Abbreviations Legenda | Symbols Legend

allampàre , vrb: allampiai, allampiare Definition apèrrere bene is ogos abbaidandho; arrennèscere a bíere o connòschere fintzes de atesu Synonyms e antonyms illampiare, ispalpedhare / allampiociare, apubai, assebeltare, bídere, iscerai, semodare Sentences giómpidu a s'incraradorza, ndh'at pódidu allampiare sos carabbineris ◊ in s'ispricu de su poju che allàmpio sa figura de mene etotu ◊ cudhos si fint girados a l’abbaidare allampiandhe sos ogos ◊ Tziu Missente, comente nos nche allampiabat, nos mutiat a nos cumbidare Etymon srd. Translations French apercevoir English to perceive Spanish divisar Italian scòrgere, intravedére German erblicken.

allampizàre , vrb: lampigiai* Synonyms e antonyms brigliai, grigliare, illampizare, illughentare, lúchere, lutzigare, prellúgiri Translations French resplendir, briller English to shine Spanish resplandecer, irradiar Italian risplèndere, mandare ràggi German strahlen.

allancài , vrb Definition pigare de mala manera, a s'airada Synonyms e antonyms abbrancai, afarcai, afarrancae, aggafai, aggarrai, aggranfare, agguantai Sentences ghetendi is farrancas a cantu poit allancat is prendhas de s'oreria ◊ agatat sa cosa, si dh'allancat e ponit in busciota ◊ chi allancu s'oreria no torru a trabballai! ◊ dus cropus de iscupeta de asegus dh'allancant Translations French attraper avidement English to catch avidly Spanish agarrar Italian afferrare avidaménte German gierig packen.

allancàre , vrb Definition su bènnere mancu de is benugos camminandho, po debbilesa, male, pecu o pesu tropu grae: si narat de àteru puru in su sensu de èssere cédiu, chentza fortzas, pèrdere fortza atrotigandho Synonyms e antonyms achinnae, annaigare, bantzicare, iscotzinare, istantonai, saidare, tambulare, tòmbere / indortigare Sentences calchi rampu allanca allanca a calchi carignu de su bentu si movet (P.Casu)◊ est caminendhe allanca allanca pro su pesu ◊ no at tentu peruna piedade pro cudhu, candho l'at bidu allancadu in terra, insambentadu e derrutu 2. sos puzones in su nie sunt morindhe de fàmine, abbaidendhe cun sos ojos allancados 3. sa nae est allanchendhe e si podet segare Translations French chanceler English to totter Spanish tambalearse Italian barcollare German schwanken.

allaputzài , vrb: allepuciae, allepuciai, alleputzai, alleputzare, alliputzai, ellepuciare Definition papare calecuna cosa, torrare in fortzas, ingrassare; bestire bene, bene cuncordaos, su si fàere bellos in contu de bestimentu Synonyms e antonyms allepuciri, arrempudhire / addinghillai, allepuritzare, arrepicai 2, assamodare, atrigliare, chinchinnare, cumpòniri, cuncodrai Sentences castit, su dotori, chi mi dha podit torrai a allaputzai sa piciochedha, ca est mesu iscòncia ◊ pensa a sa saludi: a trabballai gei andat bèni, ma innantis ti depis torrai a alleputzai! (I.Murgia) 2. poneisí is capedhus e allaputzaisí bèni! ◊ funt sannoris totu bèni allaputzaus e boint èssi serbius cun totu s'arraspetu ◊ dhui fiat genti totu alliputzara, totu infrochitara ◊ e tochit, babbai, allaputzissí ca seus in festa! Etymon srd. Translations French ragaillardir, se pomponner, se parer English to dress up to make cocky (oneself) Spanish fortalecer, acicalarse Italian rinvigorire, ringalluzzire, attillarsi German stark werden, eitel werden, sich aufputzen.

allardàre, allardiài , vrb Definition pònnere lardu, ingrassare; istidhigare su lardu allutu a sa petza orrostindho, pònnere fitas de lardu a sa petza coendho; rfl. nau de ccn., su si crèdere meda / allardàresi de una cosa = abantaisí de calincuna cosa Synonyms e antonyms illardionare, ingrassai, saginai / istedhiare, preutire, untinare Etymon srd. Translations French prendre de l'embonpoint English to fatten, to lard Spanish engordar, mechar Italian diventare pìngue, lardellare German dick werden, spicken.

