A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ràza 1 , nf Definition su chi abbarrat de un'orroca chi cun su tempus che calat a crantos, is orrugos de sa pedra orruta de is orrocas / pedra lada Synonyms e antonyms pendéntili, tèrema / pradera, pràdica, pràica, tèglia Sentences sa pedra, trodhulendhe dae sa raza, est andhada a fèrrere finas a su riu ◊ ite bellas sas razas de su monte ch'illuminais maestosamente! (A.Paba)◊ che l'ant giutu fintzas a sa raza de su monte pro che lu betare dae sa roca Scientific Terminology slg Translations French écroulement, escarpement English sheer drop Spanish derrumbamiento Italian scoscendiménto German Absturz.

razíle , nm Definition logu de raza Synonyms e antonyms crastarzu, pendéntili, praicàrgiu, raza 1, talloraxu Sentences dae cales isporosos raziles benies, o bentos atonzinos? Scientific Terminology slg.

razòla , nf Definition tinca de mare Scientific Terminology psc.

razòla 1 ragiòlla

razólu ragiólu

razoniéri ragioniéri

razonínu , agt Definition chi est de raza / pedra r. = chi essit a crantighedhos, chi si segat a orrugos, chi faet a raza.

ràzu ràgiu

ràzula , nf Definition genia de matraca; parte de su telàrgiu 2. arrè sas ràzulas, assenta cun passiéntzia sos istàmines e sessa custa gherra! (G.Elies)

re , nm: rei Definition in d-unos cantu istados, su capu de s'istadu, s'autoridade prus arta lassada in eréntzia de babbu a fígiu (ma, oe, de fatu, prus símbulu chi no àteru, essendho chi s'autoridade prus arta funt is parlamentos)/ min. reixedhu / Sos Tres Res (o Pasca de Sos…)= sa festa de su ses de gennàrgiu, candho si arregodat s'imbisita de tres urreis de s'orienti a su Bambinu; serbire su re = istare in presone Synonyms e antonyms gurrei, urrei Sentences re nostru fit Babbu Sardu Amsícora, Barisone, ca sa sarda nassione Deus l'at fata distinta (S.Casu)◊ sos tre Res de s'Oriente sunt partidos prontamente: un'istedhu in sa via faghet ghia cun lugore ◊ maladitu su rei ca sa leva at bogau po totu is bagadius!… 2. apenas ant ischidu sa novella, sos tres res si ponzesint in caminu (S.Meloni) Surnames and Proverbs smb: Re, Rei / prb: in bidha de tzurpus, chini portat un'ogu est rei ◊ menzus fizu de sorte chi no fizu de re ◊ in bidha sua ognunu est rei Etymon itl., spn. Translations French roi English king Spanish rey Italian re German König.

re 1 , nm Definition sonu e sinnu, sa de duas notas musicales.

rèa , nf: ria Definition atítidu chi is parentes de su mortu faent cicios a inghíriu, is parentes etotu cicios a inghíriu de su mortu, arringheraos; fintzes prantu a toroju, a tzérrios po àteru / èssere a rea = a filera, arringheraus; intrare in r. = iscurtare sa resone, adduire a sa resone, ponner mente Synonyms e antonyms rolu, teju Sentences fit fachèndhesi sa ria, pranghendhe sa sorre malassortada ◊ sunt in ria, pranghendhe ◊ sa familla in sa ria est a sucutu ca su balente no est torrau ◊ tantas caras bido totu a rea 2. in domo sas féminas sunt a ria fata pro mene ca depo partire 3. a minore li daiat carchi corpu de fuste pro lu fàghere intrare in rea Scientific Terminology sntz Translations French larmes funèbres English pain, lamentation Spanish llanto fúnebre Italian duòlo, pianto fùnebre German Klage, Totenklage.

reàle , nm: arreale* Definition moneda antiga de prata Sentences bi ndh'at chi bendhent s'onore pro unu reale!

reàle 1, reàli , agt, nf: riali Definition chi pertocat sa cosa, chi est cunforma a comente is cosas funt, chi si agatat abberu, chi est abberu; chi est de su rei, chi pertocat o apartenet a su rei; nau de unu, chi mantenet su foedhu, chi faet a si ndhe fidare; coment'e nf., sa ferrovia principale Synonyms e antonyms veru / francu, sentzillu / régiu | ctr. ifidau, traitore Idioms csn: ómine reale = sintzillu, síncheru; tempus r. = deretu, su matessi mamentu chi si faedhat o chi si faghet, chentza bi àere àteru tempus in mesu tra càusa e efetu Sentences sa prus zusta e reale, sa prima bandhera est custa! 2. cussu est un'ómini reali Etymon itl. Translations French réel, royal English real, royal Spanish real Italian reale German wirklich, tatsächlich, königlich, ehrlich.

realía , nf: arrealia*, rialia Definition su èssere contràriu, su dha tènnere contr'a calecuna cosa o a ccn., su èssere a trivas de pare, unu contr'a s'àteru Synonyms e antonyms dibbetu, prima / betiapare Idioms csn: semus a realia = a primma, no tratamus; mi at leadu a realia = mi at leadu de mala manera Sentences chena rialia no bi at gara, cantendhe a poesia.

realidàde, realidàdi , nf Definition sa cosa comente est, is cosas comente funt Translations French réalité English reality Spanish realidad Italian realtà German Wirklichkeit.

realíncu , nm Definition propiedade reale o demaniale Etymon ctl. realenc Translations French domaine de l'Etat English state property Spanish propiedad del estado Italian demànio German Domäne.

realisài, realizài, realizàre , vrb Definition fàere, fàere essire reale, fatu a cosa, a òpera, nau prus che àteru de ideas, disígios, progetos e àteru.

realmènte, realmènti , avb Definition de abberu Synonyms e antonyms veramente.

reassúmere, reassúmiri , vrb Definition nàrrere o iscríere in pagos foedhos, is cosas prus importantes, su prus necessàriu de una chistione, de un’argumentu.