A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apedicàre apatigài

apedicàre 1 , vrb: apeigare 1, peigare Definizione pònnere sa péiga, genia de lóriga cun cadena a su cambúciu de unu pegus; acapiare, fàere a presoneri Sinonimi e contrari acorrinai, apegonai 2. a unu l'ant apeigadu e postu che l'ant in gríbbia Etimo srd.

apedichinàre , vrb Definizione pessighire, cúrrere aifatu a ccn., cracare a ccn. Sinonimi e contrari currellai, pissíghere.

apedràdu , pps, agt: apredadu, aperdau Definizione de apedrare; chi est coment'e fatu a pedra, tostau, cagiau Sinonimi e contrari intostau / ttrs. apidrigadu Modi di dire csn: sàmbini aperdau = apretadu, abbeladinadu; late apedradu = late chi no ndh'essit dae sa tita; tzimentu apredadu = guastu, chi at leadu umidore e si est intostadu chentza impreadu; mòri apedrau = totu pedra, chi bi at pedra meda 2. bi amus nuraghes, bi amus puru sa linna apedrada.

apedradúra , nf Definizione su si apredare, su s'intostare, nau fintzes de isserradura de su corpus Sinonimi e contrari intostada, intostadura Etimo srd. Traduzioni Francese constipation Inglese constipation Spagnolo estreñimiento Italiano costipazióne rettale Tedesco Verstopfung.

apedràre , vrb: apeldai, aperdai, apredae, apredare, apredari Definizione fàere a pedra, tostau (ma a logos, apredae, apredari = apredigare, pònnere pesu in pitzu, in àteros apedrare est fintzes fàere s'incodau); isserrare de su corpus, intostamentu de su ladamíngiu in is istentinas Sinonimi e contrari ammarmurai, apiatare, apredinae, cagiare, impedrare, intostai | ctr. ammodhigare, iscagiae Etimo srd. Traduzioni Francese pétrifier Inglese to petrify Spagnolo petrificar Italiano pietrificare Tedesco versteinern.

apedreàre , vrb Definizione pigare a cropos de pedra, iscúdere o cracare a pedra Sinonimi e contrari ammontricare, apedriai, crastighinare Etimo srd.

apedriài , vrb: apedrigare, aperdiai, aprediae, apredicare, apredigare Definizione iscúdere, pigare o bochíere a cropos de pedra; pònnere pedra (o fintzes àteru) in pitzu de calecuna cosa a pesu po dha cracare, po no che dha leare su bentu Sinonimi e contrari acodulare, acrastiare, allecucare, ammontricare, apedreare, crastighinare / impedrigare, intellai Frasi a una fémina segundhu su códice ebreu l'ant apedrigada ◊ si ti agato furendhe in su meu ti aprédigo! ◊ funt citius citius che canis aperdiaus! ◊ de comenti dh'ant aperdiau, si fit unu santu dhi fit po martíriu! 2. pro l'azeretare, sa cosa agionedhada cheret apredigada ◊ cosa lébia cheret apredigada, pro su bentu ◊ pro l'abbatigare meda su fenu l'apredigamus Etimo srd. Traduzioni Francese lapider Inglese to stone, to lapidate Spagnolo lapidar, apedrear Italiano lapidare Tedesco steinigen.

apedriàu , pps, agt: apredicau Definizione de apedriai 2. li ant dadu sa cundenna de mòrrere apedrigada.

apedrigadòre , agt Definizione chi leat o iscudet a pedra Etimo srd. Traduzioni Francese lapidateur Inglese lapidator Spagnolo quien apedrea Italiano lapidatóre Tedesco Steiniger.

apedrigadúra , nf Definizione su pigare o iscúdere a pedra Sinonimi e contrari acodulada Etimo srd. Traduzioni Francese lapidation Inglese lapidation Spagnolo apedreo, lapidación Italiano lapidazióne Tedesco Steinigung.

apedrigàre apedriài

apedrighinàre , vrb Definizione pònnere iscaza, pedrighedhas, in is imbagas, ammurandho, prènnere tretu buidu a pedrighedhas Etimo srd.

apedrixedhàu , agt: apredischedhau Definizione nau de cosa pitica o a farinos, chi si est apicigada apare faendhosi a bocighedhas, che pedrighedhas, fintzes a bisura de pedra manna / figau aperdixedhau = a nodighedhos coment'e predighedhas, malàidu Frasi calancuna borta is salineris portànt a domu sali apedrixedhau, de cussu chi non arrenesciant a isciasciai Etimo srd.

apefessionàre , vrb Definizione migliorare, fàere bene una cosa a manera de essire méngius, perfeta, chentza difetu Traduzioni Francese perfectionner Inglese to perfect Spagnolo perfeccionar Italiano perfezionare Tedesco verbessern.

apegài , vrb Sinonimi e contrari afessionare, amorare, apicigai Frasi tzia Filomena si fiat apegada a custa pipia pariat chi dhi fiat filla (G.Ortu) Etimo ctl., spn. apegar Traduzioni Francese s'accrocher, s'attacher Inglese to stick, to grow fond of Spagnolo apegarse Italiano appiccicare, affezionarsi Tedesco ankleben, Zuneigung fassen.

apegonài , vrb: apeigonai, apeigonare Definizione pònnere su peigone a un'animale iscapu po no si che istesiare de unu logu Sinonimi e contrari abbilandrare, acorrinai, apedicare 1 Frasi apeigonaus bolint is chi bèni ancora no funt domaus! (B.Casula) Etimo srd. Traduzioni Francese entraver Inglese to shackle Spagnolo trabar Italiano impastoiare Tedesco fesseln.

apégu , nm Definizione genia de sentidu po s'àteru, de bonu Sinonimi e contrari amore, atacamentu, istima Frasi s'apegu a su meri est sa sorti de su serbidori Etimo srd. Traduzioni Francese accrochage, attachement Inglese affection Spagnolo apego Italiano attaccaménto, affètto Tedesco Anhänglichkeit, Zuneigung.

apegugiadòre , nm Definizione furone de bestiàmene, chie costumat a pecutzare Etimo srd. Traduzioni Francese voleur de troupeaux Inglese cattle-stealer Spagnolo abigeo Italiano abìgeo Tedesco Viehdiebstahl.

apegugiài , vrb: pecuzare* Definizione furare pegos, furare bestiàmene.