A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ràscia 2 , nf Definitzione isprugadura de bruncos, de is prumones, cosa chi s'ispudat arrasigada in su gúturu Sinònimos e contràrios carràlciu, grúspidu, iscaràsciu, ràschiu, salchedha.

rasciàda , nf Definitzione arrasigada e fintzes sa cosa chi si arrasigat Sinònimos e contràrios rasigada / rasigadura.

rasciadòre , nm: rasigadore, rasigadori, ratzigadore Definitzione bogadore de ortigu; aina chi arrasigat cosa, posta po arrasigare Sinònimos e contràrios iscrotzadore, ortigaju, irforticadore / rascàgliu 2. pro innetiare cussa cosa bi cheret su ratzigadore ◊ cun s'ossidiana sos antigos faghiant puntas de fritza, bultedhos, ratzigadores Terminologia iscientìfica prf, ans Ètimu srd.

rasciadúra , nf Definitzione su pígiu de sa cosa chi si che segat o si ndhe pigat arrasigandho Sinònimos e contràrios arrasicadura, raschiatura, ratzigadura Ètimu srd.

rasciàre , vrb: arrasciare Definitzione arrasigare su corgiolu de is matas, passare arrasigandho Sinònimos e contràrios arrasicare, iscadrapiare, ratzigare, saricare Frases in sos zassos rasciados dae sa travuntana bi falat sa bedhia ◊ a bortas sas nues current bàscias rasciendhe sa punta de sos montes.

rascinadólzu, rascinadòrza , nm, nf Definitzione logu inue si podet illascinare, fatu po illascinare o fintzes comente dhu faet s'abba chi calat in logu de monte, oe fintzes fatu apostadamente po giogare is pipios Sinònimos e contràrios fuzidorzu, iscadriadógiu, trauladorzu Frases s'ozu faghet diventare sas carrelas rascinadolzas ◊ su ciogu chi lis piaghiat de piús fit a andhare a sa rascinadorza: podiant istare oras e oras falendhe e arciendhe Ètimu srd. Tradutziones Frantzesu glissoire Ingresu slide Ispagnolu tobogán Italianu scívolo Tedescu Rutschbahn.

rascinàre , vrb Definitzione andhare a culu illàscina illàscina, illascinandho Sinònimos e contràrios allescinai, fugire, illascinare, illigigare, illiscigare, istrissinare, lascinare Frases sos ciogos cantu fiocaiat fint a làmpinas de nie, faghiamus sos muredhos de nie e rascinaiamus (S.Saba) Ètimu srd.

rascinàrzu raschinàrzu

ràsciu , nm Definitzione its, raza?, logu malu in calada meda? Frases no at de s'isperrumare fatu de sos ràscios de sos montes! ◊ est ómine de campagna nàschidu pro isalenare in custos ràscios… 2. cantas podhas de ràsciu e de chiliru, ahi cantu piúere ingullidu, cantu sonnu patidu! (Grolle).

ràsciu 1 ràscia

ràsciu 2 , nm Definitzione pulidura o arrasigadura de linna Sinònimos e contràrios berrumballa, doladura Ètimu srd.

rasciulòne , agt Definitzione chi andhat a illascinadura Frases rasciulone in cussa riba dura a bentre in susu in sa roca faleit (P.Casu)◊ su sàmbene li falaiat rasciulone in ancas Ètimu srd.

rasènte, rasènti , avb: arresenti, resente, resenti Definitzione chi est a oru a oru, agiummai atacau, acanta meda a calecuna cosa Sinònimos e contràrios serente* Frases fàmini a rasenti fait circai su pisu de sa carrubba a luxi de muntzioni Sambenados e Provèrbios smb: Rasenti.

raséri , nm Definitzione mesura po trigu, farra, sale; fintzes cannedhu po fàere a paris su laore in sa mesura Sinònimos e contràrios soma / arraidori Ètimu ctl. raser.

ràsica , nf Definitzione nau de gente, unu susuncu, arrestigu Sinònimos e contràrios craschiabbudhas, limidu.

rasicadúra , nf: arrasicadura*, rasigadura, ratzigadura, ratzicatura, risigadura Definitzione su arrasigare, manera de segare o de ndhe pigare unu pígiu de cosa; su pígiu de sa cosa chi si che segat arrasigandho Sinònimos e contràrios arrasigalla, arrasighetu, berrumballa, rasciadura, rasigamentu, ratzigadura, scraxoladura Frases sa patata, candho est apenas bogada, si podet ispizolare a rasigadura ◊ cun sa cartavetrada si allísiat sa linna faghindhe a rasigadura ◊ sa raspa est un'aina chi triballat a rasigadura ◊ custa cosa brusiada chi zughet sa padedha no ndhe andhat si no est a rasigadura a leputzedhu 2. amus fatu rasigadura de linna, de mela, de patata, de casu Tradutziones Frantzesu raclage, grattage, abrasion Ingresu scratching Ispagnolu raspadura Italianu raschiatura, abrasióne Tedescu Abschaben, Abschabsel.

rasicòne , nm Sinònimos e contràrios ràsica, limidu, soridu, susuncu Ètimu srd.

ràsicu , nm: ràsigu, rasigu, ràtzigu Definitzione cosa arrasigada, fata arrasigandho / èssere a r. = serente serente Sinònimos e contràrios rasicadura 3. agiunghet su biancu a su niedhu finas chi lu ritirant sos parentes a mata in altu e a ràtzigu de dentes! (G.Piga)◊ no tundhas a ràsicu! Ètimu srd.

rasidòre , nm Definitzione genia de lama chi is fusteris ponent po arrasigare linna Sinònimos e contràrios rasore Terminologia iscientìfica ans Tradutziones Frantzesu racloir Ingresu scraper Ispagnolu rasqueta Italianu rasièra Tedescu Holzfeile, Holzraspel.

ràsidu , agt Definitzione chi est fatu a rasu Sinònimos e contràrios rasau Tradutziones Frantzesu ras Ingresu smooth Ispagnolu raso, liso Italianu raso Tedescu glatt, flach.