trémpinu , agt, nm Definitzione chi o chie torrat su dispetu, trempus, chi si ndhe pagat de un'ofesa, ma fintzes chi est tostorrudu, cónchinu, de ideas istrambecas, chi si credet meda Sinònimos e contràrios crepuru, puntigliosu, strempiosu, tremposu / badhinosu, pertocadu Frases no dias sodhu in càmbiu de lua a cussa trémpina de su buteghinu! (Mortello) Terminologia iscientìfica ntl Ètimu srd.
trempísta , agt Definitzione chi no ponet mente, sighit a fàere su chi bolet, nau prus che àteru de pipios e piciochedhos Sinònimos e contràrios atzudu, ifaciu, prepotente, prontudu Frases ma lah ca est trempista, lah, cussu piciochedhu!… Ètimu srd.
trempísu , nm: tribisu, trimpisu, tripisu Definitzione murighíngiu, murigamentu, su tribisare; in cobertantza, su sàmbene de su mese, sa purgatzioni de is féminas Sinònimos e contràrios tragúgliu / purgatzioni, regla 1 Frases sunt sempre a briga, si leant tantu tribisu e si tulmentant ◊ impessi sensadu su trimpisu 2. sa maghiarza at fatu unu misturu de anis e de trimpisu de bírghine in chida santa ◊ candho l'ant chircada a isposa non li fit galu bénnidu su primu trimpisu Ètimu srd.
trémpiu , nm: trempu Definitzione
cosa chi si faet o chi si narat po fàere dispraxere a s'àteru, genia de arrennegu, candho unu si primmat e si dha pigat po calecuna cosa chi no dhi praghet
Sinònimos e contràrios
cherpu,
dibbetu,
dispetinu,
irgarru,
istridu,
pichetu,
prefia,
strémpiu,
trémpinu
Maneras de nàrrere
csn:
fai una cosa a t. = a dirbetu, a crebu; est prenu a t. = a istibbu; a t. si bit = azummai no si biet
Frases
at pigau trémpiu e si ndi est andau ◊ in mesu a tantis tréulus e trempus, sa vida nostra puru at a passai ◊ po dhi fai calmai is trémpius ci boliant corpus!
Ètimu
srd.
Tradutziones
Frantzesu
taquinerie,
méchanceté
Ingresu
mischief
Ispagnolu
desaire,
desprecio
Italianu
dispètto
Tedescu
Bosheit.
trempixèdha trempighèdha
trempodhúciu trempadhúciu
trempodhúdu trempedhúdu
trempósu , agt Definitzione chi o chie faet trempus, dispetos Sinònimos e contràrios bizarrosu, fregnosu, testarrudu, trémpinu / crepuru, puntigliosu, strempiosu Frases cussa picioca est tranchera e tremposa Ètimu srd.
trémpu trémpiu
trempúciulu , agt Definitzione nau de ccn., chi portat trempas grassas, prenas Sinònimos e contràrios pistidhudu, trempedhudu, trempudu Ètimu srd.
trempúdu , agt Definitzione nau de ccn., chi portat trempas grassas, prenas Sinònimos e contràrios pistidhudu, trempedhudu, trempúciulu Ètimu srd.
trémua , nf Sinònimos e contràrios tramurosa, tremulea 1 Frases notesta eus cassau sa trémua Terminologia iscientìfica psc.
tremuài , vrb: tremulai,
tremulare,
trimulare Definitzione
trèmere pagu pagu, trèmere totu (po timoria, debbilesa, àteru)
Sinònimos e contràrios
trèmere,
trinicare
Frases
is istedhus trémuant impari e faint su babbaluxi ◊ aiant fatu a tempus a si che pigare a su mesu sostru tremulàndhesi che canna ◊ mi paret chi sa pitzinna apat fritu: si est tota tremulendhe ◊ che unu tilipedhe bolidendhe trímulat in chirca de sa essida (S.Baldino)◊ apenas chi sas palas at giradu, Sant'Antoni!, ndhe trímulo che canna: pariat unu cane arragioladu! ◊ bi ndh'at chi cantendhe faghent tremulare sa boghe
Ètimu
ltn.
tremulare
Tradutziones
Frantzesu
trembler
Ingresu
to quiver
Ispagnolu
temblar,
estremecerse
Italianu
tremolare
Tedescu
zittern.
tremuàlla , nf Definitzione
su istare tremendho
Sinònimos e contràrios
nànniga,
tremedhera,
trementa,
tremuledha
Frases
sa tremualla de is istedhus de su celu ◊ sa timoria dhi fait benni sa tremualla ◊ fatuvatu s'intendiat una tremualla a cambas de no podi abarrai in pei
Ètimu
srd.
Tradutziones
Frantzesu
tremblement
Ingresu
trembling
Ispagnolu
temblor
Italianu
tremolìo,
tremóre
Tedescu
Zittern.
tremuèa, tremuénu, tremuéu , nf, nm, agt: tremulea,
tremulégiu,
tremuleju,
tremulenu,
tremuleu Definitzione
su trèmere, su istare tremendho; tremuenu, tremueu fintzes chi tremet, chi istat tremendho e, nau de terrenu, chi no firmat, chi istrèmenat, chi che afundhat de cantu est modhe
Sinònimos e contràrios
trementa,
tremoia,
tremuledha
/
tremulosu,
trémulu
Frases
mi pigat sa tremuea ca seu cambas modhis ◊ m'infastidiat sa frúsia de is portas e su tremuleu de is finestrinus ◊ abarra frimu, ca mi paris in logu de tremueus! ◊ duas dies su mundhu a tremuleu: cantos ant furriadu su sentidu! ◊ mi sapo piliganu, a tremulégiu e carena istasida (F.Bechere)
2.
sas manos si sunt fatas tremuleas, sos ossos si sunt iscussertados ◊ fit chistionendhe cun faedhos tremuleos ◊ su betzu giughet tremuleas sa conca, ancas e manos ◊ de ischintidhas tremulejas pintirinadu est su chelu ◊ si est mudada sa natura a is tremueus rajus de su soli ◊ s'intendit sa boxi tremuena de calincunu ◊ si est pesada una boghe tremulena de ómine betzu
Ètimu
srd.
Tradutziones
Frantzesu
tremblement
Ingresu
quivering
Ispagnolu
temblor
Italianu
tremolìo
Tedescu
Zittern.
tremuína , nf Sinònimos e contràrios tremedhera, tremualla Frases dh'iat pigau una tremuina chi faiat mòviri totu su letu ◊ giai giai mi pigat una tremuina!…◊ cudhu pòburu pastori fiat cun is cambas a tremuina Ètimu srd.
tremuíne , nm: trumuinu Definitzione bentu maimone, fintzes moida manna Sinònimos e contràrios molinada, mommurzolu, momonissa, mummugione, torvellinu, tramúghine, tremizolu, tribizone Frases si est pesadu unu tremuine de bentu e de tremizolos chi no at lassadu téula in copertura 2. no resessiat a nche l'intènnere in mesus a cussu trumuinu Terminologia iscientìfica tpm Ètimu srd.
tremuínu , agt Definitzione chi portat sa trementa, chi est treme treme Sinònimos e contràrios tremulosu, trémulu Frases mesu intontida de su chi dhi fiat capitau, cun is cambas tremuinas sa pipia torrat a domu e contat totu a sa mama Ètimu srd.
trémula trémbula
tremulài, tremulàre tremuài