A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

codiàrba , nf Definizione genia de erba Sinonimi e contrari araminzu, arramanarxu, cannajoni 1, eràmine, ereminzu, gràmene, ilaila, norodhàsile, orgodhàsile, pastudrèmini Terminologia scientifica rba Etimo srd.

codiàre , vrb: acodiare, cuidare 1 Definizione lassare agoa a ccn. o una cosa camminandho passandho prus ainnanti, lassare cosa chentza fàere, chentza ndhe dha leare, lassare e bastat coment'e candho unu s'imméntigat, lassare o fintzes acabbare de fàere cosa; andhare aifatu de s'arrastu / no codiare cosa = furai totu Sinonimi e contrari acadiare, acogiai, cambare, cogiai, coigiare, incoizare, lassai, scaresci / sensai | ctr. pigai, furai Frasi essit foras de su semenadu e totora l'intórticat s'aradu o códiat terrinu ancora intreu ◊ su maridu fit mortu e l'at codiada sola chin sos fizos ◊ su teracu si at codiau sa ghistrale ◊ mamma aprontaiat donzi cosa, chena cuidare sas lezes 2. no nche codiabat sa missa mancu pro sas cosas prus bellas de custu mundhu 3. fae e chibudha, basolu, patatu e azu… no codiaias nudha! ◊ de matzone aumentant sos delitos: - no códiat porchedhu e ne anzone (D.Mele) Etimo srd. Traduzioni Francese laisser qqnqqch derrière soi, oublier qqch Inglese to omit, to disregard Spagnolo colar, dejar Italiano lasciare indiètro Tedesco unterlassen, jdn. zurücklassen.

codiàrzu codiàlzu

codiatúra , nf Definizione su immentigare sa cosa Sinonimi e contrari codiada, coizadura Etimo srd.

códice , nm: códitze, códixi Definizione leis e normas de unu logu arregortas impare totu a unu; sistema de sinnos; paperis iscritos a manu de is tempos antigos / genias de códice: penale, civile, militare, e àteru, segundhu de ite chistione si tratat in is leis; códice de aviamentu postale = sos números chi distinghent una bidha, una tzitade (o apendítziu) pro indiritzare sa posta in pabilu; c. iban: sistema internatzionale de identificatzione de unu contu in banca; c. ISBN: identíficat un'òpera pubblicada a istampa Traduzioni Francese code Inglese code Spagnolo código, códice Italiano còdice Tedesco Gesetzbuch.

codícia , nf: (co-dí-ci-a) codíssia, cudíssia, gudítzia Definizione disígiu mannu, gana forte de tènnere una cosa, de godimentu Sinonimi e contrari abudesa, agodíssia, agudéntzia, arràngulu, asuréntzia, asuria, limiore / afródhiu 2. teniat sa codíssia de àere unu fizu preíderu ◊ sa codíssia t'ispinghet dogni die piús atesu pro giòmpere a s'arcanu (G.Porcheddu) Etimo spn. Traduzioni Francese avidité, ambition Inglese ambition, avidity Spagnolo codicia Italiano avidità, ambizióne Tedesco Gier, Ehrgeiz.

codiciósu , agt, nm: (co-di-ci-ó-su) codissiosu, cudissiosu Definizione chi o chie tenet codíssia, gana forte de àere calecuna cosa, de lòmpere a un'iscopu Sinonimi e contrari abbissiosu, abbramidu, agudiciosu, àidu 1, assuriu, aulidu Frasi cudissiosu e inguglione, brujat su logu Terminologia scientifica ntl Etimo spn. Traduzioni Francese ambitieux Inglese ambitious Spagnolo ambicioso, codicioso Italiano ambizióso Tedesco ehrgeizig, Ehrgeizige.

codiédhu , nm Definizione in cobertantza, cussu chi portat totu is códias, su dimóniu Sinonimi e contrari anemigu, antzipirri, arremínciu, coixedha, demóniu, foradenosu, lutzedhu, pudidinosu Etimo srd.

