Abbreviations Legenda | Symbols Legend

alloredhài , vrb rfl Definition bestire a s'abbunzina, a improdhu Etymon srd. Translations French se fringuer, se nipper English to dress up slovenly Spanish vestirse mal Italian vestirsi in mòdo pòco elegante German sich schlecht anziehen.

alloricàre , vrb: allorigae, allorigai, allorigare, loricare Definition fàere o essire a una lóriga, a lórigas, a tzirbisas / allorigare su porcu = pònnere sa lóriga in su murru, afiliverrare Synonyms e antonyms acocolitai, ammurutulare, aprigare, fortzicare | ctr. illorigare, istirare Sentences cuss'animale allórigat sa coa ◊ cussa camisa si no la remonis bene si allórigat e cheret prantzada ◊ cudhos imbriagos pigant sa pitzinnedha e li allórigant sas palas cun sos bratzos ◊ no dha pighis aici, sa funi, ca si allórigat totu! Etymon srd. Translations French harponner, entortiller English to retwist, to curl Spanish ensortijar, arrugar Italian arroncigliolare German hakenförmig krümmen, sich krümmen.

alloricàu , pps, agt: allorigadu, lorigadu Definition de alloricare; chi est fatu a lóriga, a unu túturu / allorigadu che unu nodu moltu = fatu a unu gantzu, própriu a lóriga Synonyms e antonyms anedhadu, aprigadu, fronziu, ingruciupidu | ctr. istiradu 2. tra fàmine e fritu, allorigadu a unu gantzitu at a mòrrere in sa tana ◊ oji niedha e pili allorigada, fintzas in su faedhare zeniosa Translations French ridé, flétri English to wrinkle (up) Spanish arrugado Italian raggrinzito German runzelig.

allorichitàre , vrb: allorighitare, lorichitare Definition fàere o essire a lorighedhas, a tzirollos (cricos) pitichedhos, nau mescamente de is pilos Synonyms e antonyms anedhai, arrullai, eritzare, frisai, incincinnare, riciulare | ctr. istirare Etymon srd. Translations French friser English to form into curls Spanish ensortijar Italian arricciolare, fare i bóccoli German kräuseln.

allorimmedhàre , vrb: allorumedhare Definition fàere a lómboru, (nau de filu o cosas deasi), fàere a ballotas (nau de farra); in cobertantza, pinnigare, pigare a s'isfacia, a trassa, ma fintzes istare a s'atrollada cun ccn. Synonyms e antonyms aggromare, aggromerare, aggromeredhare, allomborae, arrombulonai, arromulare, tròbere / acoconare Sentences fintzas a s'incràs manzanu su cane si allorimmedhat in d-un'oredhu aisetandhe sa mere 2. chirca de no ti che l'allorimmedhare, a cussu, ca no ti lu catzas prus! ◊ Pedru ch'est allorimmedhadu cun Tatanu ◊ su batu si est allorumedhadu in cue Etymon srd. Translations French pelotonner, tortiller, enrouler English to wrinkle, to twist Spanish ovillar, retorcer Italian aggomitolare, attorcigliare German aufwickeln.

alloroscàre , vrb Definition apedhare meda, aira, cun arrennegu; abboghinare, pigare a boghes cun arrennegu, èssere arrennegau Synonyms e antonyms achibberare, inchibberare, inchimerai, picai 3 / allororoscare, apedhae, atocare, aciaulai, baulai, imbauai, inciauai Etymon srd. Translations French aboyer rageusement, piquer English to bark furiously, to offend Spanish ladrar con rabia, estar mosqueado Italian abbaiare rabbiosaménte, impermalire German wütend bellen, aufreizen.

allosài , vrb: losai Definition istèrrere o fàere pomentu o orruga a losas, a pedras ladas Synonyms e antonyms allastricai, arrazolare, intellai Etymon spn. alosar Translations French paver English to pave Spanish enlosar, empedrar Italian lastricare German pflastern.

