabbau Definitzione genia de erba velenosa, pudéscia, chi narant fintzes erba ’e dente (faet su frutu coment'e una nughe totu a puntas e po cussu dhi narant puru nuxe ispinosa) Sinònimos e contràrios nugheagreste, stramóniu Terminologia iscientìfica rba, Datura stramonium Ètimu srd. Tradutziones Frantzesu herbe des magiciens, des sorcières Ingresu devil's-apple Ispagnolu estramonio, higuera del infierno, manzana espinosa Italianu stramònio Tedescu Hexenkraut, Teufelsapfel.

ischidàda , nf: iscidada, scidada Definitzione su ischidare; s'ora chi unu s'ischidat / avb. (fàere cosa) a s'i. = sendhe ischidados, a ogros abbertos; tempus, candho unu si ndhe ischidat Sinònimos e contràrios isvizúliu, scidadura | ctr. drommida Frases a s'ischidada tocat a pesare luego ca depimus tucare ◊ custos si furint dormios e a s'ischidada ant agatau apresu insoro unu burricu 2. isto pensendhe a tie a s'ischidada e a sa drommida ◊ fato sónnios a s'ischidada Ètimu srd. Tradutziones Frantzesu réveil Ingresu awakening Ispagnolu despertar Italianu risvéglio, svéglia Tedescu Erwachen, Aufwachen.

ischidàdu , pps, agt: scidau Definitzione de ischidare Sinònimos e contràrios bigiagi, izadu, schidu Frases mi ndh'ant ischidadu cussas boghes 2. su chi cant'eo essendhe dormidu tue no bi lu cantas ischidadu! (Còntene) Tradutziones Frantzesu éveillé Ingresu awake, awoken Ispagnolu despertado Italianu svéglio, svegliato Tedescu wach, aufgeweckt.

ischidàre , vrb: ischitare 1, iscidae, iscidai, ischirae, issidare, schidai Definitzione acabbare de dormire; fàere passare o leare su sonnu, cricare de èssere prus abbistos, prus atentos / ind. imp. 1ˆ p. pl. ischidaemus Sinònimos e contràrios abbeltudare, abbitzare, irvertudare, isvizuliare, sciambullai, seguzare | ctr. dormire Frases tocat a ischidare chito su manzanu pro fàghere faina ◊ l'ant drommidu pro lu operare, s'iscuru, ma no bi at ischidadu ◊ si ndh'est ischidadu assuconadu ◊ su pitzinnu pariat ischidannesinne ◊ su pipiu paret iscidandhosindhe ◊ su megnanu mi ne issidant is pudhos cantanno 2. est arrivada s'ora de ti ndhe ischidare e de mustrare sa cara! ◊ prova a ti ndhe ischidare, o terra mia: promissas e isperas no isetes! ◊ fàghedi pagos passos ca t'ischidas! Ètimu ltn. excitare Tradutziones Frantzesu réveiller Ingresu to wake up Ispagnolu despertar Italianu svegliare Tedescu wecken.