A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sciaferòtu , nm: ciafarotu* Definitzione cropu de manu giau a is trempas Sinònimos e contràrios bussinada, cabbessu, irbatulada, irbirroncu, iscantargiara, iscaputzone, istuturrone, sporsugada Tradutziones Frantzesu gifle Ingresu slap Ispagnolu bofetón Italianu ganascióne Tedescu Ohrfeige.

sciaférru , nm: tzaferre Definitzione persona àbbile a manigiare e ghiare una màchina Sinònimos e contràrios autista Frases is ministrus tenint sa màchina cun su sciaferru pagau a contu de su staru Ètimu frn. Tradutziones Frantzesu chauffeur Ingresu driver Ispagnolu chófer, conductor Italianu autista Tedescu Autofahrer.

sciafiàda , nf Frases sa fémina aguantàt a su càbudu sa gunnedha prena de farra e a dogna passu ndi bolàt una sciafiada (R.Spissu).

sciafútzu , nm Definitzione abba de samunóngiu; in cobertantza, unu de pagu giudu Sinònimos e contràrios murgunzu.

sciagài , vrb Definitzione fàere o essire sciagu, largu Sinònimos e contràrios illalgare / sciodhai | ctr. afíere Maneras de nàrrere csn: s. su feli = lassare, fàghere passare s'arrennegu; sciagaisí cun fémina = ispassaresila, catzàresi su disizu de fémina; s. su bentu = passare, sessare, asseliare su bentu Frases su lobu de suncurri est unu lobu chi sciagat ◊ si sciagant is dogas de sa carrada candu est asciuta Ètimu srd.

sciàgu , agt Definitzione nau de cosa acapiada o de acapióngiu, chi est largu, lentu, lascu: si narat fintzes de bestimentu, de trastu fatu in partes chi depent istare istrintas; nau de partes de sa carena (músculos), chi ant pérdiu sa capacidade de istare in tira, de fàere fortza, de istrínghere; nau de cosa posta, chi no est firma, chi est a su move move, pagu segura, in tàntaris; nau de persona, chi est isfacia, pedit tropu Sinònimos e contràrios abbàmbiu, làschiu, lenu / amplu, lalgu | ctr. afissu, sizidu / segretu Maneras de nàrrere csn: èssiri culu s., s. in su fuedhai = culivala, lendharzu, chi contat totu, chi no muntenet segretu, pidànciu; simingioni s. = chi che li essit su late, chi no muntenet afissu; buca sciaga = buca manna, abberta meda; tènniri a ccn. a frenu sciagu = a su chi bollit fai, chentza disciplina Frases chi no camminais in pinta, labai, dèu abarru pagu a istringi su crobu sciagu! (G.Cadeddu)◊ su carretonedhu portat is arrodas totu sciagas ◊ immoi ca seu làngiu portu s'anedhu sciagu 2. su bistiri chi ti apu fatu gei est sciagu: ti dhoi baghillas bèni ◊ is carradas de linna isbuidas in s'istadi funt sciagas po s'asciutori ◊ custus botinus funt sciagus Tradutziones Frantzesu relâché Ingresu loosened Ispagnolu flojo Italianu allentato, atònico, flòscio Tedescu gelockert.

sciàgu 1 sciàcu

sciagumèo, sciagumèu , nm Definitzione cosa, cumportamentu o atzione mala, foedhóngiu chi faet iscàndhalu, naendho male de s'àteru, bogandhodhi fogu o àteru; istare o bívere a fantzedhinu Sinònimos e contràrios iscàndhalu / infamamentu, innóriu / afancedhamentu Frases a galera custus giogus: no ndi bollu de sciagumeus!

