A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scodinài , vrb: iscodinai*, scorinai, scudinai Definitzione fàere sonu de pedra, sonu buidu, nau de sa mola chi girat prus lestra molendho chentza granu, acabbandho, e po cussu si narat fintzes in su sensu de finire, acabbare, èssere acabbandho, ispaciandho; in cobertantza, papare impresse e meda, papare e bufare totu, o fintzes po camminare pistandho is peis, coment’e candho unu no bolet fàere cosa chi no dhi praghet e andhat tropu abbellu; scodinai si narat fintzes in su sensu de bogare de fundhu, de is arraighinas / andai scodina scodina = abbaidandho totu a inghíriu e andhandho abbellu, timendho Sinònimos e contràrios acabbae, codinai Frases lassa scodinai su discu! 2. mancai sentza de dentis at arresigau petza de procedhu e de angioni: totu scorinat!… 3. su piciochedhu, timendi a dh'arropai, est intrau scodina scodina

scódomu , agt: iscómudu*, scódumu 1, scómodu Definitzione chi andhat male, chi no benit a bene, chi giaet istrobbu o faet istare a malu ispravorzu Sinònimos e contràrios incómodu.

scodredhài , vrb Definitzione iscapiare is liòngios, is codriolas Ètimu srd. Tradutziones Frantzesu délier Ingresu to unlace Ispagnolu desatar Italianu slacciare Tedescu aufschnüren.

scodrogàda , nf: scodroncada Definitzione sinnu de bestiàmene chi si faet in s'origa, a isperradura de sa punta a mesu Sinònimos e contràrios calpida, carfia, supada.

scodrogài scadrogài

scodroncàda scodrogàda

scódumu , nm Sinònimos e contràrios scoma, scomadura Ètimu srd.

scódumu 1 scódomu

scoetài , vrb: iscoitai*, scoitai, scuetai Definitzione iscaviare sa coa, mòvere a cropu de dónnia betu; andhare a egas e a ogas comente faet su pische o su lampu; pigare s'àteru a frandhigos po si dhu fàere a sa manu, po dhu tènnere a favore / avb.: andai scoita scoita = bantzighendhe o saidendhe su culu Sinònimos e contràrios brincae, fruschinare, ischirchinare / fuire Frases su pisci aintru de sa retza scoetàt e si moviat che ànimas in pena ◊ scoetat coment'e un'anguidha ◊ no ti ndh'atzichist chi scoitant is lampus! ◊ scuetant is murenas in s'àcua de su mari ◊ scuetat su corou 2. no dhui fuat mancunu giassu acantu ci scoitai 3. totu est chi scoetist: dèu mancu ti sumu! (G.Mura) Tradutziones Frantzesu frétiller, remuer la queue Ingresu to dart, to frisk Ispagnolu deslizarse, escabullirse Italianu guizzare Tedescu schnellen.

scòfa , nf: iscofa* Sinònimos e contràrios foltuna, solte Frases sa scofa chi tenit cussu? si donat unu cràcinu a terra iscoberrit un'iscrixoxu!

scofàda , nf Definitzione fichida o cropu de pei Sinònimos e contràrios falada, fichida, puntada Frases dhu pigu a scofadas de pei! ◊ dh'at tzacau una scofad'e pei.

scofài , vrb: iscofare* Sinònimos e contràrios cadhicare, fútere, futire.

scofàu , agt: iscofadu* Definitzione chi at incapau bene meda, chi at tentu fortuna, chi dhi est andhada bene calecuna cosa Sinònimos e contràrios afoltunadu, assortadu.

scófia , nf: iscófia*, scúfia Definitzione in costúmenes de fémina, genia de careta unu pagu larga / in suspu, pigai s. = innamoràresi de ccn. Terminologia iscientìfica bst.

scofiotèra , nf Definitzione fémina chi faet scófias, scofiotus Ètimu srd.

scofiótu , nm Definitzione genia de scófia.

scogliósu , agt Definitzione nau de mare, chi est prenu de iscóllios; nau in cobertantza de àteru, prenu de dificurtades, de istrobbos 2. sa famíglia scogliosa de Fulanu si ponit in camminu e si pesat in poberesa.

scógliu , nm: iscógliu*, scólliu, scollu Definitzione logu de orroca, in mare, ue si podent fragassare o arrèschere naves e barcas; istrobbu mannu, de andhare male Sinònimos e contràrios iscolladorju / derdícia, dialgràscia Maneras de nàrrere csn: bentu in pupa… e scólli'e prua! = genia de frastimu a chini si ndi andat de mala manera; tenni scólliu = andhare innoromala Frases una borta sa tentatzioni boliat fai unu viàgiu po scolliai unu bastimentu in d-unu scólliu malu 2. scollu tengas! ◊ anca tèngiast unu scólliu: nci fais un'istocada in mesu de is peis mius!… Tradutziones Frantzesu rocher Ingresu reef Ispagnolu escollo Italianu scòglio Tedescu Fels.

scogociài , vrb: iscocotare* Definitzione bogare sa cogòcia (a sa castàngia), bogare de sa cogòcia (nau fintzes de sa natura de su mascu) Sinònimos e contràrios irragare, ischissonare, iscucudhare Frases a sa scursa scogociàt sa cugudha de sa castàngia.

scogorgiài , vrb Definitzione illimpiare bogandhoche su corgiolu Ètimu srd.