A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

càdha , nf: cadra, calda, carda Definizione surra, passada de cropos (fintzes de àteru: es. de súrbios po pigare a befa); pelea manna o ifadu de su faghevaghe a meda, de unu trebballu fortzau, de s'arrennegu po cosas chi andhant a trotu, e àteru: totu significaos naos in cobertantza, ca sa calda is ferreris dhu narant a s'abbrigamentu de su ferru, candho est deasi abbrigau chi essit biancu Sinonimi e contrari fraca 2, surra / arrebbentada, arrebbentu, bataria, cària, cumbata, demozu, impodha, inzotu, istimpida, istripa 1, matana, mugna, munziada, pista, pistapone, podha, rebbatu, stragu 1 | ctr. discànciu, pasu Modi di dire csn: donai una carda a unu = abbanzare, surrai; donai una cadra de buca = improverare, refaciai; donai una carda de dentis = fuedhai mali, brigare a unu; leare, dare cadha = leare o dare arrebbentu, matana; cadha de prantu, de tússiu, de fele = atacu de prantu, de tússiu, de arrennegu; cadha de sole, de fogu = su abarrai a tropu pighendi soli forti me in istadi, istudendi fogu; donai sa carda = (puru) achicare fogu, fàghere fogu meda pro còghere sa terralla, inchèndhere su furru, assidai su forru cun faschinas medas: pro su ramenaju a "donai sa carda" est a martedhare su ràmine pro li dare sa forma; fai sa carda a margiani = arrexonai o afrontai a unu chena de profetu Frasi dhi at donau una carda de corpus, dh'at callentau!…◊ dhi donant una carda de fusti e dhu faint totu liagau ◊ una calda de tribbàgliu aiant créfidu!◊ si dh'isperdu s'ègua, babbu mi arrogat a cardas! 2. sos fizos sunt bochindhe su babbu a cadhas de fele! ◊ su pitzinnu si at fatu una cadha de prantu ◊ chi mi seu donau una cadra de marrai gei no est po dabbadas! ◊ una carda de bisonzu aiat créfidu po dhi passare sos vítzios!◊ sa cadha chi mi at dadu su pitzinnu?! odheu! ◊ Giuanni Batista iat donau una cadra de buca a su rei ca fut afancedhau cun sa connada Cognomi e Proverbi smb: Cadda Etimo spn. carda Traduzioni Francese rossée Inglese hail of thrashing Spagnolo paliza Italiano carpìccio, scàrica di busse, strapazzata Tedesco Prügel, Anpfiff.

càdha 1 , nf Definizione cuadhu fémina Sinonimi e contrari ebba.

cadhàda , nf: cadhata Definizione cosa chi si pesat in artu, nau pruschetotu de is fràmmulas de su fogu (ma fintzes de pruine); cuadhu o undhada manna de abba Sinonimi e contrari cadharida / aundhada / arborada Frasi ti moves dogni tantu brinca brinca e a cadhadas ti pesas che fogu (N.Marchetti)◊ dade tentu ca bi apo bidu cadhadas de fogu! ◊ si pesaiant cadhadas biancas che fumentu: fint sas undhas in su mare avolotadu ◊ su cadhu s'est pesadu a cadhadas Etimo srd. Traduzioni Francese grosse vague Inglese big horse, billow Spagnolo oleada Italiano cavallóne Tedesco großes Pferd, Brecher.

cadhadòre , agt Definizione chi giaet cadhas Etimo srd.

cadhài , vrb: cadhare, cardare, gadhare Definizione giare una carda, una surra, iscúdere meda Sinonimi e contrari abbanzare, aciociai, addobbai, apodhare, arropai, assupare 1, atrempare, atripai, impodhare, isciúdere, magiare, sussare Etimo srd.

cadhàja , nf Definizione paule, lurtzina de abba in is orrocas, paule manna in is errios mannos; a logos, una genia de istrégiu mannu Sinonimi e contrari lampatzu 1, pógiu, trógliu / cadhàrgiu, labia Frasi piciochedhus, andai a giogai in sa cadhaja! ◊ ti dh'arregordas candu andeiaus a annadai me is cadhajas? ◊ a meigamma andastis a sa cadhaja po acabussai 2. in su casufíciu callentant su lati in sa cadhaja.

