A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tzichillíta, tzichillítu tzaculítu

tzichinèta , nf Definitzione genia de giogu a cartas Ètimu itl. zecchinetta.

tzichíngiu , nm Definitzione prantu ifadosu de is piciochedhos.

tzichíre , vrb Sinònimos e contràrios istichire, pònnere, tzacare.

tzichiría , nf: sichiria, tzirichia Definitzione fenugu de margiani Frases su logu fut totu prenu de cannisoni, de tzichiria e de cardilloni ◊ mi parrit de dhu biri, iscedau, a pobidhu miu morendisí, grogu che sa tzichiria! Terminologia iscientìfica rba, Ridolfia segetum Ètimu pnc. sikkirhía Tradutziones Frantzesu aneth Ingresu dill Ispagnolu eneldo Italianu anèto Tedescu Dillfenchel.

tzichiría 1 , nf Definitzione aina po sonare Sinònimos e contràrios arranedhas, arreuledhas, forriarjola, sarraja Terminologia iscientìfica sjl.

tzichirighédhu , nm: tichirighedhu Definitzione unu tzicu pagu pagu, nau pruschetotu de cosas de bufare Sinònimos e contràrios tichichedhu.

tzichirriadítu , agt Definitzione nau de calecuna cosa chi si movet, chi tzichírriat Ètimu srd.

tzichirriadòri , agt, nm Definitzione chi tzichírriat, chi acostumat a tzichirriare (nau fintzes de cosas de papare chi tzacarrant segandhosi); genia de pigione Sinònimos e contràrios isfarinosu, tzichirriagiolu / olzale Frases papat solu pistocus tzichirriadoris Terminologia iscientìfica pzn, emberiza calandra Ètimu srd.

tzichirriadúra , nf Definitzione su tzichirriai Sinònimos e contràrios tzichirriamentu Ètimu srd.

tzichirriagiólu , agt Sinònimos e contràrios tichirriaxolu, tzirriajolu, tzichirriosu, tzirriosu Ètimu srd.

tzichirriài , vrb: cirrichiai, sirrichiai, tichirriare, tzichirriare, tzinchirriare, tzirrichiai Definitzione su sonare chi faet su linnàmene candho est isfortzau, is armas o ferramentas frigadas apare, is aperturas chi no girant bene in is grofales; nau de gente, chesciare / tzichirriai is barras = arrodar'e dentes, tzacurrare is dentes Sinònimos e contràrios abbochinare, tirriare 1, tzacarrai, tzacazare Frases is dentis mi tzichírriant in buca cument'e unu istrociarrana ◊ ant a prangi tzichirriendu is dentis ◊ in cussu logu dogna porta tzirríchiat, dognunu fumat, dognunu tzérriat… Sambenados e Provèrbios prb: sa peus roda de su carru tzichírriat Ètimu srd. Tradutziones Frantzesu grincer Ingresu to creak Ispagnolu chirriar Italianu cigolare Tedescu knarren.

tzichirriaméntu , nm Sinònimos e contràrios tzichirriadura, tzancurru Ètimu srd.

tzichirriàre tzichirriài

tzichirriólu , nm Definitzione a logos dhu narant a su tzuntzurredhu; in àteros est su tirriolu Sinònimos e contràrios alaepedhe, arratapignata, cincidedhu, satzamurredhu, terriolubedhe / carrintolu, terriolu

tzichirriósu , agt: tichirriosu*, tzirrichiosu Definitzione chi tzichírriat Sinònimos e contràrios tzichirriaditu, tzirriosu Frases su tempus dhi at postu bibbirrinas tzichirriosas in conca ◊ at a ispartzinai su boxinai tzirrichiosu de is bisus fadhius Tradutziones Frantzesu grinçant Ingresu chirping Ispagnolu chirriante, estridente Italianu stridulante Tedescu zirpend.

tzichírriu , nm: insichírriu, tichírriu, tzinchírriu, tzirríchiu Definitzione genia de sonu de linnàmene faendho isfortzu, de cosas de ferru, de ossu (is dentes), de cosa chi si movet a fortza (es. apertura, in is grofales); fintzes tzérriu forte de animale e de gente a lamentu Sinònimos e contràrios cérriu, ischéliu, tírriu, tzancurru Frases su tzichírriu de cussa nai chi sàntziat mi narat ca seus in atóngiu ◊ camminat totu a tzinchírrios cun is botinos de cromo noos! Ètimu srd. Tradutziones Frantzesu grincement Ingresu creaking, chirping Ispagnolu chirrido Italianu cigolìo, stridìo, stridóre Tedescu Knarren, Kreischen.

tzichizòne , nm: sichizone* Definitzione méndhula aortitza, bícia, chi no cumprit.

tziclísta , nm Definitzione chie andhat o curret in bicicleta.

tzicolítu tzaculítu