codifía , nf Sinonimi e contrari coisaia, culisàida Terminologia scientifica pzn.

codígliu , nm Sinonimi e contrari brulla Etimo spn. codillo.

codigòne, codigòni , nm Definizione su frustale o fuste de sa coa, o fintzes ossu o rughe de crocas Sinonimi e contrari crogale, frustale Frasi su burràgliu pro sa tocadura giughet malandras, giughet s'ata de su codigone pista, iscolzolada, abbuscinada Terminologia scientifica crn.

codíle, codíli , nm Definizione carena, carenalzu, su corpus / de c. = forte, de agguantu (boes, ómines de bonu c., fintzes índula, caràtere) Frasi a si pesare a cumeradas gai chin megus no l'aiat fatu mai: fit de codile e bonu caràtere!

codilònga , nf Definizione genia de pigione Sinonimi e contrari codisàgala, coeta, coisàida, culisàida, culisaita, isposita, madisca, madiscedha, merreschedha, niacoa, tzantzigadita Terminologia scientifica pzn Etimo srd.

codína, códina , nf: corina 1, cudina Definizione genia de pedra chi essit a orrughedhos, a giarra; logu de terra a pigighedhu fine, de codina asuta; dhue at logu chi narant codina a sa cotzina de una mata, a s'arraighina grussa, e fintzes a s'orrugu curtzu chi abbarrat de unu cambu truncau, a sa linna grussa de su fundhu de sa bide / èssere conca de c. (nau de ccn.)= tostorrudu Sinonimi e contrari arroca, cocoda, code, nodu / codinatu / cocina / cdh. cutina Frasi su fogu che est iscazandhe finas sas codinas ◊ su tretu uve si curriat su palu fit unu cucuredhu de cutina ◊ che est essidu e si che pasat in punta de una cudina 2. ca est codina, nudha bi fiorit, s'erva comente naschet si che morit 3. cussu pischedhu de casu fut tostu che codina ◊ ma tandu ses própiu codina: possíbbili chi no cumprendas?! 4. bellos sos ranos bolendhe dae sa paza seberendhe e brinchendhe in sa codina! (B.Truddaju) 5. cun sa corina de su sarmentu si arrustit sa pècia ◊ sa trapa bollit de corina, no pértia de frutu!◊ in su fogili dhue teniat unu fogu de codinas de lione 6. cust'ómini est conca de codina e prus dhu pistas e prus est pertiassu! (G.C.Mameli) Cognomi e Proverbi smb: Codina, Codinas / prb: chie at dinare pastinzat binza in sa codina Etimo srd. Traduzioni Francese roc, grésière Inglese rocky ground, rock, sandstone Spagnolo pedregal, crestón Italiano suòlo roccióso, ròccia, arenària Tedesco felsiger Boden, Sandstein.

codinagódina , avb Definizione andhare c. = cuatu cuatu, deasi abbellu de no si lassare sapire, a iscúsiu Sinonimi e contrari brainubbràinu, piotibioti.

codinài , vrb: codinare Definizione fàere sonu de pedra, sonu buidu, nau de sa mola candho est girandho chentza laore a mòlere Sinonimi e contrari iscodinai 2. s'incràs a mesudie mammai si che at codinadu totu su pudhu. Etimo srd.

codinàlla , nf Definizione cotzighinas, tzompas Sinonimi e contrari cotzigonalla Etimo srd.

codinàre codinài

codinàrzu , nm: cudinarju, cudinarzu, cutinàgliu Definizione logu de codina, inue si bogat codina Sinonimi e contrari rocàgliu Frasi in cussos cudinarzos de terra sútile in maju sos orzos sont zai cambiandhe colore Terminologia scientifica slg Etimo srd. Traduzioni Francese terrain caillouteux Inglese stony ground Spagnolo suelo pedregoso Italiano terréno sassóso, di arenària Tedesco steiniger Boden.

codinàta , nf Definizione orroca pitica lada.