A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pagína , nf Definitzione is pàgios, is piciochedhos Sinònimos e contràrios edora, feduliu, fegliutina, piciocalla, pisedhina, pitzinnàglia.

pàgina, pàgini , nf: pàzina, pàzine Definitzione donniuna de is duas afaciadas de unu fógliu de líbburu, de cuadernu / in sa pàgina si distinghet: su frontale, sa parte de mesu, su bagantinu, su peale (candho in sa matessi pàgina si dhue ponet notas); segàreche cussa pàzine = cambiare idea, fàghere àteros contos, cambiare isetu Frases seu ligendi is pàginis de s'istória tua ◊ tue no ses ligendho: ses girandho is pàginas! 2. cussa pàzine segachela! Ètimu itl. Tradutziones Frantzesu page Ingresu page Ispagnolu página Italianu pàgina Tedescu Seite.

pagiólu, pagióru , nm: pajolu, pazolu, paxolu Definitzione genia de padedha de arràmene, larga e a costaos artos; istrégiu de maistos de muru, a costaos artos, prus largu in oros, a un'asa che is carcidas, po pigare impastu trebballandho; parte de una nave ue si ponet su càrrigu Sinònimos e contràrios cardarella, pingiaolu Frases tandho budhias che líscia in su pagiolu!…◊ su pajolu a fora zuchiat unu pódhiche de titibedhu ◊ bufaias a bruncu in sa piscina, bufaias su binu a pagiolu 2. is dotoris mi ant passau de manu in manu coment'e una gofa de barita o unu pajolu de cracina! Sambenados e Provèrbios smb: Paggiolu Terminologia iscientìfica stz Ètimu itl. Tradutziones Frantzesu chaudron, chaudière Ingresu pot Ispagnolu perol, caldero Italianu paiòlo, calderèlla Tedescu Kessel.

pagiósu , agt, nm: (pa-gio-su) palliosu pazosu Definitzione chi o chie, credendhosi meda, si giaet bàntidos chentza ndhe meritare, acostumat a bragare, a fàere braga Sinònimos e contràrios bantaditu, bantageri, blagheri, bragosu, creitosu, ispacone, ispazosu, lantariarzu, pageri, pazaghe, pazesu, pudhosu, ventulanu / cdh. padhosu, ttrs. pagliosu Frases tenet méritos de dogni calidade, ma no est pazosu ◊ su dindu pazosu altzat sa conca e tórrinat sa coda ◊ tue as presumu e ses pazosa ◊ mafiosu est chini dhi praxit a èssiri sèmpiri bèni allichidiu, unu gallosu, palliosu ◊ ndhe fit pazosa ca andhaiat rea che a sos àteros Terminologia iscientìfica ntl Ètimu srd. Tradutziones Frantzesu vaniteux Ingresu conceited Ispagnolu vanidoso Italianu vanitóso, vanaglorióso, immodèsto Tedescu eitel, selbstgefällig.

pagiósu pachiósu

pàgiu , nm Sinònimos e contràrios piciocu, pisedhu 3, picinnu.

pagliàtza , nf Definitzione banita prena de pàgia Sinònimos e contràrios sacone.

paglièta , nf Definitzione genia de capedhu de fenu intéssiu Sambenados e Provèrbios prb: acabbau su tempus de is paglietas!

pagnàda , nf: apagnada Definitzione una de is duas partes de una teulada a duas abbas / mesu p.: su mesu de una de sas duas abbas de sa cabertura Sinònimos e contràrios abbaeta, impanniada, sproidórgiu Terminologia iscientìfica dmo Ètimu ctl. panyada.

pàgnu , agt Definitzione chi est meda in pagu tretu: nau de cosa a brodu, cagiau, de sustàntzia (es. sa colostra)/ fàere p. = impagnire Sinònimos e contràrios calcu, cutzu, fitu, ilgiagadu, intipidu, subélciu | ctr. làschiu, slargu / isabbisabbi Frases a donzunu tocheit una cicherona de late budhidu e pagnu (A.Langiu).

pagónzu , agt Sinònimos e contràrios pachitzedhu, paghedhu, paghitu Ètimu srd.

pagòra , avb Definitzione pag'ora innanti de como Sinònimos e contràrios issara Frases l'apo abbojadu como pagora ◊ ch'est andhadu como pagora, no at a èssere assupridu mancu a domo ◊ dhi at donau cincu sodhus cussu chi est beniu pagora Ètimu srd.

pàgu pàcu

paguaghédhu , avb Definitzione pagu pagu, un'apenas.

paguenédhu! , iscl Definitzione foedhu chi si narat coment'e lastimandho, ma prus che àteru foedhandho a iscórriu, cun tzacu Sinònimos e contràrios pacubbene! Frases paguenedhu de cussa, no cumprendit mancu aundi est posta!

pagúra , nf: parua, paura Definitzione su tímere, su èssere o istare timendho / paura b'at!… = no bi est sa paura, no bi at de timire Sinònimos e contràrios paguria, timinzu, timoria Frases terrore e pagura ant postu raighinas in onzi tretu (P.Cosseddu)◊ fachias pagura a sa morte ◊ li est intrada, li est essida sa paura ◊ mamma est a su coro chi ndhe faghet sa paura! ◊ - Est annuendhe, fossis proet… - Paura b'at!…◊ istat oretendhe cun ispantu e parua sos bàtimos de su coro Ètimu itl. paura.

paguría , nf: pauria Definitzione su tímere / èssiri tocau de pauria = timendho Sinònimos e contràrios timinzu, timoria Frases sos oriolos pro muzere e fizos mi ponent in pauria ◊ sa presone ti faghet pauria ◊ candho tenzo gana de cantare canto chena paguria Ètimu srd.

pagurósu , agt: paurosu Definitzione chi timet, chi acostumat a tímere Sinònimos e contràrios timarosu | ctr. coragiosu Frases sa pitzinna est pagurosa e si est lassada impressionare ◊ su lione si nche abbarrabat angronau in sa gàbbia pagurosu e istasiu ◊ cussu est paurosu de s'àcua.

pàguru pàgaru

paidhàre , vrb Definitzione pausare, torrare àlidu, pigare alenu Sinònimos e contràrios pasai.