A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

falsidàde, falsidàdi , nf: faltzidade, fartzitate, frassidade Definition su èssere falsos, su èssere falsu de una cosa, su no torrare paris cun sa beridade Synonyms e antonyms faba, falsia, faltzidúdine, fingidura, finta.

falsificài, falsificàre , vrb Definition fàere fartzu Synonyms e antonyms trassinnai, trastocae.

falsítu falsètu

fàlsu , nm, agt: faltzu, fàrciu, farsu, fartzu, fassu, frassu 2, fratzu Definition cosa chi no est abberu ma antzis su contràriu; chi o chie ammostat o giaet a bíere o faet a cumprèndhere apostadamente su chi no est Synonyms e antonyms faba 1 / caratzanu, fingidore, fingidu | ctr. belidadi, beru / beridadosu Idioms csn: zurare in f. = giurai nendi cosas chi no funt; èssere faltzu che dinari malu, che títule, che Zudas = frassu diaderus, meda; bogare in fartzu a unu = sminciri, averguare una veridade contrària, bogare una veridade diferente de sa chi at nadu unu; pàrrere distimonzu fartzu (nadu de css. cosa) = èssere carchi cosa o de una manera chi própiu no bi andhat bene ue est; badiare a ocru frassu = castiai a culu de ogu; piu frassu = su cuartu frassu, falsu cuarteri, zenia de isperradura in s'ungra de boes e cadhos Sentences si sa notíscia dada no est faltza, calchi otava a cantare in salda rima si cheret Deu bi torro a Ghilaltza (Cubeddu)◊ fit un'ómine ingannosu, falsu e fintu ◊ sa língua tua abbruxat prus de fogu: ses unu chi at fatu giuramentu frassu ◊ a fortza de giurare in fartzu fatas finas li sunt sas manos tortas! ◊ non diant auditu a paràgulas fassas! 2. segachela cuss'arburedha de chercu in mesu de binza, chi paret distimonzu fartzu! Etymon ltn. falsus Translations French faux English false Spanish falso Italian falso German Falsche, Heuchler, falscher Mensch, falsch.

fàlta , nf: farta Definition sa responsabbilidade de unu dannu, de una cosa male fata, candho dipendhent de ccn.; su fartare, su mancare, su no dhu’èssere de una cosa o de ccn. Synonyms e antonyms crupa, elfata, fadhoca, infarta, neche, nechesa, mancànscia / dannu Idioms csn: fàghere una cosa chentza farta = a seguru, chentza mancare, itl. immancabilménte; àere o tènnere f. = àere birgonza, sentíresi afaltadu; pagu falta = agiummai, pagu mancat chi… Sentences si irballabo, fachiat finta de no si abbizare de sas fartas meas ◊ no mi la sento de lu cundennare: in isse no bi at pecadu e ne farta ◊ deo no apo poderiu a cuerrare sas fartas tuas ◊ fatesi sa promissa de intregare sas fartas mias a sa rughe pro no pecare piús 2. cussu depiat benni, ma biu chi at fatu farta ◊ su babbu fiat mortu e faiat farta a sa famíllia ancora pitia ◊ no a mie, pobidha, ma a sa bidha nostra as fatu farta (A.Casula)◊ sa mamma est sempre bizilendhe sentza li fàghere farta note e die ◊ aiat gana de ghirare ma fachiat farta pro su trivallu 3. si intras in su mare che afundhas cun sa nae sentza farta (M.Murenu)◊ benide chena falta peruna! ◊ zente che tue, chentza fartas perunas, meritat bene ebbia ◊ depeis calai sentz'e farta peruna! 4. sos irrocos tuos pagu farta mi faghent! 5. s'afitu de cust'ortu si dhu pagat su limone, pagu falta Surnames and Proverbs prb: no ghetes gurpa mai a sa fortuna: semper filu bi at de falta tua Etymon ctl., spn. Translations French faute, culpabilité English error, guilt, deficiency, fault Spanish falta, culpabilidad Italian fallo, colpevolézza, manchevolézza, deficiènza German Fehler Schuld, Fehltritt.

faltadòre , agt, nm Definition chi o chie faltat, nau prus che àteru de arma o àteru aparíciu difetosu chi negat, fartat, funtzionat male; nau de ccn., chi o chie si fadhit meda, fatuvatu Etymon srd.

faltàdu , pps, agt: faltau, fartau, fratau 1 Definition de faltare; chi tenet neghe, curpa, chi est afartau, chi si sapit de tènnere curpa Synonyms e antonyms afaltadu, faltosu / cdh. faltatu Sentences za l'as fata, beru, sa cosa chi ti apo nadu… lampu, no as fartadu!… 2. chini est faltau si salvit! ◊ fachent protzessu e cundennant o isorbent a calicunu fartau ◊ m'incontru fartada ca no apu serbiu a Deus ◊ si sunt issios a bandhiare cheret nàrrere chi s'intendhent fartaos ◊ si est bidu deretu chi fit fartau e at chircau de la secare in curtzu.

