A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

rebbécu , agt, nm: arrebbecu*, errebbecu Definition chi o chie est persona trota, mala a intrare in cuadernu, no arrexonat Synonyms e antonyms agrestosu, cravosu, rebbechesu, rebbéchinu, rebbestu, trevessu.

rebbèglia , nf Definition ispiconadura de su terrenu faendhodhu a bíngia Etymon srd.

rebbegliàre , vrb: ribbegliare, ribbellare Definition fàere barbacana, arare o segare a fundhu meda sa terra, bogare a ràglia Synonyms e antonyms scassare Sentences torra a sa terra de babbu tou, rebbègliala bene a funnu cun s'aradu! ◊ est finindhe de ribbellare unu terrinu pro lu pastinare Etymon itl. Translations French défoncer English to plough up Spanish desfondar Italian diveltare, scassare German umpflügen.

rebbellài, rebbellàre , vrb: arrebbellai Definition su si furriare contr'a ccn., mescamente contr'a chie cumandhat, o fintzes contr'a calecuna cosa, candho no si podet o no si bolet padire prus Synonyms e antonyms acumbuai, arrampedhai, arrebedhai, calchedhare, calchidare, carcinai, screnciai.

rebbèlle , agt, nm: arrabbellu, rebbellu, robbellu Definition chi o chie si fúrriat contras a chie dhu cumandhat, chi no abbarrat a dhi fàere totu su chi bolent is àteros / avb. tzapare a rebbellu = marrai coment'e torrendi acò Synonyms e antonyms arrepellu, arrepigonadu, rebelde, screnciosu / cdh. irribedhu Etymon itl. ribelle.

rebbellía , nf: arrebbellia Definition su si furriare contr'a calecuna cosa o contr'a ccn. Synonyms e antonyms ammutighinada, arrempellada, arrumpellamentu Sentences sa rebbellia sua a su maluvadu at pérdidu sa gherra e morta si ch'est ◊ sas poesias de Mereu sunt de amore e de rebbellia Translations French révolte English rebellion Spanish rebeldía, rebelión Italian rivòlta, ribellióne German Empörung, Aufruhr, Aufstand.

rebbelliòne, rebbelliòni , nf Synonyms e antonyms rebbellia.

rebbéllu rebbèlle

rebbentadúra , nf: arrebbentadura* Synonyms e antonyms arrebbentu.

rebbentài, rebbentàre , vrb: arrebbentare* Definition pigare arrebbentu, immarritzone, pelea meda Synonyms e antonyms apedatzare, iltasire, stragai | ctr. pasai Sentences cussu est unu trabballu chi rebbentat ◊ rebbentat s'animali fatighendidhu tropu.

rebbentòni , nm Definition avb. a r. = a rebbentu, cun arrebbentu, a s'arrebbentadura Synonyms e antonyms arrebbentu Etymon srd.

rebbéntu , nm: arrebbentu* Definition cadha manna, pelea meda, e fintzes genia de arrennegu chi si giaet a s'àteru Synonyms e antonyms cadha, frica, istrachidúdine, istragu, strachímini / arrebbocu / cherpu, febi.

rebbértu , agt Definition rebbestu, trotu, malu Sentences andho peri buturinos rebbertos.

rebbestèsa , nf Definition su èssere rebbestos Synonyms e antonyms rebbéstia Etymon srd.

rebbéstia , nf Definition su èssere rebbestos Synonyms e antonyms rebbestesa Sentences in gherra no at a èssere mai bastante sa rebbéstia bostra contra a sa zente inimica Etymon srd.

rebbéstu , agt: ribbestu Definition chi o chie est trotu, malu e fogosu puru faendho male Synonyms e antonyms arrebbecu, rebbéchinu, rebelde, rebessu / cdh. fultzadori Sentences siat mavele dogni fera rebbesta! (P.Casu)◊ posca de un'ora sas intragnas li creschent dae nou e su tzibbu rebbestu podet ingollopare a gustu sou ◊ cussu est falsu, ereze, rebbestu, prummonosu e triuladore! ◊ s'ànimu rebbestu at presse a si mascare de su dolore anzenu 2. ch'essit, cunzat sa gianna, piús non pasat, andhat che upa in sa note rebbesta (S.Casu) Etymon itl. rubesto Translations French violent English violent Spanish violento Italian violènto German gewalttätig, heftig.

rebbocàdu , agt Definition nau de un'erriu, chi s'abba a tropu che est essia fora de is oros e at aundhau is paris acanta Synonyms e antonyms bogadu, esciadu Etymon srd.

rebbòta , nf, nm: arrebbota, rimbota Definition papada manna, de cosa meda Synonyms e antonyms abbicónia, birrandada, ciampanella, ispuntinu, pichetada, pranzete / ttrs. ribbota Sentences ammentat curreras, catziadas, rebbotas de tusorzos ◊ balente no est chie si leat imbreacheras a sichitura, ma chie annat a una rebbota e biet solu duas tassas de vinu ◊ su mere at créfiu fàere custu rebbotu in domo sua Etymon itl. ribotta Translations French banquet, bombance English banquet, binge, guzzling Spanish comilona Italian banchétto, bisbòccia, gozzovìglia German Schwelgerei.

rebbotàre , vrb: arrebbotare Definition fàere rebbotas, prus che àteru papare a meda, genia de festa, in cumpangia Synonyms e antonyms ispuntinare, pichetai Etymon itl. ribottare Translations French gueuletonner English to banquet, to binge Spanish banquetear Italian banchettare, bisbocciare German schwelgen.

rebbotéri , agt Definition chi dhi praghet a pichetare, a fàere pichetadas cun is amigos Synonyms e antonyms birranderi, picheteri, sciaballabateri, todoneri Sentences cussu fit unu rebboteri, colabat sas dies divertíndhesi in rebbotas Etymon srd. Translations French qui aime faire bombance English marrymaker Spanish jaranero Italian bisboccióne German Schlemmer.