allarmài, allarmàre , vrb Definition pònnere a sa lerta, in pentzamentu Synonyms e antonyms apensamentai, spantai Translations French alarmer English to alarm Spanish alarmar Italian allarmare German alarmieren.

allartzanài , vrb: allatzanai Definition igragalare, nau de erbas segadas o patindho asciutore po farta de abba Synonyms e antonyms acalabiare, acalamai, addormicare, agurgire, allacanae, allizare, ammustiai, arruncionire, artanare, calaginare, carigai, caugai Sentences sa fà frisca lassada sentza de coi si allàtzanat ◊ is froris bodhius de diora si allàtzanant 2. si allàtzanant is bisus puru! Translations French se flétrir English to wither Spanish marchitar Italian avvizzire German welken.

allatàe, allatài , vrb: allatare Definition giare su late, sa tita, giare o pònnere a súere, nau prus che àteru de gente e de animales ma si narat fintzes de mata in su sensu de giare sustentu, giare s'abba chi sa mata suspit cun is arraighinas); nau de funtana, pigare s'abba de aterue (erriu, lagu) Synonyms e antonyms inconai / amedhigare, ammamare, ammammarizare, gamedhigare | ctr. istitai Sentences is trexi fillus dhus iat fatus Assunta, e issa dhus iat allataus e créscius ◊ si sa mama no portat late, si cricat un'àtera mama chi est allatandho ◊ babbu aiat chirriadu un'anzonedhu copiolu ca s'erveghe duos non los podiat allatare ◊ pícache chin tecus custu pipiu e allàtalu! ◊ s’ebba est allatandhe su pudhedru 2. fintzas su sèmini malu, si pagu pagu dh'allatas, est prontu a pigai! Etymon srd. Translations French allaiter English to nurse Spanish amamantar Italian allattare German stillen.

allatzàre , vrb Definition imbodhigare a istrintu passandho totu a inghíriu Synonyms e antonyms abbarbigare, inchínghere Sentences andho chirchendhe ratos de àrvures birdes pro mi allatzare che a sa edra (M.Portas) Translations French se cramponner, s'enrouler English to cling Spanish abrazarse, estrecharse Italian avvinghiarsi German sich anklammern.

alleàre , vrb: alliai 1 Definition fàere un'acórdiu po si pònnere impare po calecunu iscopu Synonyms e antonyms alloedhae Translations French allier English to form an alliance Spanish aliar Italian alleare German verbinden.

allebiàe, allebiài, allebiàre , vrb: alleviare Definition fàere prus lébiu unu dolore, una pena, fintzes unu pesu Synonyms e antonyms abbacai, abblandai, achedare, aliviai, alixerai, allenire, apachiare, apasaogare, asselenare, asseliare, assussegai, illebiare, illenare / illezerigare | ctr. ingrajai, peorare Sentences portant gràtzias e consolu po allebiai dogna mali ◊ alleviare sa tribbulia, allebiare sos turmentos ◊ iscàvula làmbrigas de iscioru, allebiadí sa cuscéntzia de su malu iscinitzu! Translations French soulager English to relieve, to comfort Spanish aliviar Italian alleviare, risollevare German lindern, mildern.

allebigiàre , vrb: allebizare, allepizare, allibizare Definition nau de erbas, pèrdere s'abba, asciutare sicandhosi; fintzes asciutare Synonyms e antonyms acalamai, allacanae, allizare, ammalmiare, assichillonai, calighinare, igragalare, illebizare, illizare, marciulari, pansiri / abbentai 1, asciutai Sentences custu bentu de sole no li at allibizadu sa foza ◊ undhas de prumu ant allepizau su lentíschinu 2. sa sartitza si allibizat posta in bértigas Translations French se faner, se flétrir English to fade Spanish marchitarse, ajarse Italian appassire German verwelken.