sciài , vrb: (scià-i) sciàiri (scià-i-ri) sciari Definitzione su essire de pare de sa cosa de no abbarrare nudha intreu; fintzes su pèrdere o calare de un'istrégiu istampau / cong. 1ˆ p. sing. (chi dèu) sciatza; pps. sciatu; èssiri sciai sciai = colagola Sinònimos e contràrios ifàghere*, isciusciai, isconciare / sfai Frases calincuna dí si sciait su mundu ◊ gei fut un'ora a tzérrius, s'arratori, pariat ca si sciadiat su mundu! ◊ bosatras feis e sciadeis e dèu seu s'úrtimu a iscí is cosas ◊ est prus fàtzili chi si sciatzant su celu e sa terra prima chi arruat su prus piticu fuedhu de sa lei de Deus (Ev.) 2. sa màriga filia nci at sciatu totu s'àcua ◊ chi sa carrada sciait ndi perdeus su binu! ◊ s'àcua sciaiat de is tubbus istampaus ◊ custa miza est sciai sciai de meli! Tradutziones Frantzesu se désintégrer Ingresu to disintegrate Ispagnolu desintegrar Italianu disintegrarsi Tedescu zerfallen, sich zersetzen.

sciaidòri , agt, nm Definitzione nau de istrégiu, chi che dhi essit su chi dhu'est aintru, chi perdet, calat, sciait; nau in cobertantza de unu, chi no aguantat segretu perunu Sinònimos e contràrios falonzanu / contaredhu, iscobiante, iscoviadori, lendharzu Ètimu srd.

sciàiga , nf Definitzione genia de arretza po piscare: assimbígiat a su poígiu, ma est prus manna / is piscadores de una barca a sciàiga funt: su puperi, s'ammolladori, sa spinta, sa passéntzia, s'aggutadori Sinònimos e contràrios sciàbbiga, sciaigotu Tradutziones Frantzesu chalut Ingresu trawl Ispagnolu jábega Italianu sciàbica Tedescu Schleppnetz.

sciaigotéri , nm Definitzione piscadore a sciàiga, a sciaigotu Ètimu srd.

sciaigótu , nm Sinònimos e contràrios sciàiga.

sciaiméntu , nm Definitzione su sciàiri, su pèrdere, nau de istrégiu istampau o tzacau Ètimu srd.

sciàinu , nm Definitzione su istare o andhare a s'afaiu Sinònimos e contràrios passiu Frases is pudhas nostas funt a su sciàinu Ètimu srd.

sciàiri sciài

sciàla , nf, nm: insala*, scialla, sciallu, scialu Definitzione festa chi si cumbidat, brindhat e faet a papare e a bufare a praxere; si narat fintzes in su sensu de consumare o ispaciare tropu cosa chentza bisóngiu; a bortas cuntentesa meda puru, prexu / donai dinai a scialla = a meda, a ispèndhere totu su chi si tenet in gana Sinònimos e contràrios scialema Frases scialixedha ant fatu candu si funt cojaus!…◊ mamma est preparendi is drucis po fai sa scialla ◊ po sa festa si giau calincunu sodhu, ma bollu intrai in parti de sa scialla ◊ s'annu ant fatu sciala de procus is pòburus puru e no dhi pariat beru de èssi dónnia dí de sciala ◊ ant sighiu sa festa fadendu sciallu mannu 3. gei ndi teneis de scialla: poita seis arriendu?! Tradutziones Frantzesu fête, bombance, gaspillage Ingresu lavishness, party, exultation Ispagnolu fiesta, juerga Italianu fèsta, baldòria, tripùdio, scialo Tedescu Fest, Feier, Jubeln, Prasserei.

scialàda , nf Sinònimos e contràrios sciala Ètimu srd.

scialadòri , nm Sinònimos e contràrios scialeri Ètimu srd.

scialài , vrb: iscialai* Definitzione fàere festa, divertera, isciala Sinònimos e contràrios desogai, diveltire, spassiai, sulassai Frases bagadias, si portu sa banda po scialai! ◊ no apu mai ispéndiu po mi scialai ◊ cun custu dinai mi pigu unu capotu e s'àteru si dhu scialaus!