A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

trémmini trébi

trémminu , agt Definitzione chi tremet, chi paret tremendho, a trementa Frases como nos lamentamus chi su tribàgliu est pesosu, ma neunu de nois at proadu s'arte de su messadore, suta su sole trémminu de tríulas!

tremmuríscu , nm: trimmuriscu Sinònimos e contràrios cicilianu, moriscu, tridicumoriscu, trigaíndiri.

tremoía , nf: tremulia Sinònimos e contràrios tremedhera, trementa, tremuea, tremuledha Frases mi est cumentzendi a benni sa tremoia a is cambas! ◊ seu totu a tremoia a cambas de su fei chi portu! ◊ totu sa zente fit a tremulia ◊ a issa dh'afracat sa tremulia e tocat a dh'apaxiai Ètimu srd.

tremòja tramòglia

tremòre, tremòri , nm Definitzione coment'e trémia chi benit timendho, candho si timet / ghetare tremore Sinònimos e contràrios nànniga, tremedhera, trementa, tremidura, tremuledha / timoria, timinzu Frases bai chen'e tremori, perda in sa terra sarda faidí istedhu de òru! Ètimu ltn. tremore(m).

tremorósu , agt Definitzione chi totu si tremet de sa timória, chi timet, chi est de pagu coràgiu Sinònimos e contràrios cobardu, pagurosu, timarosu, timicosu, timigiolu, timizosu | ctr. atreviu, coragiosu Ètimu srd.

trèmpa , nf Definitzione logu, costera de monte in pesada meda, tretu mannu de pendhente, fintzes costau o atza de cosa prus pitica (es. de orroca, oru de letu) Sinònimos e contràrios riartzu, tèrema, trèmena, trempera, trempile Frases in sas binzas luzanas de sas trempas raspitzas de sa bida marrandhe una ghirada de patimentos deo so binnidore (G.Piga)◊ in sa trempa de una roca apo bistu vulos aggorratos ◊ sa tamàtiga antiga est totu trempas 2. at tancadu s'ortu a muru, a pala trempa Terminologia iscientìfica slg Tradutziones Frantzesu arête Ingresu rigde Ispagnolu cresta Italianu costóne Tedescu Rippe.

trèmpa 1 tèmpra

trèmpa 2 , nf Sinònimos e contràrios addobbada, arropada, bultzonada, ischisinada, isciuta, istrilla / pelea 2. pro zente de sa contomàtzia nostra no leamus trempa meda a trazare gàrrigos goi mannos.

trempàda , nf Definitzione trempa, logu largu in costa Sinònimos e contràrios costale, pala, tremenile, trempa Frases in cussa trempada dhoi crescit s'isparau a meda Terminologia iscientìfica slg Ètimu srd.

trempadhúciu , agt: trempodhúciu Definitzione chi portat trempas grassas, pruposas / luna t. = tundha, prena Sinònimos e contràrios macioci, trempedhudu, trempudu Frases ita trempodhúcia chi est, sa pipia!… Ètimu srd.

trempài, trempàle, trempàli , nm Definitzione in is aperturas (gennas), su muru a una parte e àtera, is muros de costau de s'apertura: trempale est logu a trempa, in calada, logu trotu de monte; a logos fintzes una genia de tzàpulu in is pantalones in pitzu de is benugos po afortimentu Sinònimos e contràrios antalire, cantalire, cantargiare, cosciale, istantalire / colta, palinza, trempa, trempile Frases su trempali de s'enna, de su muru ◊ su trempai de crésia mi siat testimóngiu! ◊ tirada sa genna, un’arriu de genti si nc'est iscutu a intru istrechendi costas contras a is trempalis 2. in sos trempales predosos creschet sa lua Terminologia iscientìfica dmo, slg Ètimu srd. Tradutziones Frantzesu huisserie Ingresu jamb Ispagnolu jamba Italianu stìpite Tedescu Pfosten.

trempédhu , agt Sinònimos e contràrios mafródhiu, trempedhudu, trempudu Frases est trempedhu, cussu piciocu: portat trempas de pingiada! Ètimu srd.

trempedhúdu , agt: trempodhudu Definitzione chi portat trempas grassas, prenas Sinònimos e contràrios gangosu / botoludu, mafródhiu, trempadhúciu, trempúciulu, trempudu Ètimu srd. Tradutziones Frantzesu joufflu Ingresu chubby Ispagnolu regordete Italianu paffuto Tedescu dicklich.

trempèra , nf Definitzione logu in costera, a trempa, e fintzes tretu in artu crarosu Sinònimos e contràrios costera, trempa / bica Frases portaminci aintru de sa trempera a pitzus de su mari ◊ a sa furca, a galera… a sa trempera a crocai! ◊ su mari s'iscerat craru de is tremperas de su monti Terminologia iscientìfica slg Ètimu srd.

trempídu , agt: drempidu, trimpidu, trimpiu Definitzione nau de cosa chi creschet, de matedu, de frutu, chi est bona a puntu giustu de pòdere serbire Sinònimos e contràrios compridu, ingranidu, lómpidu | ctr. agurtitu, bíciu, iscrómpiu Frases su trigu est trimpiu ◊ sa cariasa no est galu trempida Ètimu srd. Tradutziones Frantzesu mûr Ingresu ripe Ispagnolu maduro Italianu maturo Tedescu reif.

trempighèdha , nf: trempixedha Definitzione min. de trempa; min. de trempa 1, trempa de pipiu Frases a ti ndh'ammentas chi candho fis minore ti carignaiat sas trempighedhas?

trempíle , nm Definitzione logu in costa in su tretu inue faet a atza, prus a trempa Sinònimos e contràrios ratirile, riartzu, tèrema, trèmena, trempa Frases sos malos trempiles aturraos a sole, cucuzaos de chessa e de mudéciu, mi torrant a sa mente ◊ in cussu trempile bi faghet s'antunna ca bi at mudregu Terminologia iscientìfica slg Ètimu srd.

trempinósu , agt Definitzione chi trampat, ingannat; fintzes chi tenet unu fàere meledosu, comente dhi acucat, a vítziu, segundhu su bibbirriu, revessu, trotu / caminu trempinosu = trotu, malu Sinònimos e contràrios inganniosu, tramposu 2. sa neta no la podet peleare ca sa fémina est unu pagu trempinosa. Ètimu srd.