A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

crarèsa , nf: giaresa Definizione su èssere craru, ladinu, límpiu, de calecuna cosa o chistione, de unu fàere chi si cumprendhet luego Sinonimi e contrari craridadi Frasi su Butzinu nudha timet prus de sa craresa de un'ànima neta ◊ issu bidiat sa gherra e sa maladia che fatos de natura chin sa craresa chi custa depet àere (G.Piga)◊ tramperi ispuntroxau, Malacoi arrennesciat a annurrai sa craresa prus luxenti (E.Sanna/M.B.Lai) Etimo srd. Traduzioni Francese clarté Inglese clearness Spagnolo claridad Italiano chiarézza Tedesco Klarheit.

craridàdi , nf Sinonimi e contrari craresa.

crarighédhu , nm Definizione logu chi essit a ispuntone, de ue faet a crarizare, a bíere a craru logu meda Sinonimi e contrari bica Frasi nurache in cue no che ndh'at, ma che at unu crarighedhu Etimo srd.

crariméntu , nm Definizione su chi si narat po crarire, fàere a cumprèndhere méngius una chistione Sinonimi e contrari ixarimentu Frasi is duus si fiant furriaus faci a chini nd'isciat prus de issus e aspetànt unu crarimentu Etimo srd.

craríre , vrb: acrarire Definizione su fàere crara una cosa, una chistione, ispiegandhodha a manera chi si pàrgiat méngius, chi si cumprendhat Sinonimi e contrari aclarai, ilgiarare, isciarire | ctr. cufúndhere Frasi su conte li aiat craridu totu su chi depiat fàghere Etimo srd.

crarizàda , nf Definizione su crarizare, castiada de pòdere bíere a craru su logu Etimo srd.

crarizàre ciarizàre

crarónzu , agt Definizione chi est unu pagu craru Sinonimi e contrari giaru | ctr. iscuronzu Etimo srd.

craròre , nm Definizione su èssere craru, su dhue àere o fàere lughe meda Sinonimi e contrari giaresa | ctr. iscuricore Frasi su crarore de sa luna ◊ dazemila un'arbéschia de crarore, unu gupu de sole de mesudie chi mi torret su póchiu de sa bida! (G.Piga) Traduzioni Francese clarté, lueur Inglese glimmer Spagnolo claridad Italiano chiaróre Tedesco Schein.

crarósu , agt: acrarosu Definizione nau de logu, chi essit, faet a ispuntone, a bica de ue si podent bíere a craru logos atesu (e faet a dhu bíere de atesu) Frasi inie che at un'orroca, una punta, crarosa meda ◊ Piscinioi non si fut pràxia: fut tropu crarosa a sa bia manna e non boliaus èssi bias ◊ si biet de atesu ca est in logu crarosu ◊ est che bítula in sos puntos prus crarosos, abbaidandhe Etimo srd. Traduzioni Francese bien visible Inglese open to Spagnolo bien visible Italiano espósto Tedesco gut zu sehen.

cràru ciàru

cràs , avb, nm Definizione avb. sa die chi benit apustis de oe, nm. sa die apustis de sa chi seus naendho in su chistionu, ma fintzes su tempus benidore bastat chi siat / zúghere a unu de oe a cras = zúghere a unu de sa pira a sa mela, aguantaidhu impromitendi sempri, cun arreghèscias Sinonimi e contrari incràs Frasi sos frores, che a tie eternamente, cras ant a tènnere fragu bellu ancora ◊ su chi no amus achipidu oe lu dassamus a cras ◊ chi no est oi est cras, ma gei dhu fatzu! ◊ mi giughes de oe a cras promitèndhemi e mai mi as dadu nudha! 2. su cras est su mundu prus bellu, sa fantasia dhoi bisat fortuna e saludi Cognomi e Proverbi prb: s'ódiu de oe làssalu a cras ◊ chini allogat a cras allogat a canis Terminologia scientifica tpc Etimo ltn. cras Traduzioni Francese demain Inglese tomorrow Spagnolo mañana Italiano domani Tedesco morgen.

crasàre , vrb Definizione isperrare comente si faet a su pane de fresa in oros a gurtedhu, candho est cotu, po dhu bogare a pígios e assare torrandhodhu a su forru Sinonimi e contrari fresai Frasi candho cochiant, fint chie cariandhe, chie tendhendhe, chie ifurrandhe, chie crasandhe.

craschiabbúdhas , nm: craschiaudhas Definizione chi arrasigat fintzes is istentinas (budhas) po s'arrestigore, po ingurdoneria Sinonimi e contrari aggantzadu, assuriu, cajasoru, limidu, soridu, susuncu Frasi fit unu craschiaudhas, campaiat de su chi li daiat sa zente ◊ cussu craschiabbudhas pro carchi sodhu si est ghetau a sa cuncurréntzia! Terminologia scientifica ntl Etimo srd. Traduzioni Francese radin, lésineur Inglese stingy Spagnolo tacaño, avaro Italiano tìrchio, lesinatóre Tedesco Geizhals.

craschiàda , nf Definizione su arrasigare, nau fintzes de su chi si faet in su gúturu po iscrarire sa boghe Frasi iscudet una craschiadedha a sa gula e comintzat a favedhare Etimo srd.

craschiadòre , nm Definizione aina chi serbit po arrasigare: una de is primas ainas chi sa gente at imbentau, fata de pedra crobina o àtera genia de pedra chi essit a àstulas (es. sítzili) Sinonimi e contrari arrasicadore, rascàgliu Terminologia scientifica ans, opan Etimo srd. Traduzioni Francese raclette Inglese scraper Spagnolo rascador, rascadora Italiano raschiatóio Tedesco Schabstein.

craschiadúra , nf Definizione su craschiare, manera de segare o de ndhe leare unu pígiu de cosa; su pígiu de sa cosa chi si ndhe segat o leat (fintzes ispurgadura de is prumones) Sinonimi e contrari arrasighetu, berrumballa, craschiada, pulidura, rasciadura, ratzigadura / cràschiu Etimo srd. Traduzioni Francese raclage Inglese scrape Spagnolo rascadura Italiano raschiatura Tedesco Abschaben.

craschiàre , vrb: crasciare (cra-sci-a-re) Definizione passare a forte un'aina, prus che àteru cun atza, a frigadura po ndhe leare unu pígiu de cosa (in su gúturu dhu faet fintzes su tussi) Sinonimi e contrari arraschiai, arrasciare, arrasigai, cratuschiare, iscadrapiare, saricare Frasi a su mannale, usciàndhelu, lu craschiavant chin sa lesorja ◊ ndhe ant craschiau su fumàdicu de sa tziminera Etimo itl. raschiare.

craschiàu , pps, agt Definizione de craschiare Sinonimi e contrari arrasigau.

craschiaúdhas craschiabbúdhas