cadhajòni , nm Definizione ladamíngiu tostau apicigau a sa lana de is animales; nau de unu, brutu, prenu de brutesa Sinonimi e contrari àdhara, dhàdhara, ghiritoni, gradhajone, ladhagione / cadhóciu, ladhajosu 2. cussu cadhajoni si est postu a fastigiai! Etimo srd. Traduzioni Francese crottes Inglese dung Spagnolo sirle (animali) Italiano càccola Tedesco Kot.

cadhamarídos , nf Definizione genia de martigusa chi narant fintzes binistra màsciu, iscova de bíngia, de bòi, de preidi, de argiolas, e faet una genia de frutighedhu a pibione tundhu orrúbiu, síngulu Sinonimi e contrari brigantina, iscorravoe, líbida, libidana, scovioi, tzacabingiadas Frasi s'edile ube seperabat sos crapitos fit infertziu a sepe de matricúsia e cadhamaridos Terminologia scientifica mt, Osyris alba Etimo srd. Traduzioni Francese genestrole Inglese base-broom Spagnolo guardalobo Italiano ginestrèlla Tedesco Färberginster.

cadhàniu , agt Definizione chi est o istat totu brutu, chi no contivígiat sa limpiesa de sa persona sua etotu, chi trascurat is fainas de sa domo Sinonimi e contrari cadhóciu, cadrangiosu, mugosu | ctr. límpiu, netu.

cadhàre cadhài

cadhàre 1 cardài

cadhargiòla , nf Definizione min. de cadhàrgiu Sinonimi e contrari labioledhu Frasi bai a domu e prepara cussa cadhargiola de abba callenti, ca mi serbit! Terminologia scientifica stz.

cadhàrgiu , nm: cadharzu 1, cadhaxu, cadraxu, cardàgia, cardàgiu, cardaxu, cardazu, chedhàrgiu, chedharju, chedharzu, cradaxu, cradhaxu Definizione genia de istrégiu mannu e largu prus che àteru de metallu a pònnere abba, late, e àteru; genia de trébide / min. cadhargiola, chedharjedhu, chedhargiolu Sinonimi e contrari caldarone, labia, labiola / trebidàlgiu Modi di dire csn: cardaxu de gisterra = su fundhu de sa gisterra; pèrdiri lati e cradhaxu = pèrdere totugantu, sacu e sale Frasi apu biu unu cardaxu mannu… aintru ci fiant trinta arramanajus martedhendu e s'unu no s'intendiat cun s'àteru! ◊ sa bagadia andàt a chedhàrgiu a conca, a frúmene ◊ ch'est orrutu su pipiu a su chedharzu de su soru 2. ci at pérdiu totu, lati e cradhaxu Terminologia scientifica stz Etimo ltn. caldarium Traduzioni Francese chaudière Inglese cauldron Spagnolo caldera Italiano caldàia Tedesco Heizkessel.

cadhàri cabadhàre

cadharída, cadharíga , nf Definizione cosa chi si pesat in artu e coment'e a brínchidu (fogu, abba) Sinonimi e contrari fiamarida, fracarida, pampada Modi di dire csn: cadharidas de risu = risu a meda; pesàresi a cadharidas (nau de ccn.)= tzerriai cun arrennegu Frasi su chi no distruent sos bentos lu distruent sas cadharigas de su fogu ◊ si bidiant sas cadharidas e medas no si sunt acurtziados timindhe de che abbarrare brujados Etimo srd. Traduzioni Francese saut démesuré, flot, flambée Inglese excessive jump Spagnolo llamarada, chorro Italiano salto sperticato, flutto, fiammata vorticósa Tedesco hochaufgeschossener Sprung, Woge, Stichflamme.

cadharíta , nf Definizione nau de is animales, su si pesare coment'e istrantàgios inartandho is peis de ananti Sinonimi e contrari arborada, archetada Frasi si mi est pesadu su cadhu a cadharitas e istrampadu mi che at a terra Etimo srd.

cadharitzàta , nf Definizione undha manna de abba, coment'e una cadharita Frasi in su mare si fit pesata una bete cadharitzata chi aiat cuatu sa barchita (A.Pau) Etimo srd.

cadhàrzu , nm Definizione cuadhu de linna, cabadhete mannu, artu, a tres peis; nau de cosa o fintzes de persona, chi est arta meda, tropu Sinonimi e contrari trebidàlgiu 2. za est pagu artu custu letu, paret unu cadharzu! Traduzioni Francese tréteau Inglese stand Spagnolo caballete Italiano tréspolo Tedesco Gestell.

cadhàrzu 1 cadhàrgiu

cadhàta cadhàda