faltài, faltàre , vrb: afaltai, fartai, fartare Definition mancare, fàere farta, fàere a mancu, bènnere mancu cun neghe o curpa; fadhíresi, arregodare male Synonyms e antonyms difaltare, mancai, mentire / fadhie, ifartire Sentences no farto, como, de ch'essire a fora a leare fritu!…◊ no farto de bi andhare ca est urzente ◊ no fartes de fàghere cussa cosa, ca nos serbit! ◊ nos faltat su sole ◊ in domo noa no bi fartat nudha ◊ comente depo istare si bois mi faltades, lughe mia?! ◊ chi no usat arremédiu a su mali faltat a s'obbrigatzioni sua 2. ci as fartau, narant is cumannamentos, depes acusare ◊ a fartare mi l'imponet sa vida chi passo e perdonàdemi si bos apo fartadu, ma su veru lúmene meu est un'àteru! 3. si no farto, s'irrobbatóriu l'ant fatu oto a oe ◊ si no farto, custa tzita est cosa de pagare! Surnames and Proverbs prb: coltza sa domo chi bi faltat risu! Etymon ctl., spn. Translations French manquer, déroger English to make a mistake, to derogate Spanish faltar Italian comméttere una mancanza, derogare German verfehlen, versäumen, abweichen.

faltàu faltàdu

faltízu , nm: fastégiu, fastígiu 1, fastizu Definition genia de sufrimentu de s'ànima, ma fintzes istrobbu, ifadu, mescamente chi durat a meda / alliviare sos fastizos Synonyms e antonyms afannia, afannu, ammóniu, apensamentu, agiu, axiori, patimentu / ifadu, pertoja Sentences si pones fatu insoro ndh'essis macu cun fastizos e istragos ◊ so proendhe sos fastizos de sa pérdida de mamma ◊ che leat dae su coro onzi fastizu si est sa persona angustiada ◊ abburrit patimentos e fastizos ◊ s'amore no morit mancu in sos fastizos ◊ cussu no tenet ne fizos e ne fastizos ◊ ses meledendhe sa manera de mi pònnere in fastizu! ◊ dhi fut mortu su pobidhu e no biiat essida a custu fastígiu mannu 2. custa pudha no at dadu mai fastizu a nisciunu ◊ amus bidu mamas frundhendhe sos fizos solu pro èssere netas de fastizos (G.A.Cossu)◊ sa pudhedra si lassat ferrare chena fastizu Surnames and Proverbs prb: sos fizos sunt fastizos Etymon itl. fastiggiare Translations French gêne, ennui, souci English bother Spanish fastidio, molestia (f) Italian fastìdio, seccatura prolungata German Qual, Belästigung.

faltósu , agt: fartosu Definition chi est in curpa, chi tenet neghe, chi faet farta Synonyms e antonyms afaltadu, arreu 1 / falludheri, mentosu | ctr. innocenti Sentences mariposa chi disizas de girare, faltosa, in sa candhela! ◊ tue ses fachenne s’ala a su fartosu! Etymon srd. Translations French coupable English guilty Spanish culpable Italian colpévole, fallace German schuldig.

fàltu , agt: fartu Definition chi dhi mancat calecuna cosa / èssere f. de chervedhu = pagu giustu de conca, iscassuletadu Synonyms e antonyms brivu, mancante Etymon spn. falto.

faltzadúra , nf Definition manera de segare cosa coment'e messandho a frullana Synonyms e antonyms messadura Sentences est colada sa morte faghindhe a faltzadura Etymon srd.

fàltzas fàlsas

faltzía falsía

faltzidàde falsidàde

faltzidúdine , nf: fartzidúdine Definition sa calidade de is falsos, su èssere falsos, su fàere a cumprèndhere o giare a bíere una cosa po un'àtera Synonyms e antonyms afartzatura, falsia, falsidade, traitoria, trapaceria | ctr. singillidadi Translations French fausseté, simulation English falseness Spanish falsedad, simulación Italian falsità, simulazióne German Falschheit, Heuchelei.

faltzítu falsètu

faltzòne , nm, agt: fartzone Definition farche a fuste, aina segante a punta unchinada, curtza, a frama larga e a màniga longa, de pigare prus che àteru a duas manos, pro segare a corpadura e a tiradura / basolu fartzone = una calidade de pisu bonu meda a insalada friscu ca su corgiolu no giughet filacitu ue si aunint is perra; a fartzoninu = a zisa de fartzone Synonyms e antonyms assidadorza, cana, càvana, cirradroxa, fústina, ischirradorza, luatorja, orostazu, rultàglia, ruvadorja, urvajola Sentences in cussu fraile, su biadu, ndh'at martedhadu de faltzones, arvadas e bistrales! ◊ a che segare su rú bi cheret su fartzone 2. sas ancas dortas che frochidha las betaiat a fartzoninu (Q.Falchi) Scientific Terminology ans Etymon itl. falcione Translations French serpe, ébranchoir English billhook Spanish podadera, hocino Italian róncola German Hippe.

fàltzu fàlsu