allosingài , vrb: allusingai, allusingare, losingai* Definition pigare a losingas, a frandhigos, siat po ammodhigare s'àteru o fintzes po si dhu fàere a sa manu Synonyms e antonyms solingai / allisai, frandhigare, imbrimbinai, improsae, insabonai, lígnere Translations French flatter English to flatter Spanish lisonjear Italian lusingare, adulare, blandire German verlocken, schmeicheln.

alluaciài , vrb Definition prènnere o cundhire su logu, s'aera, is abbas de luàciu, de velenos o cosas chi noghent Synonyms e antonyms alluae, impestai, toscare Etymon srd. Translations French polluer English to pollute Spanish envenenar Italian inquinare German vergiften.

alluàe, alluài, alluàre , vrb: luai* Definition betare (a s’abba) sa lua, su velenu chi faet sa tupighedha de custu númene: bochit su pische; nau in cobertantza po gente, atontare Synonyms e antonyms atoscai, atossicai Sentences po piscai ant alluau is barrocus Translations French éblouir English to hallucinate Spanish alucinar, envenenar Italian allucinare, avvelenare German täuschen, vergiften.

alluchetàre , vrb: alluchitae, alluchitai Definition meighinare su binu cun su tzúrfuru o luchitu allutu po abbarrare bonu; nau in cobertantza, imbriagare Synonyms e antonyms insulfarare, zorfare / alluae, imbriagare 2. lu bidiat alluchetau, cudhu zòbanu ◊ canno sont totu alluchetatos bi la mertzant a cantare ◊ sas ispuntatas de pede t'istronant sa chervedhera, ti alluchetant sos ocros Etymon srd. Translations French soufrer, sulfurer English to sulphur Spanish azufrar Italian solforare German schwefeln.

alludài , vrb: ludai* Definition intrare su carru cun is boes a mare Synonyms e antonyms impogiare, impischinare Translations French envaser, s'enliser English to swamp Spanish atascarse, sonrodarse Italian impantanare German im Schlamm versinken.

allúere , vrb: allúghere, allui, allúiri, alluri, allúxiri Definition fàere cumenciare a tènnere (su fogu), a giare lughe (una lampadina): nau de ccn., chi luego si leat arrennegu / pps. allúghidu, allutu Synonyms e antonyms achèndhere, allumae, atzèndhere, incèndhere | ctr. bochire, studai Idioms csn: allúghere sa fatza a iscavanadas = pigai a bussinadas a faci; allúiri a unu = bogai fogu, nàrrere male de unu, bogàreli cosas chi no sunt Sentences allughe sa lampadina ca semus a s'iscuru! ◊ su manzanu in zerru sa prima cosa est de allúghere su fogu ◊ su fogu no alluit, no pigat pampa ◊ depis alluri su fogu po cori sa cosa 2. ti allugo sa fatza a iscavanadas, si no mi l'agabbas! ◊ chi volet in s'aera su chisinu, sas molas allughídebbos in focu! 3. issa fiat su masedúmini fatu a persona, su pobidhu si alluiat po dónnia cositedha Etymon srd. Translations French allumer English to light (up) Spanish encender Italian accèndere German anzünden, einschalten.

allufiài , vrb Definition papare cun allurpimentu, a s'airada, a meda Synonyms e antonyms acamufai, atafiai, bentugare, mangiufai, scantusciai Sentences su Virrei, sassau de mangiusta, si allúfiat de aligusta! (L.Aresu) Translations French faire ripaille English to glutton Spanish devorar, tragar Italian divorare, crapulare German schwelgen.

allugàre , vrb Definition giare o fàere lughe Synonyms e antonyms allumae, allúxiri, illucherare, illughire, illuminai Sentences sa luna allugat sos masones ispartos ◊ su sole de sa pura veridade ti allugat su caminu! (G.Fiori)◊ sos istedhos lughent paret chi cherent allugare su caminu Etymon srd. Translations French éclairer English to illuminate Spanish iluminar, alumbrar Italian illuminare German beleuchten.

