A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ràza 1 , nf Definizione su chi abbarrat de un'orroca chi cun su tempus che calat a crantos, is orrugos de sa pedra orruta de is orrocas / pedra lada Sinonimi e contrari pendéntili, tèrema / pradera, pràdica, pràica, tèglia Frasi sa pedra, trodhulendhe dae sa raza, est andhada a fèrrere finas a su riu ◊ ite bellas sas razas de su monte ch'illuminais maestosamente! (A.Paba)◊ che l'ant giutu fintzas a sa raza de su monte pro che lu betare dae sa roca Terminologia scientifica slg Traduzioni Francese écroulement, escarpement Inglese sheer drop Spagnolo derrumbamiento Italiano scoscendiménto Tedesco Absturz.

razíle , nm Definizione logu de raza Sinonimi e contrari crastarzu, pendéntili, praicàrgiu, raza 1, talloraxu Frasi dae cales isporosos raziles benies, o bentos atonzinos? Terminologia scientifica slg.

razòla , nf Definizione tinca de mare Terminologia scientifica psc.

razòla 1 ragiòlla

razólu ragiólu

razoniéri ragioniéri

razonínu , agt Definizione chi est de raza / pedra r. = chi essit a crantighedhos, chi si segat a orrugos, chi faet a raza.

ràzu ràgiu

ràzula , nf Definizione genia de matraca; parte de su telàrgiu 2. arrè sas ràzulas, assenta cun passiéntzia sos istàmines e sessa custa gherra! (G.Elies)

re , nm: rei Definizione in d-unos cantu istados, su capu de s'istadu, s'autoridade prus arta lassada in eréntzia de babbu a fígiu (ma, oe, de fatu, prus símbulu chi no àteru, essendho chi s'autoridade prus arta funt is parlamentos)/ min. reixedhu / Sos Tres Res (o Pasca de Sos…)= sa festa de su ses de gennàrgiu, candho si arregodat s'imbisita de tres urreis de s'orienti a su Bambinu; serbire su re = istare in presone Sinonimi e contrari gurrei, urrei Frasi re nostru fit Babbu Sardu Amsícora, Barisone, ca sa sarda nassione Deus l'at fata distinta (S.Casu)◊ sos tre Res de s'Oriente sunt partidos prontamente: un'istedhu in sa via faghet ghia cun lugore ◊ maladitu su rei ca sa leva at bogau po totu is bagadius!… 2. apenas ant ischidu sa novella, sos tres res si ponzesint in caminu (S.Meloni) Cognomi e Proverbi smb: Re, Rei / prb: in bidha de tzurpus, chini portat un'ogu est rei ◊ menzus fizu de sorte chi no fizu de re ◊ in bidha sua ognunu est rei Etimo itl., spn. Traduzioni Francese roi Inglese king Spagnolo rey Italiano re Tedesco König.

re 1 , nm Definizione sonu e sinnu, sa de duas notas musicales.

rèa , nf: ria Definizione atítidu chi is parentes de su mortu faent cicios a inghíriu, is parentes etotu cicios a inghíriu de su mortu, arringheraos; fintzes prantu a toroju, a tzérrios po àteru / èssere a rea = a filera, arringheraus; intrare in r. = iscurtare sa resone, adduire a sa resone, ponner mente Sinonimi e contrari rolu, teju Frasi fit fachèndhesi sa ria, pranghendhe sa sorre malassortada ◊ sunt in ria, pranghendhe ◊ sa familla in sa ria est a sucutu ca su balente no est torrau ◊ tantas caras bido totu a rea 2. in domo sas féminas sunt a ria fata pro mene ca depo partire 3. a minore li daiat carchi corpu de fuste pro lu fàghere intrare in rea Terminologia scientifica sntz Traduzioni Francese larmes funèbres Inglese pain, lamentation Spagnolo llanto fúnebre Italiano duòlo, pianto fùnebre Tedesco Klage, Totenklage.

reàle , nm: arreale* Definizione moneda antiga de prata Frasi bi ndh'at chi bendhent s'onore pro unu reale!

reàle 1, reàli , agt, nf: riali Definizione chi pertocat sa cosa, chi est cunforma a comente is cosas funt, chi si agatat abberu, chi est abberu; chi est de su rei, chi pertocat o apartenet a su rei; nau de unu, chi mantenet su foedhu, chi faet a si ndhe fidare; coment'e nf., sa ferrovia principale Sinonimi e contrari veru / francu, sentzillu / régiu | ctr. ifidau, traitore Modi di dire csn: ómine reale = sintzillu, síncheru; tempus r. = deretu, su matessi mamentu chi si faedhat o chi si faghet, chentza bi àere àteru tempus in mesu tra càusa e efetu Frasi sa prus zusta e reale, sa prima bandhera est custa! 2. cussu est un'ómini reali Etimo itl. Traduzioni Francese réel, royal Inglese real, royal Spagnolo real Italiano reale Tedesco wirklich, tatsächlich, königlich, ehrlich.

realía , nf: arrealia*, rialia Definizione su èssere contràriu, su dha tènnere contr'a calecuna cosa o a ccn., su èssere a trivas de pare, unu contr'a s'àteru Sinonimi e contrari dibbetu, prima / betiapare Modi di dire csn: semus a realia = a primma, no tratamus; mi at leadu a realia = mi at leadu de mala manera Frasi chena rialia no bi at gara, cantendhe a poesia.

realidàde, realidàdi , nf Definizione sa cosa comente est, is cosas comente funt Traduzioni Francese réalité Inglese reality Spagnolo realidad Italiano realtà Tedesco Wirklichkeit.

realíncu , nm Definizione propiedade reale o demaniale Etimo ctl. realenc Traduzioni Francese domaine de l'Etat Inglese state property Spagnolo propiedad del estado Italiano demànio Tedesco Domäne.

realisài, realizài, realizàre , vrb Definizione fàere, fàere essire reale, fatu a cosa, a òpera, nau prus che àteru de ideas, disígios, progetos e àteru.

realmènte, realmènti , avb Definizione de abberu Sinonimi e contrari veramente.

reassúmere, reassúmiri , vrb Definizione nàrrere o iscríere in pagos foedhos, is cosas prus importantes, su prus necessàriu de una chistione, de un’argumentu.