A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sugàrgia, sugàrza sogàrgia

sugessionósu , agt Definitzione nau de ccn., chi est coment'e bregungiosu, duritosu Sinònimos e contràrios bergungiosu, timiditu Frases cussa no est sugessionosa: at irmurgiau in domo agena totu su chi at bólliu!◊ achíchiat foedhandu ca est sugessionosu.

sugétu , agt, nm, avb: assuzetu, súgitu, sutzetu, suzetu Definitzione chi o chie faet, podet o dhi podet capitare cosa; chi est possíbbile Sinònimos e contràrios capaci, dàbbile Maneras de nàrrere csn: bi annat sutzetu = (nadu de carchi cosa in d-un'àtera) bi andhat bene meda, zustu zustu; suzetu est, chi… (coment'e brighendhe a unu) = tanti gei!… Frases chie andhat a cadhu est sugetu a ndhe rúere ◊ sa vida nostra est meda dilicada, sempre sugeta a milli maladias (Cubeddu)◊ fiza de Antoni Farina iscas chi so, sugeta a ndhe leare ma ndhe do (Maria Farina)◊ seus totus súgitus a isbagliai ◊ cussu predicàt sa libberatzioni de sa persona de èssi súgita a s'istadu 2. su suzetu de una fràsia est su númene chi inditat chie faghet s'atzione o de chie o ite si faedhat 3. est sugetu chi pioat ◊ de curas est sugetu a ndhe fadhire su dutore puru ◊ - Si li ponet manu, custa faina che lu faghet in duas dies!… - Suzetu est…, pro sa mandronia chi tenet! ◊ suzetu est, chi ti ponzas a fàghere cosa…: no daes una manu de azudu! Ètimu itl. Tradutziones Frantzesu sujet Ingresu subject Ispagnolu sujeto Italianu soggètto Tedescu Subjekt, anfällig.

súghe súbe

sughelàte , nm Definitzione genia de pigione chi essit iscurigandho Sinònimos e contràrios istracapunteri, passalidolta, passaridroxa Terminologia iscientìfica pzn, caprimulgus europaeus Tradutziones Frantzesu tète-chèvre Ingresu goatsucker Ispagnolu chotacabras Italianu succiacapre Tedescu Ziegenmelker.

súghere súere

sughestàntu , avb Definitzione su tempus chi est in mesu de duos fatos chi benint unu innanti unu posca, inter su cuménciu e s'acabbu de unu fàere Sinònimos e contràrios debotantis, impeltantu, intere, intertantu, iscantonis, istantonis, paristantu, pestantu, tramente, trassintru, trastempus Frases sughestantu chi sa robba est paschindhe nois nos corcamus un'iscuta ◊ deo fato sos letos: tue sughestantu mundha su logu! Ètimu srd. Tradutziones Frantzesu entre-temps Ingresu meantime Ispagnolu entre tanto Italianu frattèmpo Tedescu inzwischen.

sughichèdha , nf Definitzione min. de sughe, màdria pitica, madriola Sinònimos e contràrios sughita.

sughidúra , nf: suidura Definitzione su súere Sinònimos e contràrios sughinzu, sutura Ètimu srd. Tradutziones Frantzesu succion Ingresu suction Ispagnolu succión Italianu suzióne Tedescu Ansaugen.

sughínzu , nm Sinònimos e contràrios sughidura Ètimu srd.

sughíta , nf Definitzione sue, màdria pitica Sinònimos e contràrios sughichedha.

súghita , nf: suta 2 Definitzione su súere, suciada o tirada de late a suidura Sinònimos e contràrios sughinzu Ètimu srd. Tradutziones Frantzesu tétée Ingresu suck Ispagnolu mamada Italianu poppata Tedescu Saugen.

súgitu sugétu

sugràxa solzàga

súgru, súgu, súguru , nm: (su s. = nr. sussúgru sussúgu) ciugu, itzugu, trucu*, tzúciu Definitzione parte de sa carena, su tretu de su gúturu, tra is codhos e sa conca, cunsiderau totu pínnigu: addaesegus, mola de su tzugu, addenanti gúturu Sinònimos e contràrios butuju, tzúgulu Frases cust'acidenti de funixedha a su sugu no dha possu poderai Terminologia iscientìfica crn.

sugutàre sucutàre

suguzàda , nf Definitzione su suguzare, s'ora de si ndhe pesare Sinònimos e contràrios salarzada, supuzada, zagarada / imbiatzadura Frases custu trabàgliu cheret èssere una suguzada a sos piús capatzes pro bi la sighire ◊ a sa suguzada, cras manzanu, faghimus custa faina Ètimu srd. Tradutziones Frantzesu réveil, ravivage Ingresu awakening Ispagnolu despertar Italianu risvéglio, ravvivaménto Tedescu Erwachen, Wiederaufleben.

Suguzadòra , nf Sinònimos e contràrios Istantales, Udrone Ètimu srd. Tradutziones Frantzesu constellation d'Orion Ingresu Orion (constellation) Ispagnolu constelación de Orión Italianu costellaz. d'Orióne Tedescu Das Sternbild Orions.

suguzadòrza , nf Definitzione su pàschere a denote chi faet su bestiàmene in istade, candho a dedie mériat po sa basca Sinònimos e contràrios morigada, morigadorzu Ètimu srd.

suguzàdu , pps, agt Definitzione de suguzare Sinònimos e contràrios impurdedhiu, insuau, suadu 2. l'amos dadu s'ampramanu de pòdere ammorare cun cussa cane suguzada, bastat chi issu ndhe torret a domo.