allecàre , vrb: allegae, allegai, allegare Definition foedhare bastat chi siat, foedhare de calecuna chistione, fintzes nàrrere / allegai a limba pérdia = in manera chi no si ndhe cumprendhet nudha Synonyms e antonyms arragionare, chiltionare, cuntrastare, faedhare, negossare | ctr. cagliare, citire Sentences cussu piciochedhu allegat su tedescu ◊ allegat bèni, sa sinniora! ◊ de custu soe allegandudendhe solu cun tui ◊ candho nos intendhiat alleghendhe in sardu, su mastru nos daiat tres atzotadas 2. su chi amus allegau mantènelu in su coro! Surnames and Proverbs prb: chie est sàviu meda allegat pagu Translations French discuter English to argue, to talk Spanish hablar, discutir Italian discórrere, argomentare German reden, argumentieren.

allegorizàre , vrb Definition foedhare in cobertantza Synonyms e antonyms irbartzigare Translations French allégoriser English to allegorize Spanish alegorizar Italian allegorizzare German allegorisieren.

allegràre , vrb: allergare, alligrai, alligrare, allirgai Definition provare o giare cuntentesa: candho si narat a s'àteru, bolet nàrrere fintzes chi si dhi giaet a bíere coment'e a bàntidu po calecuna cosa de bonu o de bellu chi at fatu; si narat fintzes in su sensu de pàrrere o essire prus biu, prus bellu / allegrare su passu, un'aina triballendhe = andai prus allestru, fai prus debressi, acradiare Synonyms e antonyms aggajare 1, cuntentai, frogare, gavisare, prexai / allegrutzare | ctr. asseriai, dispiàchere, intristai Sentences si ndh'est allegradu candho at intesu chi sa cosa fit andhada bene ◊ no mi potzu allirgai ca ses lontanu! 2. e nachi ti che ses laureadu: mi ndhe allegro! ◊ mi ndhe allegro meda: su menzus ses resurtadu tue! 3. cussa próida at allegradu sas àrbures, sinono fint patindhe ◊ allègrala cussa messadorza, chi mi pares drommidu! Etymon itl. allegrare Translations French égayer, féliciter English to congratulate, to cheer up Spanish alegrar, felicitarse Italian rallegrare, allietare, esultare, congratularsi German erfreuen, sich freuen, gratulieren.

allejàre , vrb Definition illebiare, fàere prus lena o lébia una pena, una suferéntzia Synonyms e antonyms abblandai, aliviai, alixerai, allebiae, allenare, asseliare, assussegai, illebiare Sentences bois, Deus de piedu, dazemila sa morte a mi allejare s'agonia! ◊ canto pro mi allejare carchi anneu ◊ tocos nobales de arruchidas campanas allejant làgrimas e isperas Etymon srd. Translations French calmer, adoucir English to soothe Spanish aliviar Italian lenire German lindern.

alleltzàre , vrb: allentzai, allentzare Definition pònnere a prumu, a lentza, fintzas pònnere cosa a filera dereta; pigare sa míria Synonyms e antonyms ammeriare 1 Etymon srd. Translations French aligner English to plumb Spanish aplomar, alinear Italian méttere a piómbo, allineare German abloten.

allenàre , vrb: alleniare Definition fàere prus lena una cosa forte, mescamente una suferéntzia; lassare lasca una cosa tirada, una cosa càdria / a. sa voche = abbasciai sa boxi; a. s’andhera = andai prus abbellu Synonyms e antonyms abbacai, abblandai, abbonantzai, allebiae, allenire, apachiare, apasaogare, asselenare, assussegai, illebiare, illenare / abbambiai 1, aflusciai, allentai, iscanzare | ctr. acadriare, apretai, incrispai Sentences nàdeli goi ca li allenat su dolore! ◊ pro cantu podes su patire allena! ◊ su sole allenat sa calura a s'intirinada ◊ gasi isciopesit pro tantu penare isfoghendhe in piantos e lamentos chi sa boghe deveit allenare ◊ cun custa cura sos dolores mi ant allenadu 2. a boltas mi alleno sa chintolza ◊ si lis allenas aizu sa fune frazant totu! ◊ a pagu a pagu si allenat s'andhonzu (P.Casu) 3. allena sa gianna! Etymon srd. Translations French adoucir, apaiser, affaiblir English to diminish, to soothe Spanish mitigar, aliviar Italian mitigare, lenire, affievolire German mildern, lindern, schwächen.

allenàre 1 , vrb Definition fàere allenamentos, pònnere abbitúdine a isfortzos mannos Synonyms e antonyms abbetuare Translations French entraîner English to train Spanish entrenar Italian allenare German trainieren.

«« Search again