A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scómputu , nm Definitzione su scomputai; su tanti chi si che bogat de una suma, de unu contu, de un'ispesa Sinònimos e contràrios iscontu, istódhia | ctr. aciunta, càrrigu Tradutziones Frantzesu décompte Ingresu subtraction Ispagnolu deducción Italianu scòmputo, detrazióne Tedescu Abzug.

scómu scòma

scomunigài , vrb: iscominicare*, scuminigai, scumunigai Definitzione betare s'iscomíniga; fàere andhare male.

scomunigassiòne , nf Sinònimos e contràrios iscomínica Frases po sa trufa de su magiore sa scomunigassione!

scomunigàu , pps, agt: iscominigadu, scorminigau Definitzione de scomunigai; chi tenet dannu fatuvatu, chi totu dhi andhat in contràriu, male Sinònimos e contràrios mabaditu / malassortadu 2. scumunigau, tui ses cundennau biu e bonu! 3. seu istétia scumunigada, cojara de bint'annus, ma gei mi est passada sa musca de candu femu bagadia!

scomuniòni , nf: iscomunione* Sinònimos e contràrios iscomínica.

sconcàda , nf: isconcada* Definitzione cropu giau cun sa conca; decisione pigada chentza istare pentzandhodhoe meda; tretu de terra chi in is terrenos abbarrat buidu a una parte e àtera Sinònimos e contràrios atumbada, istumbada / aconcada, acucada, desatinu, meleda / bacantinu, orada 2. no fatzais sconcadas! ◊ arratza de sconcada chi at fatu e immoi ndi pagat su chi ndi benit!

sconcài, sconcàri , vrb: isconcai* Definitzione su ndhe segare sa conca; fèrrere o giare cropu a conca, pistare sa conca de calecuna cosa; nau de laores chi faent ispiga, segare s'ispiga: nau de matas, segare de grughes, a isconcadura, (nau de casidhos) bogare su primu mele Sinònimos e contràrios degogliai, iscabissare, isconchedhai, istrugare / iscamurrare, scabitzai 3. chi potzu sconcari custas matas mi fatzu linna bella po su fogu.

sconcassòri , nm: isconcassone* Definitzione màchina po mòlere o pistare pedra a fàere giarra.

sconcàu , pps, agt: isconcadu Definitzione de sconcai; nau de ccn., chi est pagu giustu de conca, chi faet aconcadas macas Sinònimos e contràrios aconcaditu, aconcadore, aconcau, aconcudu, arriscadu, atreviu, conchedha, isconchedhadu, tastilau | ctr. arrechetau, cautelosu 2. pòberu sconcau, no dhu scis ca sentza de istudiai as a èssiri unu molenti e totus ti ant a pigai in giru?! Tradutziones Frantzesu téméraire Ingresu foolhardy Ispagnolu temerario, osado Italianu spericolato Tedescu leichtsinnig.

sconcetuài , vrb Definitzione discuntzetuare, fàere pèrdere su cuncetu, s'istima e idea bona chi si tenet de unu, sa bona numenada Sinònimos e contràrios allimbare, foghigiai, innorare, irfamiare, sciamai, tragagiai.

sconchedhài , vrb: isconchedhai* Definitzione pistare o segare sa conchedha de calecuna cosa; illimpiare su terrenu bogandhoche sa cotzighina de is matas o tupas po dhu pòdere semenare Sinònimos e contràrios isconcai / iscossighinare, scotzinai Frases mi seu sconchedhau su didu de su pei.

sconchedhàu , pps, agt Definitzione de sconchedhai; nau de ccn., chi portat pagu giudítziu, pagu crebedhu e faet sa cosa a sa maconatza, chentza fàere contu de su perígulu Sinònimos e contràrios arriscadu, atreviu, conchedha / cdh. scapicudhatu 2. pipiu sconchedhau: tanti gei est pagu arriscau!…

sconchedhisciàu , agt Definitzione chi est pagu giustu de conca Sinònimos e contràrios sconchedhau.

sconchiàda , nf Definitzione móvia o iscutulada de conca, mescamente de chie est dormindhosi ciciu, atumbada de conca a calecuna cosa Sinònimos e contràrios iscabitzada, iscàviu, isconchizada, sciamiada, scorrociada, tzintziricada, tzurumbecada Ètimu srd.

sconchiài, sconchinài , vrb: isconchinare* Definitzione mòvere sa conca a cropu (coment'e orruendho ainnanti), fàere isconchiadas, mescamente candho unu tenet sonnu e fintzes apostadamente po nàrrere chi eja o chi nono; istorrare a unu de fàere una cosa Sinònimos e contràrios iscabiare, tzilibbecare, tzurumbecare / scronnoriai Frases candu no est de acórdiu abarrat sconchiendi ◊ est a su scónchia scónchia, mortu de sonnu Tradutziones Frantzesu chanceler, trébucher (de la tête) Ingresu to overbalance with one's head Ispagnolu cabecear Italianu tracollare della tèsta Tedescu kippen des Kopfes beim Einnicken.

sconchidhisciàu , agt Definitzione nau de unu, chi est coment'e chentza conca, chi est conchedha, arrexonat pagu e faet cosas macas, chi no s'ischit mai ite at a fàere ca est a comente dhi meledat Sinònimos e contràrios aconcaditu, aconcau, allabentau, arriscadu, cabitedha, conchedha, sconcau Tradutziones Frantzesu imprévisible Ingresu unpredictable Ispagnolu imprevisible Italianu imprevedìbile Tedescu unberechenbar.

sconchitài , vrb Sinònimos e contràrios sconchiai Frases Generosu fait ca giai, sconchitendi tantis bortas Ètimu srd.

scónchiu , nm Definitzione genia de isfortzu pentzandho, trebballu de conca Ètimu srd.

sconciadúra , nf Definitzione su sconciai Sinònimos e contràrios iscónciu, iscunsertu, sciusciadura Ètimu srd.