sbucaciàu , agt: ibbucaciau* Definitzione nau de ccn., iscoviadore chi no mantenet su segretu; chi est avesu a èssere de limba isfrenada, a nàrrere foedhos malos, peràulas rassas, porcarias Sinònimos e contràrios lendharzu / bucàciu / porcariarzu / cdh, scacaciatu, spútritu.
sbucàda , nf Definitzione cropu o ciafu giau a murros Sinònimos e contràrios abbruncada, irmurrada Ètimu srd.
sbucàu , agt: isbucadu* Sinònimos e contràrios sbucaciau. Maneras de nàrrere csn: cuadhu s. = forti de buca, chi no intendit frenu; cani s. = cane chi de cantu est malandhadu no at sa fortza de tènnere, de leare a mossu; gortedhu s. = irmarradu, totu marras
sbudhadúra , nf Definitzione su sbudhai; prus che àteru, genia de male, budha cédida, calada, essia fora Terminologia iscientìfica mld Ètimu srd.
sbudhài , vrb Definitzione
bogare sa bentre, su matzàmene; rfl. calare sa bentre; trans. cobèrrere (nau de s'atzione coment'e aprofitamentu, dannu, contr'a sa volontade de sa fémina)
Sinònimos e contràrios
immativuzare,
irbudhai,
irmatare,
smatzai
Ètimu
srd.
Tradutziones
Frantzesu
étriper
Ingresu
to disembowel
Ispagnolu
destripar
Italianu
sbudellare
Tedescu
ausweiden.
sbudhetài , vrb Definitzione nàrrere in giru chentza bisóngiu, fàere ischire a sa gente cosas chentza importu o fintzes de no fàere ischire Sinònimos e contràrios iscobiare, lendhare Frases est andendi a trevessu sbudhetendi totu!
sbuidadúra , nf Definitzione su sbuidai Sinònimos e contràrios illichidadura, sbuidamentu, vasiadura | ctr. prenadura Ètimu srd.
sbuidài sboriài
sbuidaméntu , nm Sinònimos e contràrios illichidadura, sbuidadura, vasiadura | ctr. prenadura Ètimu srd.
sbuidòri , nm Definitzione su èssere buidos, chentza cuntentesa mancu po àere tentu su chi si boliat Sinònimos e contràrios bodiore | ctr. pienesa Frases de sa bíncida, intamen de ndi dhi bèniri gosu, dhi fiat abarrau unu sentidu de sbuidori Ètimu srd.
sbuídu, sbúidu, sbuíu , agt: irbóidu Definitzione
chi est chentza nudha aintru; fràigu pitichedhu po dhue pònnere cosa / èssiri s. de brenti = chentza papare, famiu, a fiancos buidos
Sinònimos e contràrios
bacante,
bódiu,
líchidu 1,
tufudu,
vasiu
| ctr.
prenu
Sambenados e Provèrbios
prb:
sa brenti prena no creit a sa brenti sbuida
Ètimu
srd.
Tradutziones
Frantzesu
vide
Ingresu
empty
Ispagnolu
vacío
Italianu
vuòto
Tedescu
leer.
sbullài , vrb Sinònimos e contràrios splantai, sprantellai.
sbullitinàu , agt Definitzione chi est a bullas o coedhas de camisa fora de is pantalones, male chintu, ischintu Sinònimos e contràrios irbolloradu, ischintu, istrantzillerau Ètimu srd.
sbungiàda , nf Definitzione coment'e cropu, tzàcurru de abbungiadura Frases cussa poesia est cosa de ascurtai a sbungiadas de pidu!… Ètimu srd.
sburdellài , vrb Definitzione andhare a bagassas, a féminas Sinònimos e contràrios bagassai.
sburiài sboriài
sbúrra sbórru
sburradúra , nf Definitzione su isburrai, su cancellare cosa; fintzes sa bogada de sèmene chi faet su mascu, s'ómine Sinònimos e contràrios gantzelladura, isburrone / sburramentu Ètimu srd.
sburrài sborrài
sburrài 1 , vrb: irburrare* Definitzione bogare su sèmene, nau de s'ómine, de su mascu.