A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

splantài , vrb: isprantare*, sprantai, sprantari Definitzione consumare, distrúere o guastare sa pranta de su pei (nau de su cuadhu, pèrdere is ferros); distrúere; rfl. bènnere a malu puntu de poberesa, a s'úrtimu puntu de bisóngiu Sinònimos e contràrios destrúere / impoberire, splantellai / sciarrocai / irradichinare Maneras de nàrrere csn: s. una domu = iscontzàrendhe una domo; s. una mata = bogarendhela de raighinas, dae fundhu Frases is canis de cassa si custumant a sprantari.

splantàu , pps, agt Definitzione de splantai; chi est a malu puntu de su bisóngiu Sinònimos e contràrios ispiantadu, sprantellau 2. tengu su cuadhu splantau.

splantellài , vrb Sinònimos e contràrios impoberire, splantai.

splendidèsa , nf Definitzione su èssere bellu meda, de itesisiat.

spobiadróxu , nm: ispojoladolzu* Definitzione tretu de su tzugu ue passant is venas e artérias prus grussas Sinònimos e contràrios iggannadórgiu, pojolu 1.

spobiài , vrb: ispobiai Definitzione segare is cannas de su tzugu Sinònimos e contràrios iggannai, irgangare, ispojai, sgraguenai.

spobiài 1, spobinài , vrb Definitzione chèrrere, seberare a pobinu su pódhine de sa farra Sinònimos e contràrios spalinai, spodhinai Ètimu srd.

spobórgiu , nm Definitzione boghe, tzérriu po dolore Frases est a spobòrgius che unu missu.

spoderài , vrb Definitzione indebbilitare, leare o pèrdere is fortzas Sinònimos e contràrios acalamai, ifrachire, indebbilitai, inflachèssiri.

spoderaméntu , nm: ispoderimentu Definitzione su spoderai, su èssere ispoderaos, chentza fortzas Sinònimos e contràrios allacanadura, debbilesa, irbalesiadura Ètimu srd.

spoderàu , pps, agt Definitzione de spoderai; chi est chentza fortzas Sinònimos e contràrios débbile, disartoriadu, fiacu, infrachiu, ispossibiu, istasidu | ctr. folte Tradutziones Frantzesu débilité Ingresu weakened Ispagnolu debilitado, agotado Italianu debilitato Tedescu geschwächt.

spodhài , vrb: spodhiai, spodhicai, spudhiai Definitzione istesiare s'una de un'àtera duas cosas apicigadas apare; apèrrere calecuna cosa imbodhigada, un'imbodhigu; foedhandho de calecunu impreau in calecuna faina, fàere cun coidu, arrennèscere a batire a concruos Sinònimos e contràrios ispitzigare, istacare / ilboligare / acabbulli, atoliare, istrobillai | ctr. apodhai Frases no arrennesciat a ndi spodhai sa castiada de pitzus de cudha fémina ◊ no ndi spodheis is billetus, po praxeri! 2. is féminas in su mòri a màriga in conca parint unu frocu chi si spódhiat su mengianu ◊ spódhiat unu paperi e agò ndi pigat unu paperotedhu piticadhedhu ◊ coida dimónia, spódhia is cambas ca no ses totu a un'ossu! 3. spódhia a fuedhai sentza de bregúngia! ◊ balla ca fillu miu dhu spódhiat s'italianu! ◊ at murrungiau cun su cumpàngiu ca cussu no ndi spodhat, de sa cosa ◊ dha tenit una cida, sa televisioni, po dh'arrangiai, ma no ndi spodhat! ◊ custu est su momentu de si spodhicai! ◊ issa si fut spudhiara po fai benni s'ambulantza a nci portai a mamma a su spirali Ètimu srd. Tradutziones Frantzesu détacher, débrouiller Ingresu to unravel, to take out Ispagnolu despegar, desenredar Italianu staccare, sbrogliare Tedescu lösen.

spodhiàda , nf Definitzione su spodhiai Frases as a biri arratza de spodhiada de prallata chi nci cuncodru! Ètimu srd.

spodhiadúra , nf Definitzione pane fatu de farra chentza sedatzada, cun pódhine e cun totu Sinònimos e contràrios strípidhi Terminologia iscientìfica pne Ètimu srd. Tradutziones Frantzesu pain complet Ingresu brown bread Ispagnolu pan integral Italianu pane integrale Tedescu Vollkornbrot.

spodhiài, spodhicài spodhài

spodhinài , vrb Definitzione seberare o bogare su pódhine, faendho sa farra Sinònimos e contràrios spalinai, spobiai 1 Frases cun su seràciu si spódhinat innantis su pódhini grussu e apustis su fini Ètimu srd.

spogiài , vrb: ispogiare*, spollai, spoxai Definitzione bogare una parte de su bestimentu; furare totu sa cosa, lassare a unu chentza nudha / andai po spollai su predi = andhare a missa agabbada, tropu a discóidu, a faina fata Sinònimos e contràrios ischígnere, spollincai, spollitai / sdorrobbai | ctr. bestire, chígnere Frases ndi spollat sa tiallora po imbussai su pani ◊ beni ca ti agiudu a ti spollai! 2. ma ti ndi bolis istrobedhai: tui andas po spollai su predi!…

spogliédhu , nm, nf: ispolliedhu*, spolliedha Definitzione ispolliedhu, s'atzivu, totu su bestimentu de su pipiedhu: camisola, giponedhu, pannitzu, latzada, cambúsciu, e àteru Sinònimos e contràrios ammanitzu, ispòglia, spóliu Terminologia iscientìfica bst Tradutziones Frantzesu layette, trousseau Ingresu layette Ispagnolu canastilla Italianu corredino da neonato Tedescu Babyausstattung.

spoglítu , agt: spollitu Definitzione ispollincu nudu, chentza bestimentu in pitzu / a sa spollita = a sa nuda, nudos Sinònimos e contràrios ispógiu, nudu, spollau, spollincu | ctr. bestidu, chintu 1 Ètimu srd. Tradutziones Frantzesu nu Ingresu undressed Ispagnolu desnudo Italianu spogliato Tedescu entkleidet.

spojài , vrb: ispojai*, spolai, spoliari, spujai, spuliai, spuriai Definitzione púnghere, bochíere animale a punghidura a is cannas de su gúturu, a su coro, ma fintzes solu púnghere a lepedha Sinònimos e contràrios iggannai, irgangare, ispajolare, ispobiai, sgraguenai / istocagiare Frases unu pegus mannu innantis s'ispistidhat e apustis si spóliat ◊ si est apresiau agantu fúrinti spolandu a porcedhu ◊ chi ndi calat de sa màchina, cussu furoni, dhu spoju cun is manus mias!