alluinài , vrb: alluinare 1, luinai Definition coment'e pigare sa vista po sa lughe a tropu, nau fintzes in su sensu de ingannare, pigare una cosa po un'àtera / alluinaisí = calai sa napa in is ogus Synonyms e antonyms allampiai 1, allanternai, illugerrai, illughinare, impannare, slugerrai / imbovai, incantai Sentences no podis fissai su soli ca ti alluinat ◊ una die a santu Pàulu, sendhe andhendhe a Damascu, l'at alluinadu una lughe ◊ aici bianca e luxenti alluinas sa vista 2. su bastimentu inglesu portat velas coranta… mi alluinas de atesu, ita at a èssi de acanta! ◊ alluinas is bixinas, it'at a èssi de mei! Etymon ltn. ad *lucinare Translations French éblouir English to dazzle Spanish deslumbrar, encandilar Italian abbagliare, abbacinare German blenden.

allumàe , vrb: allumai, allumare, allumiai, allummare Definition fàere cumenciare a tènnere (su fogu), a giare lughe (luma), fràmula; fàere o giare lughe / allumare fogu a ccn. = isparai Synonyms e antonyms achèndhere, allúere, allupiare, atzèndhere, imbièscere, incèndhere, tènnere / allugare, illucherare Sentences si at allumadu sa pipa ◊ at allumadu e istudadu su fogu ◊ sos lampos, fatuvatu, in tantu iscurigore allumant de fiama s'orizonte (A.Spano) 2. bidiat sa luna annadendi in su mari e is piscis allumiendi su celu logu de is istedhus 3. ista sériu, mighi ti allumo a iscantarzada! ◊ sos Sardos cumandhantes avisados su fogu lis allumant de manera chi, sendhe s'atomosfera oscuressida, s'est a s'isparu insoro isclaressida (R.Congiu) Etymon itl. allumare Translations French allumer English to light (up) Spanish encender Italian accèndere German anzünden, einschalten.

allupàe , vrb: allupai, allupare, allupiai Definition segare s'àlidu, su no pòdere o no fàere torrare àlidu tupandho su gúturu, mancare o fàere mancare s'ària e po cussu etotu s'ossígenu chi si respirat Synonyms e antonyms afocare, ataogare, atuligare Sentences si est allupau in s'àcua ◊ passendi ingunis mi tocat de aguantai súliru, po no mi allupai de fragu de bassa ◊ agiudamí ca mi seu allupiendi! ◊ mi seu allupendi de su sidi, de su fàmini ◊ bufa àcua, ca ti allupas! Translations French étouffer, se noyer, asphyxier English to suffocate, to drown Spanish sofocar Italian soffocare, affogare, asfissiare German ersticken.

allupíri , vrb rfl: allupriri, allurpire, allurpiri Definition su si betare che lupu, papare che lupu, aira Synonyms e antonyms afarcai, allupiare 1, botzicare, ingolopire Etymon srd. Translations French se jetter sur la nourriture, se gaver English to throw oneself like a wolf, to gulp down Spanish atracar, hartar Italian avventarsi come un lupo, ingozzarsi German gierig essen.

alluscài , vrb: alluscare Definition fàere luscu, tzurpu in sensu morale puru, no bíere o cumprèndhere prus nudha de sa gana o disígiu de calecuna cosa (mescamente de fémina o de ómine) e fintzes po su bufóngiu a tropu; a logos, fintzes atzitzare is canes, pigare a boghes, alliare a ccn. Synonyms e antonyms alluscorare, inganatzire, insutzuligai, suare / alliare Sentences dónnia borta chi intendit sa boxi de issa dhu fait alluscai 2. su cane de catza, alluscadu, si at mannigadu su puzone chi at buscadu ◊ si li sunt alluscados sos canes no resessiat a si los catzare! ◊ a sa pitzinna si li est alluscadu su babbu e che l'at fata torrare a domo Etymon srd. Translations French aveugler English to blind Spanish cegar (una pasión) Italian allampare, accecare per passióne amorósa German vor leidenschaftliche Liebe blind werden.

«« Search again