A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbacàbbile , agt Definizione chi si podet abbacai, menguare de fortza, de fuliesa Traduzioni Francese qui peut se calmer Inglese peaceable Spagnolo que se puede calmar Italiano calmàbile Tedesco beruhigbar.

abbacàda , nf Definizione su abbacare Sinonimi e contrari abbrandhada, apasigada, arida, asseliada, asserenada | ctr. acradiada Frasi at fatu s'abbacada, at dadu s'abbacada sa calura Etimo srd. Traduzioni Francese soulagement, ralentissement, atténuation Inglese relief Spagnolo alivio Italiano alleviaménto, rallentaménto Tedesco Erleichterung, Milderung.

abbacadòre , agt, nm Definizione chi o chie abbacat Etimo srd.

abbacàdu , pps Definizione de abbacare Sinonimi e contrari asselenadu, asseliadu.

abbacadúra , nf Definizione su abbacare, nau prus che àteru de sa manera / fàghere s'a. = fai andendi e abbachendi, menguendi Sinonimi e contrari abbacada Etimo srd.

abbacài, abbacàre , vrb: abbacuai, abbacuare, abbracare Definizione fortzare prus pagu, menguare, abbasciare de calecuna cosa, nau mescamente de fortzas o de cosas chi faent fortza; tròchere e abbasciare sa parte prus arta, incrubare Sinonimi e contrari abblandai, abbonantzai, allentai, ammellare, assebiai, assussegai, illebiare, imbacari / abbambiai 1 / abasciai, imbasciai, muciare | ctr. acadriare, afortiai, apretai, incrispai Frasi testimonzas de isperas gallizant lieras pro sempre saidadas dae unu bentu chi niune at a poder abbacare (C.Puddu)◊ su ventu at abbacatu ◊ abbacare su dolore ◊ su temporali est abbacau ◊ abbàcala sa barra! ◊ sos boes ant abbacau su passu ◊ abbacuit su fogu! ◊ che li fut morta sa muzere e pro abbracare su dispiaghere corcaiat cun sa teraca 2. abbaca sa fune! 3. fuit abbacanne sa conca po saludu ◊ colanne at abbacadu sa bannera pro saludu a sas autoridades ◊ prus ti abbacas e prus su culu si paret! Traduzioni Francese calmer, ralentir, diminuer Inglese to calm, to slow down, to diminish Spagnolo calmar, reducir, bajar Italiano calmare, rallentare, scemare Tedesco beruhigen, abnehmen.

abbachedhàre , vrb Definizione acostire, arrimare, pònnere cosa, fintzes pònnere unu puntedhu po agguantare Sinonimi e contrari arremai 1, pònnere / apontedhae Frasi Remundha si est acoltziada pro abbachedhare una lama de late in su chizone (R.Calvone)◊ at abbachedhadu cudh'isterzu in s'iscala, lu depet àere postu male e che li est trouladu.

abbachidhadúra , nf Definizione su tempus chi unu depet andhare a bachidhu, candu est sanandho de calecuna maladia Etimo srd. Traduzioni Francese convalescence Inglese convalescence Spagnolo convalecencia Italiano convalescènza Tedesco Genesung.

abbachidhàre , vrb Definizione camminare a bachidhu, aguantandhosi a sa matzoca Sinonimi e contrari abbaculare, abbaculitai Frasi su fuste lis serbit pro si abbachidhare sendhe in caminu ◊ est bénnidu abbachidhandhe che un'istropiadu Etimo srd.

abbacòrra , nf: abbagorra Definizione abba de corra: s'abbighedha chi essit de su nasu candho unu est arremadiadu Sinonimi e contrari arrema, abbanasu Frasi lentore, pèrelas, làgrimas de sa note, abbagorra de su chelu (N.Demurtas) Etimo srd. Traduzioni Francese glaire Inglese drainage from the nose Spagnolo moquita Italiano catarro, scólo nasale Tedesco Nasenlaufen.

abbacòta , nf: abbagota, acuagota Definizione cosa picigosa fata cun abba po atacare impare cosas diferentes (mescamente linnàmene) Etimo srd. Traduzioni Francese colle Inglese glue Spagnolo pegamento, cola Italiano còlla Tedesco Leim.

abbacotàre , vrb: abbagotare Definizione atacare cun abbacota Sinonimi e contrari apodhai Frasi cussa cadrea cheret torra abbacotada Etimo srd.

abbacràsta , nf: abbagrasta, acuagrasta Definizione s'abba chi portat s'olia e chi, candho est mólia, si ndhe iscèberat e si fúliat po chistire s'ógiu límpiu; s'abba de su giodhu, sa chi s’iscèberat faendho su butiru; nau in cobertantza, cosa de pagu valore, machine Frasi pro chirriare bene s'ozu dae s'abbagrasta a sos isportinos lis cheret betadu abba budhindhe 2. tue in conca bi giughes abbagrasta, bellu meu! Etimo srd. Traduzioni Francese eau restante du procéde de préparation des olives Inglese water remnants of olives processing Spagnolo oleaza Italiano àcqua residuata dalla lavorazióne delle olive Tedesco nach der Bearbeitung von Oliven oder Milchprodukten entstandene Flüssigkeit.

abbacuài, abbacuàre abbacài

abbaculàre , vrb Definizione camminare a bàculu, nau de ccn. Sinonimi e contrari abbachidhare, abbaculitai Frasi ch'est essidu abbàcula abbàcula (Z.Porcu)

abbaculitài , vrb Definizione camminare a bàculu, nau de ccn. Sinonimi e contrari abbachidhare, abbaculare Frasi ciu Giuanni est abbaculitendi (S.D'Arco) Etimo srd.

abbacullitàre , vrb Definizione coment'e magiare, iscúdere, in su sensu de pigare s'àteru a foedhos malos faendhodhu a bregúngia.

abbàda , nf: acuada Definizione su betare abba pruschetotu po abbare cosa prantada (e si faet fintzes mandhandho s’abba a cora) Sinonimi e contrari abbadura, arrusciada Frasi a s'ortu li cheret dadu una bella abbada, a mascare sa terra de abba Etimo srd. Traduzioni Francese arrosage, arrosement Inglese watering Spagnolo riego Italiano annaffiata Tedesco Begießen.

abbadalocài , vrb: badabocai* Definizione foedhare a brétiu.

abbadédhu , nm Definizione genia de matighedha chi ponent a tínghere lana o orrobba in colore grogo Sinonimi e contrari catedhina 1, durche 1, eremeri, iscolabadedhas, trobiscu, truvúlciu Terminologia scientifica rbl, Daphne gnidium Traduzioni Francese garou, daphné sainbois Inglese thymelaea, flax-leaved daphne Spagnolo torvisco Italiano laurèlla, èrba còrsa, dittinèlla Tedesco Herbst-Seidelbast, Seidelbastgewächse.