A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ciolíriu, ciolíru chibíru

ciómigu , agt: tzómigu Definizione chi tenet pecu, difetu (mescamente a is ogos).

ciòmpere , vrb: còmprere, giòmpere, lòmpere, zòmpere Definizione arribbare a unu certu puntu, a su puntu giustu, nau siat po tretu fatu camminandho e siat po frutos, po tempus; betare farrancas, is manos a unu po dh'iscúdere (deasi pigat fintzes unu cmpl. ogetu e ausiliàriu àere), o a una cosa po ndhe dha leare, po si dha papare / pps. ciómpidu, ciómpiu Sinonimi e contrari abberare, arribbai, assuprire, còchere Frasi in allegria finas a ciòmpere chent'annos! ◊ ndhe ciompimus a pasa a pasa, istracos e sudoraos ◊ ti ciompat su profumu paris chin custa voche! ◊ ciughiat una vestàglia chi che li ciompiat a pes 2. daghi su frutu est ciómpidu paltorit 3. cudhu fit a manizadas e a unu tzertu puntu fit timendhe chi l'aret ciómpida ◊ eo creia chi lu ciompiat malamente candho l'at bidu cioghendhe a làmpinas de nie!(S.Saba) Etimo ltn. complere.

cionài , vrb Definizione su murrungiare de is procos Frasi una cedha de centu porcedhus andànt cionendi in su sartu (F.Carlini).

ciònca , nf: (sa c. = nr. saciònca) tonca, tzonca* Definizione genia de pigione chi essit a denote: in Sardigna che abbitat in passera, passat s'ierru e nidat puru; si narat fintzes de unu a disprétziu Sinonimi e contrari antzonca, tzonchita Frasi s'aju sou fit a intèndhere píulos de cionca in note de luna 2. cun tui seu torrara che una cionca canura! Terminologia scientifica pzn, otus scops Traduzioni Francese petit duc Inglese horned owl Spagnolo autillo Italiano assiuòlo Tedesco Zwergohreule.

ciònca 1 , nf: sonca 1, tzonca 1 Sinonimi e contrari bàilcu, violedha.

ciòncia , nf: tzonca 2 Sinonimi e contrari ciodha, imbreachera, tzuadhina 1 Frasi cussa est ciòncia malésiga! Cognomi e Proverbi smb: Cioncia.

cionciàre , vrb Definizione pigare una ciòncia, una cotura, imbriagare Sinonimi e contrari aciumai, atzoncare Traduzioni Francese pinter Inglese to booze Spagnolo emborracharse Italiano sbevazzare Tedesco unmäßig trinken.

ciónciu , nm Definizione genia de petonadura de is pilos de sa fémina chi abbarrant coment'e imbodhigaos a cricu tundhu in sa sedha de su cúcuru (unu pagu a cara a desegus) Sinonimi e contrari cacariolu, cocoiledhu, cucajone, cucale, cuchedha, cucurinu, picioce.

cióncu , agt Definizione imbriagu, cun sa conca leada de calecuna cosa (si narat de animale puru) Sinonimi e contrari atambainadu, irbadhinadu Frasi candho sa mente est cionca, tota sa vida ndh'est disisperada!

cionèdha , nf: agionedha*, gionedha Definizione conchedha, genia de istregighedhu de ortigu po umprire abba; ortigu coment'e a canale po pònnere cosa a papare Sinonimi e contrari conchedha 1, gupu, trobia Frasi in sa funtana frimmat e bufat s'abba dae sa cionedha.

ciònfra , nf Definizione cosa chi si narat po erríere, pigare a befa, brullare fintzes de cosas sérias o nàrrere a errisu cosas chi podent fintzes ofèndhere; unu chi est pigau a befa Sinonimi e contrari allera, arréula, atrecu, befa, befinzu, bisera, ciacota, cianfronella, deleu, dellezu, dríngula, iscàranu, iséria, mofa, siera Modi di dire csn: fàghere cionfra = abbefiare; miràresi a bessu de c. = coment'e pro befare Frasi eo a cionfra manna e a coglionu penso chi ndhe as a mòrrere de desizu! (A.Dettori)◊ intendhindhe cudhas peràulas, ambos si caglieint a sa muda mirèndhesi a bessu de cionfra 2. fit unu rassu e tontu e in sa carrela fit sa cionfra de sos pisedhos Etimo crsn. cianfornia Traduzioni Francese raillerie Inglese scoffing Spagnolo mofa, broma Italiano sbeffeggiaménto, gabbo Tedesco Verhöhnung.

cionfradéri , agt Definizione chi costumat a cionfrare, a pigare in giru, a fàere brullas Sinonimi e contrari brullagiolu, brullanu, brulleri, buglista, ciascheri Frasi pro cussa manera forrighita e cionfradera, Pepedhu si fateit tristu Etimo srd.

cionfragiólu , agt Definizione chi costumat a cionfrare, a pigare in giru, a fàere brullas, a istare befandho Sinonimi e contrari arrisingiosu, befadore, befajolu, beferi, befianu, bufoneri, bufulanu, ciacoteri / ttrs. ciunfrajoru Frasi torrent sos cionfragiolos e buglistas chi faghiant de risu ischintolzare! (A.Pinna) Terminologia scientifica ntl Etimo srd. Traduzioni Francese mordant, moqueur Inglese bitting Spagnolo mofador Italiano mordace, motteggiatóre Tedesco bissig.

cionfràre , vrb Definizione pigare a befa, erríere po befa Sinonimi e contrari ciascare, ciasconare Frasi as a essire unu molente e totu si ndhe ant a cionfrare ◊ tue ricu?! - narzeit cudhu - e leeit a ríere cionfrendhesindhe Etimo srd. Traduzioni Francese bafouer, railler Inglese to mock Spagnolo mofar Italiano sbeffeggiare Tedesco verhöhnen.

ciòni , nm Definizione genia de pigione chi nidat in is sueredos Sinonimi e contrari alialza, alibinta, arbiaxu, mariannedha, papadrigu, passarellu, passariàngia Cognomi e Proverbi smb: Cioni Terminologia scientifica pzn, fringilla coelebs tyrrhenica Traduzioni Francese pinson Inglese finch Spagnolo pinzón Italiano fringuèllo Tedesco Buchfink.

ciòpa ciòba

ciopài , vrb Sinonimi e contrari cherpai, isciopai Frasi mancai ti apas a ciopai, dèu ti apu a narri ca nou!

ciopàre , vrb: acrobai, crobai, crobare 1, crobari, cropare Definizione pònnere a loba, impare a duos a duos, unire cun calecuna cosa (es. púncias, incàsciu), fintzes andhare de acordu; bènnere apare cun is manos po s'iscúdere Sinonimi e contrari acopiare, agiobare, allobae, aparigai, cofare / certai, crazugai, tipilire | ctr. iscrobai Frasi aiat imparatu deretu a cropare su zuvu a su zuvale ◊ custos ribos si cropant apare 2. is piciochedhus chi tra issus crobant acabbant sempri mali Etimo ltn. cop(u)lare Traduzioni Francese apparier Inglese to pair Spagnolo acoplar, aparear Italiano appaiare Tedesco paaren.

ciopiciópi , avb: topitopi*, tzopitzopi Definizione manera de camminare de chie est tzopu Sinonimi e contrari atzopiatzópia, topigatópiga / ttrs. tzambigatzàmbiga Traduzioni Francese boiteux Inglese limping Spagnolo cojo Italiano zoppicante Tedesco lahmend.